Римлилеге 15:14 - Сыйлы Инжил бла Забур

¹⁴ Мен кесим да, къарындашларым, сиз игилик этиуден эм хар тюрлю билимден толу болгъаныгъызгъа эмда бир-биригизге насийхат берирге болаллыгъыгъызгъа толу ийнанама.

Римлилеге 15:14 Iomraidhean Croise

I Коринфлилеге 1:5

Масих Иссада сиз хар не бла да, хар тюрлю сёз бла эм хар тюрлю билим бла бай болгъансыз;

I Коринфлилеге 12:8

Биреуге Нюрню юсю бла акъыл сёз бериледи, башхасына ол Нюрден билим сёз бериледи.

I Коринфлилеге 13:2

Файгъамбарлыгъым бар эсе да эм битеу тасхаланы биле эсем да эм, хар тюрлю билимим эм битеу ийнаныуум болуп, алай бла тауланы бир жерден бир жерге окъуна салаллыкъ эсем да, сюймеклигим жокъ эсе уа, сора мен бир зат да тюйюлме.

I Коринфлилеге 8:1

Идоллагъа этилген къурманланы этлерини юсюнден биз билебиз; нек десегиз бизни барыбызны да билимибиз барды. Алай а билим адамны эсирик этеди, сюймеклиг’а нюр жанындан ёсдюреди.

I Коринфлилеге 8:10

Нек десенг сен, билиминг болуп тургъанлай, идоллагъа къурман этилген жерде столда олтургъанынгы биреу кёрсе, сора аны къарыусуз жюреги идоллагъа этилген къурманны этин ашаргъа тартмазмы?

I Коринфлилеге 8:7

Алай а бу билим барысында жокъду. Бир къауумла эндиге дери окъуна, идоллагъа берилген жюреклеринден, эт ашагъан заманларында, аны идоллагъа этилген къурманны этине санайдыла эм аланы жюреклери къарыусуз болгъаны себепли, харам болады.

II Коринфлилеге 8:7

Сиз а ийманда, сёз айтыуда, билимде, хар тюрлю ишге къадалыуда эм сиз бизге кёргюзтген сюймекликде, хар неде да онглу болгъаныгъыз кибик, бу хайырлы ишде да онглу болугъуз.

Эфеслилеге 5:9

Нек десегиз Нюрню битими хар тюрлю игиликде, тюзлюклюлюкде эм кертиликде кёрюнеди.

Колослулагъа 3:16

Масихни сёзю сизде битеу байлыгъы бла жерлешсин. Хар тюрлю акъылманлыкъ бла бир-биригизни юйретип акъыл беригиз. Зикирле, гимнле эмда Сыйлы Нюр учундургъан назмула айта, жюреклеригизде Раббийге шукур этип зикир айтыгъыз.

I Фесалоникачылагъа 5:11

Ол себепден, сиз этгенигиз кибик, бирбиригизни жапсарыгъыз эм нюр жанындан бегимли этигиз.

I Фесалоникачылагъа 5:14

Дагъыда сизден тилейбиз, къарындашла, ишлемей бош айланнганлагъа айтып ангылатыгъыз, кёлсюзлени жапсарыгъыз, къарыусузлагъа болушугъуз, барысына да кёп тёзюмлю болугъуз.

II Фесалоникачылагъа 1:11

Ол себепден сизни ючюн хар заманда да тилек этебиз; Аллахыбыз сизни чакъырылыуугъузгъа тийишли кёрсюн эм ахшылыкъ этерге хар ниетигизни эм иймандан келген ишигизни Кесини къудурети бла тамам этсин деп тилейбиз.

II Тимотейге 1:5

Сени кёзбаусуз ийманынгы эсиме тюшюреме; ол алгъын сени къарт ананг Лоидада эм кеси ананг Эвникеде болгъан бирча ийманны сенде да болгъанына толу ийнанама.

Филимоннга 1:21

Сени бойсунууунга ышанып эм сени мен айтхандан да кёп этеригинги билип, муну санга жазгъанма.

Чюйютлелеге 5:12

Нек десегиз, заман бла алып къарагъанда, сиз устазла болургъа керек эдигиз; алай а сизни жангыдан Аллахны сёзюню ал башланнганындан юйретирге керекди эмда сизге, къаты аш тюйюл, сют керекди.

Чюйютлелеге 6:9

Алай а сюйюлюннгенле, былай айта эсек да, сиз андан игирек халда болгъаныгъызгъа эм къутхарылыуну тутханыгъызгъа толу ийнанабыз.

II Петер 1:12

Аны ючюн сиз бу затланы биле эсегиз да эм сизде болгъан хакъ керти бла бегимли болгъан эсегиз да, мен сизге аланы эсгертиумю бир заманда да къоярыкъ тюйюлме.

I Ахия 2:21

Мен сизге сиз хакъ кертини билмейсиз деп жазмагъанма, алай а сиз аны билесиз, бир ётюрюк да хакъ кертиден болмагъанын билесиз деп жазгъанма.