Римлилеге 12:6 - Сыйлы Инжил бла Забур

⁶ Аллахны бизге берген шафауатына кёре, бизни тюрлю нюр фахмуларыбыз барды. Файгъамбарлыкъ фахмусу болгъан адам, ийманыны мардасына кёре, файгъамбарлыкъ этсин;

Римлилеге 12:6 Iomraidhean Croise

Маттай 23:34

Ол себепден, ма, Мен сизге файгъамбарланы, акъылманланы, алимлени иеме; сиз аланы бир къауумларын ёлтюрлюксюз, къачха керликсиз, бир къауумларын а синагогаларыгъызда тюериксиз эм шахардан шахаргъа къууарыкъсыз;

Маттай 25:22

Аны кибик, эки талант алгъан да, келип: „Бийим! Сен манга эки талант берген эдинг; ма, мен башха эки талант алгъанма“ дегенди.

Лука 11:49

Ол себепден Аллахны терен акъыллылыгъы да: „Алагъа файгъамбарла эм абустолла иерикме, аладан да бир къауумларын ёлтюрлюкдюле, башхаларын а къыстап иерикдиле“ деп айтханды;

Ишлери 13:1

Антиохияда болгъан жамауатда бир къауум файгъамбарла бла устазла бар эдиле: Барнаба эм Нигер аталгъан Шимон, Киринейли Лукий, Ирод тетрарх бла бирге ёсген Менахем эм Шауул.

Ишлери 15:32

Иуда бла Сила уа, кеслери да файгъамбарла болуп, кёп сёзле бла къарындашлагъа кёл этдирип, аланы ийманда кючлендирдиле.

Ишлери 2:17

„Ахыр кюнледе былай боллукъду дейди Аллах: Мен Нюрюмден битеу адамлагъа къуярыкъма, сизни уланларыгъыз да, къызларыгъыз да файгъамбарлыкъ этерикдиле, сизни жаш адамларыгъыз да кёрюнюуле кёрлюкдюле, къартларыгъыз да тюш кёрлюкдюле.

Ишлери 21:9

Аны уа файгъамбарлыкъ этиучю, эрге бармагъан тёрт къызы бар эди.

Римлилеге 1:11

Нек десегиз, сиз ийманда бегимли болур ючюн, сизге нюр жанындан бир фахму берир мурат бла сизни кёрюрге бек сюеме,

Римлилеге 12:3

Аллах манга берген шафауатха кёре, сизни хар биригизге да айтама: кеси юсюгюзден кереклисинден кёп ойлашмагъыз; алай а Аллах хар биригизге да юлешип берген ийманыгъызны мардасына кёре эслилик бла ойлашыгъыз.

I Коринфлилеге 12:18

Алай а Аллах, санланы хар бирин чархха жарашдырып, Кеси сюйгенча къурагъанды.

I Коринфлилеге 13:2

Файгъамбарлыгъым бар эсе да эм битеу тасхаланы биле эсем да эм, хар тюрлю билимим эм битеу ийнаныуум болуп, алай бла тауланы бир жерден бир жерге окъуна салаллыкъ эсем да, сюймеклигим жокъ эсе уа, сора мен бир зат да тюйюлме.

I Коринфлилеге 14:1

Сюймекликге жетерге кюрешигиз; Сыйлы Нюрден берилген фахмуларыгъыз болур ючюн, бегирек да файгъамбарлыкъ этер ючюн эришигиз.

I Коринфлилеге 14:24

Барысы да файгъамбарлыкъ эте эселе уа эмда ийнанмагъан неда бош адам кирсе, сора бары да аны гюняхларын ачыкъ этерле, бары да айып этерле.

I Коринфлилеге 14:29

Файгъамбарла да экеулен неда ючеулен сёлешсинле, къалгъанла уа айтылгъанланы ойласынла;

I Коринфлилеге 3:5

Кимди Пауул? Кимди Аполлос? Ала жаланда сиз аладан эшитип ийман салгъан къуллукъ этиучюледиле. Раббий хар бирибизге бир иш бергенди.

I Коринфлилеге 7:7

Нек десегиз битеу адамла менича болурларын сюеме; алай а хар кимни Аллахдан анга берилген фахмусу барды, биреу алай этеди, башхасы уа башха тюрлю этеди.

II Коринфлилеге 8:12

Нек десегиз биреу бир ишни сюйюп эте эсе, бу аны къолунда болмагъан затына кёре тюйюл, къолунда болгъан затына кёре къабыл этиледи.

Эфеслилеге 3:5

Адам улуланы алгъыннгы туудукъларына билдирилмеген, энди уа Масихни сыйлы абустолларына бла файгъамбарларына Сыйлы Нюрню юсю бла ачыкъ этилген сыр а ма буду:

Эфеслилеге 4:11

Ол а, бирлени абустолла этип, башхаланы файгъамбарла этип, башхаланы Хайыр Хапарны жайыучула этип, дагъыда башхаланы кютюучюле эм устазла этип салгъанды.

I Фесалоникачылагъа 5:20

Файгъамбарлыкъланы сансыз этмегиз.

II Петер 1:20

Китаплада бир файгъамбар сёзю да кеси аллына ангылатылмагъанын хар затдан да алгъа билигиз.