Римлилеге 3:2 - Сыйлы Инжил бла Забур

² Хар не жанындан да уллу онглулугъу барды, бегирек да алагъа Аллахны сёзлери ышанып берилгенлери ючюн.

Римлилеге 3:2 Iomraidhean Croise

Ахия 5:39

Сыйлы Китапланы тинтип къарайсыз, нек десегиз сиз аланы юслери бла ёмюрлюк жашау алыргъа умут этесиз; ала уа Мени юсюмден шагъатлыкъ этедиле.

Ишлери 7:38

Къум тюзде жамауатны арасында жашагъан, Синай тауда анга сёлешген мёлек бла эм аталарыбыз бла бирге болгъан эм бизге айтыр ючюн жашау бериучю сёзле алгъан олду.

Римлилеге 1:2

Аллах Кесини файгъамбарларыны юсю бла Сыйлы Китаплада алгъындан берирге айтып сёз берген ол Хайыр Хапар

Римлилеге 2:18

Аны буйругъун да билесе, игисин ангыларгъа Тауратдан юйреннгенсе

Римлилеге 3:1

Алай бла иудейли болгъанны не онглулугъу барды неда сюннетлиликден не файда барды?

Римлилеге 3:3

Аланы бир къауумлары ийман салмагъан эселе, не болур? Аланы иймансызлыкълары Аллахны ышаннгылылыгъын жокъ этерми?

Римлилеге 9:4

Аллах аланы Кесине уланла этгенди, алагъа Кесини аламатлыгъын кёргюзтгенди, ала бла кесаматларын этгенди, алагъа Тауратны, Кесине къуллукъ этдириу низамны эмда ант сёзлени бергенди.

I Коринфлилеге 9:17

Аны кесим сюйюп эте эсем, саугъа аллыкъма; кесим сюйюп этмей эсем а, жаланда манга берилген къуллукъну толтурама.

II Коринфлилеге 5:19

Нек десегиз Аллах, адамланы гюняхларын аланы боюнларына салмай, Масихни юсю бла дунияны Кеси бла жарашдыргъанды эм бизге жарашдырыу сёзюн аманат этгенди.

Галатиялылагъа 2:7

Ол угъай эсенг, Хайыр Хапарны сюннетлилеге жаяргъа Петерге ышанып берилгени кибик, манга да сюннетсизлеге жаяргъа берилгенин кёргендиле.

I Тимотейге 6:20

Эй Тимотей! Санга ышанып берилген окъууну тут. Жараусуз, бош сёзледен эмда адамланы жангылып «илму» дегенлерини бир-бирлерине къажау фикирлеринден тай.

Чюйютлелеге 5:12

Нек десегиз, заман бла алып къарагъанда, сиз устазла болургъа керек эдигиз; алай а сизни жангыдан Аллахны сёзюню ал башланнганындан юйретирге керекди эмда сизге, къаты аш тюйюл, сют керекди.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.

Билим Ачханы 19:10

Мен, анга сежда этер ючюн, аны аякъларына аудум; алай а ол манга: «Къара, этме алай! Мен да сени кибик эм Иссагъа шагъатлыкъ этиуню бардыргъан къарындашларынг кибик Аллахны къулума. Сежданы Аллахха эт, нек десенг Иссагъа шагъатлыкъ этиу файгъамбарлыкъны нюрюдю», – деди.

Билим Ачханы 22:6

Сора мёлек манга: «Бу сёзле тюздюле эм хакъ кертидиле эмда сыйлы файгъамбарланы Раббий Аллахы, къысха заманда боллукъ затланы Кесини къулларына кёргюзтюр ючюн, Кесини мёлегин ийгенди», – деди.