Римлилеге 14:18 - Сыйлы Инжил бла Забур

¹⁸ Муну бла Масиххе ким къуллукъ эте эсе да, ол Аллахны ыразы этеди эм адамла къабыл кёрюрге тийишлиди.

Римлилеге 14:18 Iomraidhean Croise

Марк 13:34

Ол заман жолгъа атлана туруп, кесини юйюн къоюп, кесини къулларына эркинлик, хар бирине кесини ишин берип, эшик сакълаучугъа да жукъламай сакъ турургъа буйрукъ этип кетген кишиге ушашды.

Ахия 12:26

Манга жумуш этген адам Мени ызымдан келсин, Мен болгъан жерде Мени жумушчум да боллукъду; Манга жумуш этген адамгъа Мени Атам хурмет этерикди.

Ишлери 10:35

Алай а хар миллетде да Андан къоркъгъан эм тюзлюк этген адамны къабыл этгенин кертиси да мен ангыладым.

Римлилеге 12:11

Кёл салыудан къарыусуз болмагъыз, нюр бла жаныгъыз, Раббийге къуллукъ этигиз.

Римлилеге 14:4

Кимсе сен, башханы къулун терслеген? Къулну ариулагъан да, терсге санагъан да кесини бийиди. Эмда къул тюз болуп чыгъарыкъды, нек десенг аны ариуларгъа Аллахны кючю барды.

Римлилеге 16:18

Нек десегиз аллай адамла бизни Раббийибиз Масих Иссагъа къуллукъ этмейдиле, алай а кеслерини къарынларына къуллукъ этедиле; ала кёзбаулукъ бла эм сёзге усталыкъ бла хыйласыз адамланы жюреклерин терилтедиле.

Римлилеге 6:22

Энди уа, сиз гюняхдан азат этилип, Аллахны къуллары болгъаныгъызгъа кёре, сизни хайырыгъыз сыйлылыкъды, ахыры уа ёмюрлюк жашауду.

I Коринфлилеге 7:22

Нек десенг Раббийни чакъырыуун алгъан заманында къул болгъан адам, Раббийни азатыды; аны кибик азат болуп чакъырылгъан да Масихни къулуду.

II Коринфлилеге 4:2

Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

II Коринфлилеге 5:11

Алай бла, Раббийден къоркъууну не болгъанын ангылап, биз адамланы ийнандырабыз, Аллахха уа биз ачыкъбыз, сизни жюреклеригизге да ачыкъбыз деп умут этеме.

II Коринфлилеге 5:9

Ол себепден чархыбызда жашап да, андан чыгъа туруп да, Раббийни ыразы этерге эришип кюрешебиз.

II Коринфлилеге 6:4

Алай а Аллахха къуллукъ этиучюлеча уллу тёзюмлюлюк бла, къыйынлыкълада, кереклиликледе, тарлыкъ халлада,

II Коринфлилеге 8:21

Нек десегиз биз ахшылыкъ этерге жаланда Раббийни аллында кюрешип къалмай, алай а адамланы алларында да кюрешебиз.

Колослулагъа 3:24

Раббий сизге сакълагъан саугъаны аллыгъыгъызны эсигизде тутугъуз, нек десегиз сиз Раббий Масиххе къуллукъ этесиз.

I Тимотейге 2:3

Нек десегиз ол игиди эм бизни Къутхарыучу Аллахыбыз анга ыразыды.

I Тимотейге 5:4

Башсыз къатынны сабийлери неда туудукълары бар эсе уа, ала, алгъа кеслерини юйюрлерине болушуп, Аллахны жолунда жюрюрге эм къартларына тийишлисин берирге юйренсинле. Аллахны излегени олду.

I Петер 2:12

Эм ийнанмагъан адамланы арасында жашауугъузну хайырлы ишле бла бардырыгъыз, сизге аманлыкъчылагъача аман сёзле айтханла, сизни хайырлы ишлеригизни кёрюп, алагъа жууукълашхан кюнюнде Аллахха махтау салсынла.

I Петер 2:20

Нек десегиз сиз аман ишлеригиз ючюн тюйюлюп тёзе эсегиз, андан сизге не махтау? Алай а ахшылыкъ эте эм къыйынлыкъ кёре тёзе эсегиз, Аллах ол затха ыразыды.

I Петер 2:5

Кесигиз да, тири ташла кибик, кесикесигизден нюр юй къурагъыз; алай бла сиз, Масих Иссаны юсю бла Аллахны ыразы этерча, нюр къурманла этер ючюн, Аллахха сыйлы къуллукъ этиучюле болурсуз.

I Петер 3:16

Аманлыкъчылагъа кибик, сизге аман айтханла, сизни Масихде огъурлу жашауугъузну айыплагъанла кеслери уялыр ючюн тюз ниетли болугъуз.