Римлилеге 12:8 - Сыйлы Инжил бла Забур

⁸ Насийхатчы эсе, насийхат берсин; юлешиучю эсе, чомартлыкъ бла юлешсин; башчы эсе, кёл салып башчылыкъ этсин; мархамат этиу фахмусу болгъан муну жарыкъ кёллюлюк бла этсин.

Римлилеге 12:8 Iomraidhean Croise

Забур 112:9

Къаратонну, сабийлерине къууаннган ана этип, юйге жерлешдиреди. Халелуя!

Забур 37:21

Ахшылыгъым ючюн манга аманлыкъ этгенле да, мен ахшылыкъ этерге кюрешгеним ючюн, манга къажау турадыла.

Маттай 25:40

Патчах да алагъа жууапха: „Кертисин айтама сизге: сиз муну Мени бу эм гитче къарындашларымдан бирине этгенигиз себепли, аны Манга этгенсиз“ деп айтырыкъды.

Ишлери 11:23

Сыйлы Нюрден бла иймандан толгъан, огъурлу адам Барнаба, Антиохиягъа келгенинде ол адамлада Аллахны шафауатын кёрюп къууанды.

Ишлери 13:12

Ол заманда проконсул болгъан ишни кёрюп ийнанды; нек десегиз ол Раббийни юсюнден юйретиуге бек сейирсиннген эди.

Ишлери 13:15

Тауратдан бла файгъамбарланы китапларындан окъугъандан сора, синагоганы башчылары, алагъа адам ийип: «Къарындашла! Сизни халкъгъа насийхат берир сёзюгюз бар эсе, айтыгъыз», – деп айтдырдыла.

Ишлери 15:32

Иуда бла Сила уа, кеслери да файгъамбарла болуп, кёп сёзле бла къарындашлагъа кёл этдирип, аланы ийманда кючлендирдиле.

Ишлери 20:2

Ол жерлени юсю бла барып, ийнаннганлагъа да кёп сёзле бла насийхат берип Грециягъа келди.

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

Ишлери 4:36

Сёз ючюн, Кипрде туугъан эмда абустолла Барнаба – алай демеклик «кёллендириуню жашы» – деп атагъан Левийли Юсюпню,

Римлилеге 12:13

Сыйлыланы кереклилерине къайгъырып къарагъыз, къонакъ алыучу болургъа эришигиз.

Римлилеге 13:6

Жасакъ да сиз аны ючюн бересиз; башчыла, Аллахны жумушчулары болуп, тохтаусуз аны бла кюрешедиле.

I Коринфлилеге 12:28

Аллах сора бир къауумланы жамауатда биринчиге абустолла этип, экинчиге файгъамбарла этип, ючюнчюге устазла этип салгъанды. Андан сора бир къауумлагъа къудуретли ишле этерге кючле эмда ауругъанланы сау этиу саугъала, болушлукъ этиу, оноу этиу, тюрлю-тюрлю тилле бергенди.

I Коринфлилеге 14:3

Файгъамбарлыкъ этген а, адамланы нюр жанындан ёсдюрюрге, кёл этдирирге эм жапсарыргъа адамлагъа айтады.

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

II Коринфлилеге 11:3

Алай а, жилян кесини хыйлачылыгъы бла Хауаны терилтгени кибик, сизни да акъылларыгъыз, Масиххе тюз ниетлиликден тайып, бузулурла деп къоркъама.

II Коринфлилеге 8:12

Нек десегиз биреу бир ишни сюйюп эте эсе, бу аны къолунда болмагъан затына кёре тюйюл, къолунда болгъан затына кёре къабыл этиледи.

II Коринфлилеге 9:11

Сиз хар заманда чомарт болур ючюн хар не жаны бла да бай этилесиз. Чомартлыгъыгъыз а бизни юсюбюз бла Аллахха шукур этиу чыгъарады.

II Коринфлилеге 9:13

Нек десегиз адамла бу къуллукъ этиуню сынамын кёрюп, сиз Масихни Хайыр Хапарын ачыкъ къабыл этип, анга боюн салгъаныгъыз ючюн эм таза жюрекден алагъа эм барысына этген чомартлыгъыгъыз ючюн Аллахха махтау саладыла.

II Коринфлилеге 9:7

Хар ким, жюреги тартханнга кёре, жаны къыйналмай эм зорлукъ бла болмай берсин; нек десегиз сюйюп бергенни сюеди Аллах.

Эфеслилеге 6:5

Къулла, бу дуниядагъы бийлеригизге хурмет бла эм къоркъуу бла, таза жюрегигизден, Масиххе бойсуннганча бойсунугъуз.

Колослулагъа 3:22

Къулла, дуниядагъы бийлеригизге хар не жаны бла да бойсунугъуз. Адамлагъа кёзбау этиучюлеча, жаланда иги жумушчула кибик кёрюнюу бла угъай, алай а таза жюрекден, Аллахдан къоркъуп этигиз.

I Фесалоникачылагъа 2:3

Нек десегиз бизни чакъырыуубузда не ажашыулукъ, не аман ниетлилик жокъду неда биз сизни алдаргъа кюрешмейбиз.

I Фесалоникачылагъа 2:8

Алай бла биз, сизге кёл салыуубуздан, сизге Аллахны Хайыр Хапарын бергенибиз бла да къалмай, алай а жанларыбызны да берирге ыразы эдик, нек десегиз сиз бизге сюйюмлю болгъан эдигиз.

I Тимотейге 4:13

Мен келгинчи, Сыйлы Китапланы жамауатха окъуу бла, насийхат бериу бла, юйретиу бла кюреш.

I Тимотейге 5:17

Жамауатха иги башчылыкъ этген таматалагъа, бегирек да Аллахны сёзюн жайыу бла эм юйретиу бла уруннганлагъа, энчи хурмет этилсин.

I Тимотейге 6:18

Ала ахшылыкъ этип, хайырлы ишле бла бай болсунла, чомарт эм илеш болсунла.

Чюйютлелеге 10:25

Бир къауумланы адетлерича, кесибизни жыйылыуубузну къоймайыкъ, алай а Иссаны келир кюню жууукълашханын эслеуюбюз бла бир-бирибизни бегирек да кёллендирейик.

Чюйютлелеге 13:17

Жамауатларыгъызны оноучуларына бойсунугъуз эм айтханларын этигиз; нек десегиз ала сизни ючюн жууап берирге борчлулача тохтаусуз сизни жанларыгъызны къайгъысын этип турадыла. Ала къуллукъларын, ахтынып этмей, къууанып этсинле; нек десегиз, аны ахтынып этселе, сизге файда болмаз.

Чюйютлелеге 13:22

Къарындашла, сизден тилейме, бу насийхат сёзюмю тёзюмлюк бла къабыл этигиз; мен а сизге кёп да жазмагъанма.

Чюйютлелеге 13:24

Битеу оноучуларыгъызгъа эм битеу сыйлылагъа салам айтыгъыз. Италиядан келгенле сизге салам айтадыла.

Чюйютлелеге 13:7

Сизге Аллахны сёзюн билдирген оноучуларыгъызны эсигизде тутугъуз эм аланы жашауларыны ахырына къарап, аланы ийманларындан юлгю алыгъыз.