Римлилеге 15:6 - Сыйлы Инжил бла Забур

⁶ Алай бла бир ниетли болуп, бир аууздан бизни Раббийибиз Масих Иссаны Атасы Аллахха махтау салырсыз.

Римлилеге 15:6 Iomraidhean Croise

Ахия 20:17

Исса анга: «Мени тыйма, нек десенг Мен алыкъа Атама чыкъмагъанма; алай а Мени къарындашларыма бар да, алагъа айт, Мен Кеси Атама эм сизни Атагъызгъа, Кеси Аллахыма эм сизни Аллахыгъызгъа чыгъама», – деди.

Ишлери 4:24

Ала уа, муну эшитгенлей, бир ниет бла Аллахдан тилек этип: «Кёкню да, жерни да, тенгизни да, битеу алада болгъан затланы да жаратхан Бий Аллах!

Ишлери 4:32

Ол ийнаннган кёп халкъны уа жюреклери да, жанлары да бир эди. Аладан бир киши да кесини мюлкюне кесимикиди демей эди; битеу болгъан затларын бирбирлери бла юлеше эдиле.

II Коринфлилеге 1:3

Бизни Раббийибиз Масих Иссаны Атасы Аллахха, мархаматлы Атагъа эм хар не жаны бла да жюрек жапсарыучу Аллахха шукур болсун.

II Коринфлилеге 11:31

Раббийибиз Масих Иссаны Атасы ёмюрледе да алгъышлы Аллах биледи мени ётюрюк айтмагъанымы.

Эфеслилеге 1:17

Раббийибиз Масих Иссаны Аллахы, махтаулу Ата, сиз Аны таныр ючюн сизни акъылман этерик эм сизге билим ачарыкъ Нюрюн берсин деп тилейме.

Эфеслилеге 1:3

Масихни юсю бла бизге кёкледе хар тюрлю нюр ахшылыкъны берген бизни Раббийибиз Масих Иссаны Атасы Аллахха махтау болсун!

Колослулагъа 1:3

Атабыз Аллахдан эм Раббийибиз Масих Иссадан сизге шафауат эм ырахатлыкъ болсун. Хар заманда сизни ючюн тилек этип, Раббийибиз Масих Иссаны Атасы Аллахха шукур этебиз;

I Петер 1:3

Бизни Раббийибиз Масих Иссаны Аллахына эм Атасына шукур болсун! Ол Кесини уллу мархаматы бла бизни жангыдан туудургъанды. Масих Иссаны ёлгенледен тиргизип, бизни керти ышаныугъа,

Билим Ачханы 1:6

Эм бизни Кесини Атасы Аллахха къуллукъ этиуде патчахла эм дин къуллукъчула этген Масиххе ёмюрледен ёмюрлеге махтау эм къудурет болсун! Амин.