Римлилеге 12:3 - Сыйлы Инжил бла Забур

³ Аллах манга берген шафауатха кёре, сизни хар биригизге да айтама: кеси юсюгюзден кереклисинден кёп ойлашмагъыз; алай а Аллах хар биригизге да юлешип берген ийманыгъызны мардасына кёре эслилик бла ойлашыгъыз.

Римлилеге 12:3 Iomraidhean Croise

Лука 18:11

Фарисей, туруп, кеси-кесинден: „Аллах! Мен, башха адамлача тонаучу, ётюрюкчю, зийна этиучю неда бу жасакъ жыйыучуча болмагъаным ючюн, Санга шукур этеме.

Ахия 3:34

Аллах ийген Киши Аллахны сёзлерин айтады; нек десегиз Аллах Нюрюн ёлчелеп бермейди.

Римлилеге 1:5

Битеу миллетледен адамланы ийманнга бойсундурур ючюн, Масихни юсю бла эм аны аты ючюн Аллахны шафауатын эм абустоллукъ алгъанбыз.

Римлилеге 11:20

Тюздю. Ала иймансызлыкъдан сыннгандыла, сен а ийманынг бла тураса: ёхтем болма, алай а къоркъ.

Римлилеге 11:25

Къарындашла, сиз кесигизни уллудан кёрмез ючюн, бу тасханы сизге билдирмей къояргъа сюймейме: Израильни терсакъыл болгъаны жангыз бир заманнга дери, башха миллетлиледен къутхарыллыкъланы саны толгъунчугъа дериди.

Римлилеге 12:16

Кеси арагъызда бир акъыллы болугъуз. Уллу билимлилик этерге кюрешмегиз, алай а сабырлагъа нёгер болугъуз, кесигизни уллудан кёрмегиз.

I Коринфлилеге 15:10

Алай а Аллахны шафауаты бла не болгъан эсем да, болгъанма. Аны манга берген шафауаты бошуна болмагъанды. Мен аланы барындан да кёп уруннганма, алай а мен угъай, Аллахны менде болгъан шафауаты уруннганды.

I Коринфлилеге 3:10

Мен Аллахдан манга берилген шафауат бла, ангылаулу къурулушчу кибик, мурдор салгъанма, башхасы уа аны юсюнде ишлейди; алай а хар ким да къалай ишлегенине къарасын.

I Коринфлилеге 7:17

Алай а хар ким да Аллах анга шарт этгенча эм Раббий чакъыргъанча этсин; мен битеу жамауатлада алай буюрама.

II Коринфлилеге 10:13

Биз а мардасыз махтанырыкъ тюйюлбюз, алай а бизге Аллах буюргъан юлюш бла, сизге да жетер кибик, аллай марда бла махтанырыкъбыз.

II Коринфлилеге 12:13

Ол себепден башха жамауатланы къатында сизни не кемлигигиз барды, жаланда мен кесим сизге жюк болмагъаным тюйюл эсе? Аллай терсликни манга кечигиз!

II Коринфлилеге 12:7

Эмда мен эсепсиз уллу билим ачылыула бла ёхтемленмез ючюн, манга чархымда уу тиш – мени къыйнаргъа шайтанны мёлеги – берилгенди.

Галатиялылагъа 6:3

Нек десегиз сансыз адам болгъанынлай, кесин бир затха санагъан адам, кесикесин алдайды.

Эфеслилеге 3:2

Аллах шафауатын сизге билдирирге мени боюнума салгъанын сиз эшитген болурсуз:

Эфеслилеге 3:4

Сиз, муну окъуп, Масихни сырын ангылагъанымы сезерге боллукъсуз.

Эфеслилеге 4:16

Аны оноуунда битеу чарх, хар тюрлю жалгъагъан байламлыкъланы болушлугъу бла къуралып эм къошулуп, хар санны тап ишлеую бла ёсюм алады эм алай бла кесикесин сюймекликде ёсдюрюп кючлендиреди.

Колослулагъа 1:29

Масихни менде жюрюген деменгили кючю бла, мен муну ючюн урунуп кюрешеме.

Колослулагъа 2:13

Сиз алгъын терсликлеригиз бла эм сюннетсиз, гюняхлы табийгъатыгъыз бла ёлю эдигиз, Аллах а сизге Масих бла бирге жашау бергенди. Ол бизни битеу терсликлерибизни кечгенди.

I Тимотейге 1:14

Алай а ийман бла эм Масих Иссада болгъан сюймеклик бла бирге Раббийибизни шафауаты манга толу берилгенди.

I Тимотейге 2:15

Алай болгъанлыкъгъа тиширыу оюмлулукъ бла ийманда, сюймекликде эмда сыйлылыкъда турса, Сабийни табыууну юсю бла къутхарыллыкъды.

I Тимотейге 2:9

Аны кибик, тиширыула да, ушагъылы кийинип, уялчакълыкъ бла эм оюмлулукъ бла, не чачларын эшиу бла, не алтын бла, не инжи бла, не багъалы кийим бла тюйюл,

Титге 2:12

Бу шафауат а бизни, аллахсызлыкъны эм бу дунияны кюсеулерин къоюп, эндиги ёмюрде оюмлу, тюзлюклю эмда Аллахны жолуна тийишли жашауну бардырыргъа юйретеди.

Титге 2:2

Къарт кишиле тыйгъылы, тийишли, оюмлу, ийманда, сюймекликде, тёзюмде тюз акъыллыла болсунла.

Титге 2:4

Жаш къатынлагъа эрлерин сюерге, сабийлерин сюерге,

Титге 2:6

Аны кибик жаш уланлагъа да оюмлу болургъа айтып ангылат.

Якъуп 4:6

Алай а Аллах бизге уллу шафауатны андан кёп береди; ол себепден: «Аллах ёхтемлеге къажауду, сабырлагъа уа шафауат береди», – деп айтылгъанды.

I Петер 1:13

Ол себепден, акъылыгъызны ишге хазыр тутуп, сагъайып туругъуз, Масих Иссаны келиую бла сизге бериллик шафауатха толу ышаныгъыз.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.

I Петер 4:7

Болсада барыны да ахыры къаршыды. Алай бла тюз акъыллы болугъуз эм хар заманда да тилек этерге болалырча сагъайып туругъуз.

I Петер 5:5

Аны кибик кичиле да, таматалагъа бойсунугъуз эм барыгъыз да, бир-биригизге бойсунуп, сабыр акъыллылыкъны юсюгюзге кийигиз. Нек десегиз Аллах ёхтемлеге къажау турады, сабырлагъа уа шафауат береди.

I Петер 5:8

Аязып, сагъайып туругъуз; нек десегиз сизни душманыгъыз ибилис, хырылдагъан аслан кибик, кимни жутарын излеп айланады.

III Ахия 1:9

Мен жамауатха жазгъан эдим; алай а алада башчылыкъ этерге сюйюучю Диотреф бизни къабыл этмейди.