Римлилеге 13:12 - Сыйлы Инжил бла Забур

¹² Кече озгъанды, кюн а жууукълашханды: алай бла, къарангылыкъны ишлерин атып, жарыкъны сауутларын юсюбюзге киейик.

Римлилеге 13:12 Iomraidhean Croise

Римлилеге 13:14

Алай бла Раббийибиз Масих Иссаны кюбеча юсюгюзге кийигиз эмда гюняхлы табийгъатыгъызны кюсегенлерине бой салыуну ойламагъыз.

I Коринфлилеге 10:11

Была бары да башхалагъа юлгю болур ючюн аланы башларына келгенди; жазылгъаны уа бизге, ахыргъы ёмюрлеге жетгенлеге акъыл юйретир ючюндю.

I Коринфлилеге 7:29

Къарындашла, мен сизге айтама: энди заман къысхады. Мындан ары къатынлары болгъанла болмагъанлача,

II Коринфлилеге 10:4

Бизни къазауат этген сауутларыбыз чархны сауутлары тюйюлдюле, алай а алада къалаланы бузаргъа Аллахны кючю барды. Биз ала бла бош фикирлени

II Коринфлилеге 6:7

Хакъ керти сёзде, Аллахны кючю бла, онг эм сол къолларыбызда тюзлюкню сауутлары бла,

Эфеслилеге 4:22

Алай бла, алдаулу кюсеуледен чирий тургъан эски адамлыгъыгъызны алгъыннгы жашау халын къоюгъуз,

Эфеслилеге 5:11

Эм къарангылыкъны хайырсыз ишлерине къатышмагъыз, алай а аланы ачыкъ этигиз.

Эфеслилеге 5:8

Сиз бир заманлада къарангылыкъ эдигиз, энди уа Раббийде жарыкъсыз. Жарыкъны сабийлерича жашагъыз.

Чюйютлелеге 10:25

Бир къауумланы адетлерича, кесибизни жыйылыуубузну къоймайыкъ, алай а Иссаны келир кюню жууукълашханын эслеуюбюз бла бир-бирибизни бегирек да кёллендирейик.

Чюйютлелеге 12:1

Бизни тёгерегибизде булутла кибик алай кёп шагъатла бардыла! Ол себепден битеу бизге чырмау болгъан затланы, бизни бийлеп тургъан битеу гюняхларыбызны юсюбюзден атайыкъ эмда бизге белгиленнген жолубузда тёзюмлюк бла барайыкъ.

Якъуп 1:21

Ол себепден, хар тюрлю харамлыкъны эм аманлыкъны къалгъанын къоюп, сизге орнатылгъан эм сизни жанларыгъызны къутхараллыкъ сёзню жууашлыкъ бла къабыл этигиз.

Якъуп 5:8

Сиз да кёп тёзюгюз, жюреклеригизни бегитигиз, нек десегиз Раббийни келир заманы жууукълашады.

I Петер 2:1

Алай бла хар аманлыкъны, хар хыйлачылыкъны, эки бетлиликни, зарлыкъны, хар тюрлю аман айтыуну къоюп,

I Петер 4:7

Болсада барыны да ахыры къаршыды. Алай бла тюз акъыллы болугъуз эм хар заманда да тилек этерге болалырча сагъайып туругъуз.

II Петер 3:11

Ала бары да алай бузуллукъ эселе, сора сыйлы жашауда эмда Аллахны жолуна тюз болууда къаллайла болургъа керексиз сиз,

II Петер 3:9

Раббий Кесини берген сёзюн толтурургъа мычымайды, бир къауумла мычыгъаннга санагъанлары кибик; алай а бизге кёп тёзюп турады. Нек десегиз бир адамны да жоюлурун сюймейди, алай а битеу адамланы тобагъа къайтышырларын сюеди.

I Ахия 2:18

Балала! Ахыргъы заманды. Эмда Масиххе къаршчы келликди деп, сиз эшитгенигиз кибик, энди уа Масиххе къаршчыла кёп чыкъгъандыла. Ахыргъы заман болгъанын а биз андан билебиз.

Билим Ачханы 1:3

Бу файгъамбарлыкъны сёзлерин окъугъан эм тынгылагъанла эм мында жазылгъанланы тутханла насыплыдыла, нек десегиз заман жууукъду.

Билим Ачханы 22:10

Сора манга: «Бу китапны файгъамбарлыкъ сёзлерине мухур салма, нек десенг заман жууукъду.