Римлилеге 13:13 - Сыйлы Инжил бла Забур

¹³ Не тойгъа-оюннга эм ичгичиликге, не хаулеликге эм адепсизликге, не къаугъалагъа эм зарлыкъгъа кесибизни бермегенлей, кюндюзгю кюндеча, кесибизни иги низам бла тутайыкъ.

Римлилеге 13:13 Iomraidhean Croise

Лука 1:6

Ала экиси да, Аллахны аллында тюзлюклю болуп, Раббийни битеу фарызларын эм жорукъларын айыпсыз тутуучу эдиле.

Лука 16:19

«Багъалы эмда омакъ кийимле кийген, хар кюн сайын бек зауукъ этип жашагъан бир бай адам болгъанды.

Лука 21:34

Кесигизге сакъ болугъуз, сизни жюреклеригиз артыкъ ашаудан, ичгичиликден, жашау къайгъыладан ауурланмасынла эмда ол кюн сизге билмей тургъаныгъызлай келмесин.

Ишлери 2:15

Сиз суннганча, ала эсирип тюйюлдюле, нек десегиз энди кюнню ючюнчю сагъатыды!

I Коринфлилеге 3:3

Не ючюн десегиз сиз алыкъа гюняхлы табийгъатыгъызгъа кёре жашайсыз. Сизни арагъызда зарлыкъ, даулашыула эм келишмеулюкле бар эселе, сора сиз гюняхлы табийгъатыгъызгъа кёре жашагъанла эмда адамланы адетлерин этгенле тюйюлмюсюз?

Галатиялылагъа 5:19

Адамны гюняхлы табийгъатыны ишлери белгилидиле. Ала: зийначылыкъ, саякълыкъ, харамлыкъ, адепсизлик,

Галатиялылагъа 5:21

Жутлукъ, мурдарлыкъ, ичгичилик, къутуруулукъ эмда алагъа ушагъан затла. Сизге алгъын айтханымча энтда айтама, алай этиучюле Аллахны Патчахлыгъындан юлюшлю боллукъ тюйюлдюле.

Эфеслилеге 4:1

Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

Эфеслилеге 4:17

Ол себепден мен айтама эм Раббийни хатыры бла тилейме, сиз энди, башха миллетле кеслерини акъылларыны магъанасызлыгъы бла этгенча этмегиз.

Эфеслилеге 5:15

Алай бла, къарагъыз, сакъ болуп, акъылсызлача угъай, акъыллылача жашагъыз,

Эфеслилеге 5:18

Эм чагъыр ичип эсирмегиз, нек десегиз андан хаулелик болады; алай а Сыйлы Нюрден толугъуз,

Эфеслилеге 5:8

Сиз бир заманлада къарангылыкъ эдигиз, энди уа Раббийде жарыкъсыз. Жарыкъны сабийлерича жашагъыз.

Колослулагъа 1:10

Сиз Раббийге тийишли жашап, хар не жаны бла да Аны ыразы этип, хар ахшы иш бла битим берип, Аллахны билиу бла ёсер ючюн,

Колослулагъа 3:5

Алай бла, бу дуниядагъы гюняхлы санларыгъызны ишлерин: саякълыкъны, харамлыкъны, тыйгъысызлыкъны, аман кюсеулени эмда ол идолгъа табыныу болгъан жутлукъну ёлю этигиз.

I Фесалоникачылагъа 2:12

Биз сизден, сизни Кесини Патчахлыгъына эм махтаууна чакъыргъан Аллахха тийишли жашарыгъызны жалбарып тилеген эдик, сизни кёллендирип ийнандыргъан эдик.

I Фесалоникачылагъа 4:12

Сиз, ийнанмагъан адамланы аллында иги адеплилик этип, бир затдан да керекли болмазча алай жашагъыз.

I Фесалоникачылагъа 5:17

Тохтаусуз тилек этигиз.

Якъуп 4:5

Неда сиз Китапда: «Бизде жашагъан нюр эришликге дери сюеди», – деп бош жазылгъанмы сунасыз?

I Ахия 2:6

„Жашауум Аллахдады“ деген адам Исса жюрюген жолда жюрюрге керекди.

II Ахия 1:4

Сени сабийлерингден, биз Атадан алгъан фарызгъа кёре хакъ кертини жолунда жюрюгенлени табып, мен бек къууаннганма.

Яхуда 1:23

Башхаларын а отдан тартып чыгъарып къутхарыгъыз; башхаларына къоркъуу бла мархамат этигиз, чархларындан харам болгъан кийимлеринден окъуна жийиргенигиз.