Римлилеге 13:11 - Сыйлы Инжил бла Забур

¹¹ Сиз, жашагъан заманны ангылап, алай этигиз. Энди бизге жукъудан уяныр сагъат келгенди. Нек десегиз ийман салгъан заманыбыздан эсе, къутхарылыуубуз энди жууукъду.

Римлилеге 13:11 Iomraidhean Croise

Маттай 16:3

Эрттенликде да: „Кёк къаралдым-къызгъыл болгъаннга кёре, бюгюн жауунлу боллукъду“ дейсиз. Эки бетлиле! Кёкню бетин айырып таный билесиз, заманланы илишанларын а билалмаймысыз?

Лука 21:28

Бу болуп башлагъан заманда уа, ёрге къарагъыз, башларыгъызны кётюрюгюз, нек десегиз сизни къутхарылыууугъуз жууукълашады», – деди.

I Коринфлилеге 10:11

Была бары да башхалагъа юлгю болур ючюн аланы башларына келгенди; жазылгъаны уа бизге, ахыргъы ёмюрлеге жетгенлеге акъыл юйретир ючюндю.

I Коринфлилеге 15:34

Кереклисича аязыгъыз эм гюнях этмегиз; нек десегиз сизге айыпха айтайым, сизден бир къауумла Аллахны билмейдиле.

Эфеслилеге 5:14

Ол себепден: «Тур, эй жукълап тургъан, ёлгенледен тиргизил, Масих сени жарытыр», – деп айтылады.

Якъуп 5:8

Сиз да кёп тёзюгюз, жюреклеригизни бегитигиз, нек десегиз Раббийни келир заманы жууукълашады.

I Петер 4:7

Болсада барыны да ахыры къаршыды. Алай бла тюз акъыллы болугъуз эм хар заманда да тилек этерге болалырча сагъайып туругъуз.

II Петер 3:11

Ала бары да алай бузуллукъ эселе, сора сыйлы жашауда эмда Аллахны жолуна тюз болууда къаллайла болургъа керексиз сиз,

II Петер 3:9

Раббий Кесини берген сёзюн толтурургъа мычымайды, бир къауумла мычыгъаннга санагъанлары кибик; алай а бизге кёп тёзюп турады. Нек десегиз бир адамны да жоюлурун сюймейди, алай а битеу адамланы тобагъа къайтышырларын сюеди.

I Ахия 2:18

Балала! Ахыргъы заманды. Эмда Масиххе къаршчы келликди деп, сиз эшитгенигиз кибик, энди уа Масиххе къаршчыла кёп чыкъгъандыла. Ахыргъы заман болгъанын а биз андан билебиз.

Билим Ачханы 1:3

Бу файгъамбарлыкъны сёзлерин окъугъан эм тынгылагъанла эм мында жазылгъанланы тутханла насыплыдыла, нек десегиз заман жууукъду.

Билим Ачханы 22:10

Сора манга: «Бу китапны файгъамбарлыкъ сёзлерине мухур салма, нек десенг заман жууукъду.

Билим Ачханы 22:12

«Ма, терк келликме! Мени берлик саугъам Мени биргемеди, хар кимге этген ишлерине кёре тийишлисин берликме.

Билим Ачханы 22:20

Бу затлагъа шагъатлыкъ Этген: «Ма, терк келликме!» – дейди. Амин. Я Раббий Исса, кел!