Римлилеге 2:1 - Сыйлы Инжил бла Забур

¹ Алай бла сен, ким да бол, башханы терслеучю адам, кечгинликли тюйюлсе. Нек десенг башханы не терслик бла терслей эсенг, кесинги да ол терслик бла терслейсе; не ючюн десенг, башханы терслеп, кесинг да аны этесе.

Римлилеге 2:1 Iomraidhean Croise

Лука 12:14

Исса уа анга: «Эй адам, сизге сюд этерге неда сизни арагъызны айырыргъа Мени ким салгъанды?» – деди.

Лука 19:22

Бий анга: „Хайырсыз къул! Санга, сени ауузунгдан чыкъгъан сёзлеринг бла сюд этерикме. Мен салмагъанымы алыучу эм сепмегеними оруучу, къаты адам болгъанымы сен биле эдинг.

Лука 6:37

«Терслемегиз, сиз да терсленмезсиз; айыпламагъыз, сиз да айыпланмазсыз; кечигиз, сиз да кечилирсиз.

Римлилеге 14:22

Сени ийнаныуунгму барды? Аны Аллахны аллында кеси-кесингде тут. Кеси къабыл кёрген затдан кесин терслемеген адам насыплыды.

Римлилеге 2:2

Аллай ишлени этиучюлеге кертиси бла да Аллахны сюд этгенин биз а билебиз.

Римлилеге 2:3

Адам, сен, аллай ишлени этгенлени терслеп, кесинг да ол ишлени эте, Аллахны сюдюнден къутулургъа къалай умут этесе?

Римлилеге 3:9

Энди не айтайыкъ? Биз, иудейлиле, башха миллетлиледен онглубузму? Не аз да угъай! Иудейлиле да, башха миллетлиле да – бары да гюняхны оноуунда болгъанларын биз энди кёргюзтгенбиз,

Римлилеге 9:20

Адам, сен а кимсе, Аллах бла даулашырча? Ишленнген зат аны ишлегеннге: «Сен мени былай нек этдинг?» – деп айтырмы?

I Коринфлилеге 4:5

Ол себепден, Раббий келгинчи, замандан алгъа бир тюрлю сюд да этмегиз. Ол а къарангыда жашырылгъанланы жарыкъгъа чыгъарыр эм адамланы жюреклериндеги ниетлерин ачыкъ этер. Ол заманда уа хар кимге да махтау Аллахдан болур.

I Коринфлилеге 7:16

Къатын, сен эринги къутхармазлыгъынгы къайдан билесе? Неда сен, эр, къатынынгы къутхармазлыгъынгы къайдан билесе?

Якъуп 2:20

Алай болгъанлыкъгъа ийнаныу ахшы ишсиз, файдасыз болгъанын билирге сюймеймисе, тутхучсуз адам?

Якъуп 4:11

Къарындашла, бир-биригизни аманламагъыз. Къарындашын аманлагъан неда къарындашын терслеген адам Тауратны аманлайды эм Тауратны терслейди. Сен Тауратны терслей эсенг а, сора сен Тауратны толтуруучу тюйюлсе, анга сюдюсе.