Римлилеге 12:7 - Сыйлы Инжил бла Забур

⁷ Къуллугъу болгъан, къуллукъ этиуде турсун; устаз эсе устазлыкъ этсин.

Римлилеге 12:7 Iomraidhean Croise

Забур 34:11

Тюзлюксюз шагъатла манга къажау тургъандыла, мен билмеген затны юсюнден манга соруу этедиле.

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Ахия 3:2

Ол, Иссагъа кече келип, Анга: «Устаз! Сен Аллахдан келген Устаз болгъанынгы биз билебиз; нек десенг бир киши да, Аллах аны бла бирге болмаса, Сен этген илишанланы эталлыкъ тюйюлдю», – дегенди.

Ишлери 13:1

Антиохияда болгъан жамауатда бир къауум файгъамбарла бла устазла бар эдиле: Барнаба эм Нигер аталгъан Шимон, Киринейли Лукий, Ирод тетрарх бла бирге ёсген Менахем эм Шауул.

Ишлери 20:20

Халкъны аллында да, юйледе да сизге юйретип, сизге файдалы болгъан затладан бирин къалдырмай сизге билдиргенме.

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

Ишлери 6:1

Ол кюнледе, сохтала кёп болгъан заманда, грекча сёлешген чюйютлюле, аланы башсыз къатынлары, кюн сайын юлешиннген болушлукъдан тышында къалдырылгъанлары ючюн, арамча сёлешген чюйютлюлеге гурушха болдула.

I Коринфлилеге 12:28

Аллах сора бир къауумланы жамауатда биринчиге абустолла этип, экинчиге файгъамбарла этип, ючюнчюге устазла этип салгъанды. Андан сора бир къауумлагъа къудуретли ишле этерге кючле эмда ауругъанланы сау этиу саугъала, болушлукъ этиу, оноу этиу, тюрлю-тюрлю тилле бергенди.

I Коринфлилеге 12:5

Къуллукъ этиуле да кёп тюрлюдюле, Раббий а бирди.

I Коринфлилеге 14:26

Сора не, къарындашла? Сизни жыйылгъан заманыгъызда, сизни хар биригизде да зикир барды, юйретиу барды, тил барды, билим ачылыу барды, тилни ангылатыу барды. Была бары да жамауатны нюр жанындан ёсдюрюр ючюн болсунла.

Галатиялылагъа 6:6

Аллахны Сёзюне юйретилген адам, юйретгеннге хар ахшы затындан да юлешип берсин.

Эфеслилеге 4:11

Ол а, бирлени абустолла этип, башхаланы файгъамбарла этип, башхаланы Хайыр Хапарны жайыучула этип, дагъыда башхаланы кютюучюле эм устазла этип салгъанды.

Колослулагъа 4:17

Архипге: сен Раббийни жолунда алгъан къуллугъунгу толтурургъа сакъ бол деп айтыгъыз.

I Тимотейге 2:7

Аны ючюн мен Хайыр Хапарны жайыучу эмда абустол болургъа сайланнганма – Масихники болуп тюзюн айтама, ётюрюк айтмайма – миллетлени ийманнга эмда хакъ кертиге юйретген устаз болургъа сайланнганма.

I Тимотейге 3:2

Алай а къуллукъчу айыпсыз болургъа керекди, бир къатынны эри тыйгъылы, оюмлу, адепли, къонакъ сюйюучю, юйретирге болаллыкъ,

I Тимотейге 4:16

Кесинги да, сен юйретген окъууну да тинтип ойлап къара эмда ол окъуугъа тюз бол. Алай этсенг, кесинги да, санга тынгылагъанланы да къутхарлыкъса.

I Тимотейге 5:17

Жамауатха иги башчылыкъ этген таматалагъа, бегирек да Аллахны сёзюн жайыу бла эм юйретиу бла уруннганлагъа, энчи хурмет этилсин.

II Тимотейге 2:2

Эм кёп шагъатланы къатында менден эшитгенинги башхаланы да юйретирге болаллыкъ ышаннгылы адамлагъа аманат эт.

II Тимотейге 2:24

Раббийни къулуна уа къаугъачы болургъа жарамайды, алай а барына да жумушакъ, юйретирге билген, тёзюмлю болургъа,

II Тимотейге 4:2

Аллахны сёзюн билдир, заманында да, замансыз да бу ишни бардыр, адамланы тёзюмлюлюк бла юйретип айыпла, тый эмда кёллендир.