Римлилеге 12:16 - Сыйлы Инжил бла Забур

¹⁶ Кеси арагъызда бир акъыллы болугъуз. Уллу билимлилик этерге кюрешмегиз, алай а сабырлагъа нёгер болугъуз, кесигизни уллудан кёрмегиз.

Римлилеге 12:16 Iomraidhean Croise

Маттай 11:5

Сокъурла кёрюп, акъсакъла да жюрюп башлайдыла, келепенле тазаланадыла, сангыраула эшитедиле, ёлгенле тиргизиледиле, жарлылагъа да Хайыр Хапар бериледи.

Маттай 26:11

Жарлыла сизни арагъызда хар заманда да бардыла, Мен а сизни арагъызда хар заманда боллукъ тюйюлме.

Лука 14:13

Алай а, къурманлыкъ этген заманынгда факъырланы, ырахынланы, акъсакъланы, сокъурланы чакъыр.

Лука 6:20

Исса Кесини сохталарына къарап: «Жарлыла насыплысыз, нек десегиз Аллахны Патчахлыгъы сизниди.

Ишлери 4:32

Ол ийнаннган кёп халкъны уа жюреклери да, жанлары да бир эди. Аладан бир киши да кесини мюлкюне кесимикиди демей эди; битеу болгъан затларын бирбирлери бла юлеше эдиле.

Римлилеге 11:20

Тюздю. Ала иймансызлыкъдан сыннгандыла, сен а ийманынг бла тураса: ёхтем болма, алай а къоркъ.

Римлилеге 11:25

Къарындашла, сиз кесигизни уллудан кёрмез ючюн, бу тасханы сизге билдирмей къояргъа сюймейме: Израильни терсакъыл болгъаны жангыз бир заманнга дери, башха миллетлиледен къутхарыллыкъланы саны толгъунчугъа дериди.

Римлилеге 12:3

Аллах манга берген шафауатха кёре, сизни хар биригизге да айтама: кеси юсюгюзден кереклисинден кёп ойлашмагъыз; алай а Аллах хар биригизге да юлешип берген ийманыгъызны мардасына кёре эслилик бла ойлашыгъыз.

Римлилеге 15:5

Тёзюмлюлюк бериучю эм кёл этдириучю Аллах а, Масих Иссаны юйретиуюне кёре, сизни арагъызда бир акъыллы болууну сизге берсин.

Римлилеге 6:2

Биз гюняхха ёлгенбиз, сора энтда гюняхда къалай жашайыкъ?

I Коринфлилеге 1:10

Къарындашла, Раббийибиз Масих Иссаны аты бла сизге жалбарама, сиз барыгъыз да бирни айтыгъыз, арагъызда айырылыу болмасын, сиз бир ниетде эм бир акъылда бирлешигиз.

I Коринфлилеге 3:18

Бир киши да кеси-кесин терилтмесин. Сизден биреу бу ёмюрде кесин акъылманнга санай эсе, ол керти акъылман болур ючюн «акъылсыз» болсун!

I Коринфлилеге 4:10

Биз Масих ючюн акъылсызбыз, сиз а Масихде акъыллысыз. Биз къарыусузбуз, сиз а кючлюсюз. Сиз махтаудасыз, биз а сансызлыкъдабыз.

I Коринфлилеге 6:5

Муну сизге айып этип айтама: кесини къарындашларыны араларын айырырча бир акъыллы адам къалай жокъду арагъызда?

I Коринфлилеге 8:2

Мен бир зат билеме деп ойлашхан адам, ол билирге кереклисича алыкъа бир зат да билмейди;

II Коринфлилеге 13:11

Болсада, къарындашла, къууаныгъыз, жетишимли болугъуз, жапсарылыгъыз, бир акъыллы, жарашыулу болугъуз, сюймеклик эмда жарашыулукъ бериучю Аллах а сизни бла боллукъду.

Чюйютлелеге 13:5

Ахча сюйюу къылыгъыгъыз болмасын, болгъан затыгъыз бла ыразы болуп туругъуз. Нек десегиз Ол Кеси: «Сени къоярыкъ тюйюлме эм атарыкъ тюйюлме», – дегенди.

I Петер 3:8

Ахырында, барыгъыз да бир акъыллы, жазыкъсыныучу, къарындаш сюйюучю, жумушакъ жюрекли, шуёхлукъну сюйюучю, сабыр акъыллы болугъуз.

I Петер 5:3

Аллахны халкъына бийлик этмей, алай а сюрюуге юлгю берип къуллукъ этигиз.

III Ахия 1:9

Мен жамауатха жазгъан эдим; алай а алада башчылыкъ этерге сюйюучю Диотреф бизни къабыл этмейди.