Римлилеге 12:2 - Сыйлы Инжил бла Забур

² Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

Римлилеге 12:2 Iomraidhean Croise

Забур 34:8

Алагъа эсде болмагъан жоюлуу келсин, аланы манга жашырын салгъан тузакълары аланы кеслерин тутсун; ары жоюлургъа тюшсюнле.

Забур 51:10

Мен а Аллахны юйюнде хар заманда да жашиллей тургъан зейтун терек кибикме эмда ёмюрледен ёмюрлеге да Аллахны мархаматына ышанама.

Маттай 13:22

Чыгъана ичине себилген а, сёзню эшитген, алай а бу ёмюрню къайгъысы эм байлыкъгъа алданыулукъ сёзню кючлеп, ол сёз тирлик бермеген адамны кёргюзтеди.

Марк 4:19

Алай а алада бу ёмюрню къайгъылары, байлыкъгъа алданыулукъ эм башха кюсеуле алагъа кирип, сёзню кючлеп, ол сёз тирлик бермеген адамланы кёргюзтеди.

Ахия 14:30

Энди Мен сизни бла кёп сёлеширик тюйюлме; нек десегиз бу дунияны бийи келеди, аны уа Манга кючю жокъду.

Ахия 15:19

Сиз дуниядан болсагъыз эди, дуния кесиникин сюер эди; сиз а дуниядан тюйюлсюз, Мен сизни дуниядан сайлагъанма; дуния сизни аны ючюн кёрюп болмайды.

Ахия 17:14

Мен алагъа Сени сёзюнгю айтып бердим; Мен дуниядан болмагъаным кибик, ала да дуниядан болмагъанлары себепли, дуния аланы кёрюп болмай къалды.

Ахия 7:7

Дуния сизни кёрюп болмай къояргъа болаллыкъ тюйюлдю, Мени уа кёрюп болмайды; нек десегиз Мен аны этген ишлери аман болгъанына шагъатлыкъ этеме.

Римлилеге 12:1

Алай бла, къарындашла, Аллахны мархаматлылыгъыны хатыры бла сизден тилейме, кесигизни Аллахха тири, сыйлы, Аны ыразы этиучю къурманнга беригиз. Анга тюз акъыл бла алай къуллукъ этерсиз.

Римлилеге 13:14

Алай бла Раббийибиз Масих Иссаны кюбеча юсюгюзге кийигиз эмда гюняхлы табийгъатыгъызны кюсегенлерине бой салыуну ойламагъыз.

Римлилеге 7:12

Ол себепден Закон сыйлыды, фарыз да сыйлыды, тюзлюклюдю эм хайырлыды.

Римлилеге 7:14

Нек десегиз биз билгенликден, Закон нюрденди, мен а чархданма, гюняхха къулгъа сатылгъанма.

Римлилеге 7:22

Нек десегиз, ич адамыма кёре, Аллахны Законунда зауукълукъ табама.

I Коринфлилеге 3:19

Нек десегиз бу дунияны акъылманлыгъы Аллахны аллында акъылсызлыкъды. Китапда жазылгъаны кибик: «Аллах акъылманланы аланы хыйлачылыкълары бла тутады».

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

Галатиялылагъа 1:4

Атабыз Аллахны буйругъуна кёре, Масих, бу эндиги огъурсуз ёмюрден бизни къутхарыр ючюн, бизни гюняхларыбыз ючюн Кеси-Кесин бергенди.

Эфеслилеге 1:18

Аны чакъырыуундан келген умутну, Ол сыйлы халкъына юлюшге берирге сёз берген аламат байлыкъны

Эфеслилеге 2:2

Бир заманлада сиз бу гюняхлада жашагъансыз, бу дунияны адети бла, хауада бийлик этген башчыны – Аллахха бойсунмаучу адамлада энди ишин этген нюрню – ызындан баргъансыз.

Эфеслилеге 5:17

Ол себепден оюмсуз болмагъыз, алай а Аллахны буйругъу не болгъанын ангылагъыз.

Колослулагъа 1:9

Ол себепден биз да, муну эшитген кюнюбюзден башлап, сизни ючюн тохтамай дууа этип, сиз нюр жанындан хар тюрлю акъылманлыкъ бла эм ангылау бла Аллахны буйругъун толу билир ючюн тилек этебиз.

Колослулагъа 3:10

Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.

Колослулагъа 4:12

Масих Иссаны къулу, сиз тамамлы болур ючюн эм Аллахны ыразы этген хар затдан толур ючюн, сизни ючюн хар заманда да тилек этип кюрешиучю сизни Эпафрас сизге салам айтады.

I Фесалоникачылагъа 4:3

Нек десегиз Аллах сизни сыйлы болуругъузну эмда сиз саякълыкъдан кесигизни тыярыгъызны сюеди.

Титге 3:5

Ол бизни, биз этген тюзлюклю ишле бла тюйюл, алай а Кесини мархаматы бла, Сыйлы Нюр бла жангыдан туудуруу эм жангыртыу хамам бла къутхаргъанды.

Якъуп 1:27

Аллах Атаны аллында таза эм айыпсыз дин ахлулукъ ёксюзлени бла башсыз къатынланы къыйынлыкъларына къарамакълыкъ эм дунияны харамлыгъындан кесин сакъламакълыкъды.

Якъуп 4:4

Зийначыла бла хаулечиле! Бу дуния бла шуёхлукъ Аллахха къажау душманлыкъ болгъанын билмеймисиз? Алай бла бу дуниягъа шуёх болургъа сюйген адам Аллахха душман болады.

I Петер 1:14

Айтылгъанны этген сабийле кибик, билмей тургъан заманыгъызда сизде болгъан алгъыннгы тыйгъычсызлыкълагъа кёре этмегиз,

I Петер 1:18

Аталарыгъыздан сизге берилген фана жашаудан, сиз, кюмюш неда алтын кибик чиририк затла бла угъай,

I Петер 2:3

Нек десегиз Раббийни ахшылыгъын сиз сынагъансыз.

I Петер 4:2

Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.

II Петер 1:4

Аланы хайырындан а, бизге бек уллу эм багъалы ант сёзле берилгендиле; алай бла сиз, бу дунияны бийлеп тургъан тыйгъычсызлыкъ бла бет жоюудан кери болуп, ол ант сёзлени юсю бла Аллахны табийгъатына къошулурсуз.

II Петер 2:20

Нек десегиз бизни Раббийибиз эм Къутхарыучубуз Масих Иссаны билиу бла бу дунияны харам ишлеринден къутулуп, дагъыда жангыдан ала бла къатышып, алагъа хорлата эселе уа, аллайлагъа алгъыннгыдан эсе артдагъы аман болады.

I Ахия 3:13

Къарындашларым, дуния сизни кёрюп болмай эсе, мынга сейирсинмегиз.

I Ахия 5:19

Биз Аллахдан болгъаныбызны эм битеу дуния ибилисни оноуунда тургъанын билебиз.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.