Римлилеге 2:14 - Сыйлы Инжил бла Забур

¹⁴ Нек десегиз алада Тауратны Закону болмагъан миллетле, кеслерини табийгъатларына кёре, Закон буюргъанланы эте эселе, сора алада Тауратны Закону болмагъанлай, ала кеслери-кеслерине закондула.

Римлилеге 2:14 Iomraidhean Croise

Ишлери 10:35

Алай а хар миллетде да Андан къоркъгъан эм тюзлюк этген адамны къабыл этгенин кертиси да мен ангыладым.

Ишлери 14:16

Ол, озгъан туудукъланы заманында битеу миллетлеге кеслерини жоллары бла барыргъа, бошлап къойгъанды.

Ишлери 17:30

Алай бла Аллах билмей туруу заманлада этген терсликлерибизни боюнубузгъа салмай, энди хар жерде да битеу адамлагъа тобагъа къайтышыргъа буйрукъ этеди.

Римлилеге 1:32

Аллахны, аллай ишлени этиучюле ёлюмге тийишлидиле деген, тюзлюклю хукмусун ала биледиле; алай а аланы кеслери этген бла да къалмай, этгенлеге да ыразы боладыла.

Римлилеге 2:12

Алада Тауратны Закону болмай гюнях этгенле, Закондан тышында жоюлурла; Законлары болуп гюнях этгенлеге уа Закон бла сюд этилир.

Римлилеге 2:15

Ала Законну буюргъанлары аланы жюреклеринде жазылгъанын кёргюзтедиле; аны юсюнден аланы жюреклери шагъатлыкъ этеди, ойлашыулары да аланы бирде терслейдиле, бирде ариулайдыла.

Римлилеге 2:27

Эм жазылгъан жорукъла бла сюннет адет сенде болуп тургъанлай, сен Тауратны бузуучу адам эсенг, табийгъатдан сюннетсиз болуп, Тауратны тутхан адам сени терслемезми?

I Коринфлилеге 11:14

Эр киши чачын ёсдюре эсе, ол анга ыспассызлыкъ болгъанын, табийгъат кеси окъуна юйретмеймиди сизге?

I Коринфлилеге 9:21

Мен, Аллахны аллында законсуз тюйюл, алай а Масихни Законуну оноуунда болгъанымлай, Закону болмагъанланы табар ючюн Закону болмагъан адамча болгъанма.

Эфеслилеге 2:12

Сиз ол заманда Масихсиз эдигиз; Израильни жамауатындан тышхы эдигиз, Аллахны ант сёз бла этген кесаматларындан юлюшсюз эдигиз, умутугъуз жокъ эди эм бу дунияда Аллахдан къуру эдигиз.

Эфеслилеге 2:3

Бир заманлада биз барыбыз да аллайла эдик, гюняхлы табийгъатыбыз сюйгенни эм акъылыбызгъа келгенни этип, адам табийгъатыбызны кюсегенлерине кёре жашай эдик. Бизни барыбызны да Аллахны чамланыуу сакълай эди.