Римлилеге 15:19 - Сыйлы Инжил бла Забур

¹⁹ Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

Римлилеге 15:19 Iomraidhean Croise

Маттай 12:28

Мен жинлени Аллахны Нюрю бла къыстай эсем а, ишексиз сизге Аллахны Патчахлыгъы жетгенди.

Ахия 4:48

Исса анга: «Сиз, илишанла бла сейирликле кёрмесегиз, ийнанырыкъ тюйюлсюз», – деди.

Ишлери 1:8

Сиз а Сыйлы Нюр юсюгюзге тюшгенде кюч алырсыз, сора Иерусалимде, битеу Иудеяда, Самарияда эм жерни этегине дери да Мени шагъатларым болурсуз», – деди.

Ишлери 13:14

Ала уа, Пергиден ары барып, Писидиягъа жууукъ Антиохиягъа келдиле эмда шабат кюн синагогагъа кирип олтурдула.

Ишлери 13:51

Пауул бла Барнаба уа алагъа шагъатлыкъгъа аякъларындан букъуну къагъып, Икониягъа кетдиле.

Ишлери 14:10

Уллу ауаз бла: «Раббий Масих Иссаны аты бла санга айтама: аякъларынгы юсюне тюз тур!» – деди. Ол да олсагъат секирип туруп, жюрюп башлады.

Ишлери 14:20

Сохтала аны тёгерегине жыйылгъанда уа, Пауул туруп шахаргъа барды, экинчи кюн а Барнаба бла бирге Дербиге кетди.

Ишлери 14:25

Эмда, Пергиде Раббийни сёзюн билдирип, Атталиягъа тюшдюле.

Ишлери 14:6

Ала, аны билип, Ликаонияны Листра бла Дерби шахарларына эм аланы тийрелерине къачып кетип,

Ишлери 15:12

Сора битеу жыйылыу тохташып, Барнабаны бла Пауулну, башха миллетлени арасында, Аллах аланы юслери бла къаллай илишанла бла сейир ишле этгенин айтханларына тынгыладыла.

Ишлери 16:18

Ол алай кёп кюнлени этген эди. Пауул, ачыуланып, ары айланып нюрге: «Масих Иссаны аты бла санга буйрукъ этеме, чыкъ бу къыздан!» – деди. Сора нюр олсагъатдан окъуна чыкъды.

Ишлери 17:10

Къарындашла уа, мычымай, кече бла Пауулну бла Силаны Бериягъа ашырдыла. Ары келгенлеринде, ала иудей синагогагъа бардыла.

Ишлери 17:15

Пауулну биргесине баргъанла аны Афинагъа дери ашырдыла эм Силагъа бла Тимотейге, ала Пауулгъа теркирек келсинле деген буйрукъну алып, ызларына къайтдыла.

Ишлери 18:1

Андан сора Пауул, Афинаны къоюп, Коринфге келди.

Ишлери 18:19

Эфесге келгенлеринде, Пауул Акиланы бла Прискиланы анда къойду, кеси уа синагогагъа кирип иудейлиле бла ушакъ этди.

Ишлери 19:1

Аполлос Коринфде тургъан заманда, Пауул, огъаргъы къыраллада айланып, Эфесге келди эм анда бир къауум сохтала табып,

Ишлери 20:20

Халкъны аллында да, юйледе да сизге юйретип, сизге файдалы болгъан затладан бирин къалдырмай сизге билдиргенме.

Ишлери 20:6

Биз а, ачымагъан ётмеклени байрамындан сора Филипийден кеме бла беш кюннге Троадагъа, алагъа келип, анда жети кюн турдукъ.

Римлилеге 15:13

Умут берген Аллах, сиз Сыйлы Нюрню кючюнден ышаныу бла бай болур ючюн ийманда сизни хар тюрлю къууанчдан эм ырахатлыкъдан толтурсун.

Римлилеге 15:16

Аллахны шафауаты бла мен Масих Иссагъа миллетледе къуллукъ этиучю болгъанма. Миллетле Сыйлы Нюр бла сыйлы болуп, Аллахны ыразы этген къурман болур ючюн, мен Аллахны Хайыр Хапарын дин къуллукъчуча жаяма.

Римлилеге 15:24

Испаниягъа барыргъа тебиреген заманымда сизге келликме. Ол себепден, алайтын барып, сизни кёрюрме эм сизни кёрюп бираз зауукъ этгенден сора уа, сиз мени ары ашырырсыз деп умут этеме.

I Коринфлилеге 2:4

Мени сёзюм да, ууаз бериуюм да адамны акъылманлыгъындан ийнандырыучу сёзледен тюйюл, алай а Сыйлы Нюрню кючлендириуюню шартларындан эди.

II Коринфлилеге 12:12

Абустоллугъуму шартлары сизни аллыгъызда хар тюрлю тёзюмлюлюк бла, илишанла бла, сейирликле бла эм къудуретли ишле бла кёргюзтюлгендиле.

Галатиялылагъа 3:5

Сизге Сыйлы Нюрню берген эм сизни арагъызда къудуретли ишле этген Аллах, быланы Тауратны фарызларын тутханыгъыз ючюнмю, огъесе сиз Хайыр Хапаргъа тынгылап анга ийнаннганыгъыз ючюнмю этеди?

Колослулагъа 1:25

Аллах сизни ючюн манга берген къуллукъ бла ол Жамауатны жумушчусу болгъанма. Къуллугъум, Аллахны Сёзюн –

I Фесалоникачылагъа 1:5

Нек десегиз бизни сизге Хайыр Хапарны жайгъаныбыз жаланда сёз бла болуп къалмагъанды, алай а кюч бла эм Сыйлы Нюр бла эм толу ышаныу бла болгъанды; биз сизни ючюн сизни арагъызда къалай болгъаныбызны сёзсюз сиз кесигиз билесиз.

II Тимотейге 4:17

Алай а, Хайыр Хапар мени юсюм бла толусунлай билдирилир ючюн эм аны битеу миллетле эшитир ючюн, Раббий, къатымда туруп, мени кючлендиргенди, мен да асланны жаякъларындан къутулгъанма.

Чюйютлелеге 2:4

Аллах да ол хапаргъа илишанла бла, сейирликле бла, кёп тюрлю къудуретли ишле бла эмда Сыйлы Нюрню саугъалары бла шагъатлыкъ этгенди; аланы уа адамлагъа Кеси сюйгенча юлешгенди.

I Петер 1:12

Кёкледен ийилген Сыйлы Нюр бла Хайыр Хапарны айтханланы энди сизге билдиргенлерини хайыры, аланы кеслерине тюйюл, сизге жарагъаны алагъа ачыкъ болгъанды. Бу затлагъа уа мёлекле да къараргъа талпыйдыла.