Римлилеге 16:17 - Сыйлы Инжил бла Забур

¹⁷ Къарындашла, сизден тилейме, ол сиз юйреннген окъуугъа къарамагъанлай, сизни арагъызда айырылыула чыгъаргъанладан эм чырмау этгенледен кесигизни сакълагъыз эм аладан бир жанына туругъуз.

Римлилеге 16:17 Iomraidhean Croise

Маттай 18:17

Алагъа да тынгыламаса уа, жамауатха айт; жамауатха да тынгыламаса уа, сора ол санга, мажюсюча эм жасакъ жыйыучуча болсун.

Маттай 18:7

Адамны гюняхха тюшюрюучю затладан дуниягъа палах! Нек десегиз ол затла келирге керекдиле; алай а ол зат кимни юсю бла келе эсе да, ол адамгъа палах!

Маттай 7:15

«Жалгъан файгъамбарладан кесигизни сакълагъыз! Ала сизге къой сыфатда келедиле, ичлери уа жыртхыч бёрюледиле.

Лука 17:1

Дагъыда Исса Кесини сохталарына былай айтды: «Адамны гюняхха тюшюрюучю затла келмей амал жокъду, алай а ол затла кимни юсю бла келе эселе да, анга палах!

Ишлери 15:24

Бизден бир къауумла барып, сизге сюннет этилирге эм Тауратны жорукъларын тутаргъа керекди деп, сизни жунчутуп, жюреклеригизни арсар этгенлерин эшитгенбиз. Биз алагъа алай этерге буйрукъ бермеген эдик.

I Коринфлилеге 11:18

Нек десегиз, башындан башлап, сиз жамауатха жыйылгъан заманда, сизни арагъызда келишмей айырылыула боладыла деп эшитеме, анга уа бир жаны бла ийнанама.

I Коринфлилеге 3:3

Не ючюн десегиз сиз алыкъа гюняхлы табийгъатыгъызгъа кёре жашайсыз. Сизни арагъызда зарлыкъ, даулашыула эм келишмеулюкле бар эселе, сора сиз гюняхлы табийгъатыгъызгъа кёре жашагъанла эмда адамланы адетлерин этгенле тюйюлмюсюз?

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Колослулагъа 2:8

Къарындашла, сакъ болугъуз, Масиххе кёре тюйюл, адамланы адетлерине эм бу дунияны башланнгыч жорукъларына кёре, философия бла эм бош терилтиучю сёзле бла сизни бир киши да жесир этмесин.

II Фесалоникачылагъа 3:6

Раббийибиз Масих Иссаны аты бла, къарындашла, сизге фарыз этебиз, сиз бизден эшитген юйрениуню тутмай, ишлемей бош айланнган хар къарындашдан узакъ болугъуз.

I Тимотейге 1:3

Македониягъа кете туруп, мен сенден тилегенимча энтда да тилейме: Эфесде къал эмда жалгъан окъуула жайгъан адамланы тый. Ала бош таурухла бла эм ахыры болмагъан генеалогияла бла кюрешмесинле деп буюр.

II Тимотейге 3:5

Кеслерин Аллахны жолунда жюрюгенле кибик кёргюзтюп, ол жолну кючюн а инкяр этгенле боллукъдула. Аллай адамладан узакъ бол.

Титге 3:10

Биринчи эм экинчи ангылатханынгдан сора айрылыкъ салгъан адамдан тай.

I Ахия 2:19

Ала бизден чыкъгъандыла, алай а бизникиле тюйюл эдиле; нек десегиз ала бизникиле болсала эди, бизни бла къалыр эдиле. Алай а аланы бизден чыкъгъанлары ала бири да бизни болмагъанын кёргюзтгенди.

Яхуда 1:19

Айрылыкъ салыучула быладыла. Была кеслерини нафысларына бойсуннган, Сыйлы Нюр алада болмагъан адамладыла.