Римлилеге 15:2 - Сыйлы Инжил бла Забур

² Бизни хар бирибиз да, жууугъун нюр бла бегимли этер ючюн, анга игилик болсун деп, жууугъуну кёлюне жараргъа керекди.

Римлилеге 15:2 Iomraidhean Croise

Римлилеге 14:19

Алай бла жарашыулукъ келтирген эм бир-бирибизни нюр бла кючлендириуге жарагъан затланы излейик.

I Коринфлилеге 10:23

Мен хар затны да этерге эркинме, хайырлы уа хар зат да тюйюлдю; мен хар затны да этерге эркинме, адамны нюр жанындан ёсдюрген а хар зат тюйюлдю.

I Коринфлилеге 10:24

Бир киши да кесине хайырны излемесин, алай а хар ким да башхагъа хайырны излесин.

I Коринфлилеге 10:33

Мен да кесиме хайырны тюйюл, алай а ала къутхарылыр ючюн кёплеге хайырны излеп, хар зат бла да барысыны да кёллерине жетерге кюрешеме.

I Коринфлилеге 13:5

Адепсизлик этмейди, кесине файданы излемейди, ёпкелемейди, аман ниет тутмайды,

I Коринфлилеге 14:26

Сора не, къарындашла? Сизни жыйылгъан заманыгъызда, сизни хар биригизде да зикир барды, юйретиу барды, тил барды, билим ачылыу барды, тилни ангылатыу барды. Была бары да жамауатны нюр жанындан ёсдюрюр ючюн болсунла.

I Коринфлилеге 14:3

Файгъамбарлыкъ этген а, адамланы нюр жанындан ёсдюрюрге, кёл этдирирге эм жапсарыргъа адамлагъа айтады.

II Коринфлилеге 12:19

Алыкъа биз жаланда сизни аллыгъызда кесибизни ариулагъанмы сунасыз? Биз муну, Масихникиле болуп, Аллахны аллында айтабыз. Была бары да, сюйюлюннгенле, сиз ийманда кючленир ючюндюле.

II Коринфлилеге 13:9

Биз къарыусуз, сиз а кючлю болгъанда, биз къууанабыз эмда сиз тамамлы болур ючюн тилек этебиз.

Эфеслилеге 4:12

Сыйлыла тамамлы болуп, къуллукъ этер ючюн эмда Масихни чархы ёсер ючюн, алай этгенди.

Эфеслилеге 4:29

Сизни ауузугъуздан бир тюрлю аман сёз чыкъмасын, жаланда, кереклисича, эшитгенлени нюр жанындан ёсдюрюп, алагъа шафауат тапдырырча ахшы сёз чыкъсын.