Римлилеге 16:2 - Сыйлы Инжил бла Забур

² Сыйлылагъа тийишлисича Раббий ючюн аны къабыл этигиз, сизде ол не керекли болсада болушугъуз; нек десегиз ол кеси кёплеге да, мени кесиме да болушлукъчу болуп тургъанды.

Римлилеге 16:2 Iomraidhean Croise

Маттай 25:40

Патчах да алагъа жууапха: „Кертисин айтама сизге: сиз муну Мени бу эм гитче къарындашларымдан бирине этгенигиз себепли, аны Манга этгенсиз“ деп айтырыкъды.

Ишлери 9:13

Ханания жууапха: «Раббий! Ол адам Сени Иерусалимдеги сыйлыларынга къаллай бир аманлыкъ этгенин мен кёпледен эшитгенме.

Ишлери 9:15

Алай а Раббий анга: «Бар! Нек десенг миллетлеге эм патчахлагъа эмда Израиль улулагъа Мени атымы билдирир ючюн, ол Мени сайлагъан сауутумду.

Ишлери 9:36

Яффада, Табита атлы бир сохта тиширыу бар эди. Аны атыны магъанасы маралды. Ол кёп хайыр иш этген эм кёп садакъа берген тиширыу эди.

Ишлери 9:39

Петер, туруп, ала бла кетди; ол келгенлей, аны огъаргъы отоугъа элтдиле эм битеу башсыз къатынла жиляп аны аллына келдиле. Табита ала бла жашагъан кезиуюнде этген кёлеклерин бла чепкенлерин Петерге кёргюзтдюле.

Ишлери 9:41

Петер анга къолун берип къобарды эм сыйлыланы эмда башсыз къатынланы чакъырып, Табитаны аланы алларына сау этип салды.

Римлилеге 15:7

Ол себепден Масих, Аллахха махтау болур ючюн, сизни къабыл этгени кибик, сиз да бир-биригизни къабыл этигиз.

Римлилеге 16:15

Филологга эм Юлиягъа, Нирейге эм аны эгечине, Олимпасха эм битеу ала бла болгъан сыйлылагъа салам айтыгъыз.

Римлилеге 16:23

Мени эм битеу жамауатны къонакъбайы Гай сизге салам айтады. Шахарны казнасын сакълаучу Эраст эм Кууарт къарындаш сизге салам айтадыла.

Римлилеге 16:6

Бизни ючюн кёп уруннган Мариямгъа салам айтыгъыз.

Римлилеге 16:9

Масихни жолунда бизни бла уруннган нёгерибиз Урбаннга эм мени багъалы шуёхум Стахисге салам айтыгъыз.

Эфеслилеге 5:3

Саякълыкъны эм хар тюрлю харамлыкъны эм жыртхычлыкъны сизде атлары айтылыргъа окъуна жарарыкъ тюйюлдю, была сыйлылагъа тийишли ишле тюйюлдюле.

Колослулагъа 4:10

Мени бла бирге тутмакъда болгъан Аристарх эмда Барнабаны жууугъу Марк сизге салам айтадыла. Маркны юсюнден мен сизге билдирген эдим. Ол сизге келсе, аны къабыл этигиз.

I Тимотейге 2:10

Алай а, Аллахны жолунда жюрюйбюз деп шагъатлыкъ этген тиширыулагъа тийишлисича, кеслерин хайырлы ишле бла ариу этсинле.

II Тимотейге 1:18

Раббий Кесини келген кюнюнде анга мархамат этсин. Ол манга Эфесде къаллай бир болушханын а сен иги билесе.

Титге 2:3

Аны кибик къарт къатынла да сыйлылагъа тийишлисича жашасынла, тилчиле болмасынла, ичгичиликге къул болмасынла, игиликге юйретсинле.

Филимоннга 1:12

Сен а аны мени жюрегими къабыл этген кибик къабыл эт.

Филимоннга 1:17

Ол себепден, мени нёгеринге санай эсенг, аны мени къабыл этген кибик къабыл эт.

II Ахия 1:10

Сизге келип, бу юйретиуню келтирмеген адамны юйге алмагъыз эм анга салам бермегиз.