Римлилеге 12:1 - Сыйлы Инжил бла Забур

¹ Алай бла, къарындашла, Аллахны мархаматлылыгъыны хатыры бла сизден тилейме, кесигизни Аллахха тири, сыйлы, Аны ыразы этиучю къурманнга беригиз. Анга тюз акъыл бла алай къуллукъ этерсиз.

Римлилеге 12:1 Iomraidhean Croise

Лука 7:47

Ол себепден а санга айтама: аны кёп гюняхлары кечилгени ючюн ол кёп сюеди. Анга аз кечилген адам а аз сюеди», – деди.

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

Римлилеге 15:16

Аллахны шафауаты бла мен Масих Иссагъа миллетледе къуллукъ этиучю болгъанма. Миллетле Сыйлы Нюр бла сыйлы болуп, Аллахны ыразы этген къурман болур ючюн, мен Аллахны Хайыр Хапарын дин къуллукъчуча жаяма.

Римлилеге 15:30

Алай болсада, къарындашла, мени бла бирге мени ючюн Аллахдан тилек этерге кюреширигизни, Раббийибиз Масих Исса бла эм Сыйлы Нюрню сюймеклиги бла сизден тилейме.

Римлилеге 2:4

Неда Аллахны ахшылыкъдан байлыгъын, сабырлыгъын эм кёп тёзюуюн сансыз этипми къояса, Аллахны ахшылыгъы сени тобагъа къайтарыргъа элтгенин ангыламаймыса?

Римлилеге 6:13

Эмда санларыгъызны гюняхха тюзлюксюзлюкню амалына бермегиз, алай а, ёлгенледен тиргизилгенле кибик, кесигизни Аллахха, санларыгъызны да тюзлюклюлюкню амалына Аллахха беригиз.

Римлилеге 6:16

Сиз, кимге боюн салып, кесигизни кимни айтханын этерге къулгъа бере эсегиз, аны къуллары болгъаныгъызны билмеймисиз? Не ёлюм келтирген гюняхны къулларысыз, неда тюзлюклюлюк келтирген боюн салыуну къулларысыз.

Римлилеге 6:19

Сизни адам табийгъатыгъызны къарыу сузлугъу ючюн адамланы оюмларына кёре айтама. Сиз санларыгъызны харамлы къгъа эм законсузлукъ ишлеге къулгъа къалай берип тургъан эсегиз да, энди уа санларыгъызны, сыйлы болур ючюн, тюзлюклюлюкге къулгъа алай беригиз.

Римлилеге 9:23

Ол, махтаулу болургъа алгъындан хазырлап, алагъа мархамат этерик адамларына Кесини махтаууну байлыгъын билдирир ючюн алай этген эсе, не айтайыкъ?

I Коринфлилеге 1:10

Къарындашла, Раббийибиз Масих Иссаны аты бла сизге жалбарама, сиз барыгъыз да бирни айтыгъыз, арагъызда айырылыу болмасын, сиз бир ниетде эм бир акъылда бирлешигиз.

II Коринфлилеге 10:1

Сизни арагъызда кесим уялчакъ болгъан, алай а сизден узакъда таукел болгъан мен Пауул, Масихни жууашлыгъы бла эм тёзюмлюк этиую бла сизге жалбарама:

II Коринфлилеге 4:1

Аллахны мархаматындан бизни аллай къуллукъ этиуюбюз болгъаны себепли биз мудах болмайбыз.

II Коринфлилеге 4:16

Ол себепден биз мудах болмайбыз; алай а бизни тыш чархыбыз бузула эсе да, ичибиздеги уа кюнден-кюннге жангырады.

II Коринфлилеге 5:20

Ол себепден биз Масихни аты бла келечилебиз, Аллах Кеси буйругъун бизни юсюбюз бла айтып ангылатхан кибик ангылатады. Масихни аты бла тилейбиз: Аллах бла жарашыгъыз.

II Коринфлилеге 6:1

Биз а, Аллах бла бирге урунуучулача, Аллахны шафауатын къабыл этгенигиз бошуна болмасын деп, сизге жалбарабыз.

Эфеслилеге 4:1

Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

Эфеслилеге 5:10

Аллах нени ахшы кёргенин сынап билигиз.

I Фесалоникачылагъа 4:1

Къарындашла, сиз къалай жашаргъа эмда Аллахны къалай ыразы этерге керек болгъаныгъызгъа бизден юйреннгенсиз. Сиз да алай жашайсыз. Ахырында бу ишде андан да бек жетишимли болугъуз деп, сизден Раббий Иссаны аты бла тилейбиз эм жалбарабыз.

I Фесалоникачылагъа 4:10

Кертиси бла да сиз саулай Македониядагъы битеу къарындашланы сюесиз. Къарындашла, сизге жалбарабыз, бу ишде андан да бек жетишимли болугъуз,

I Фесалоникачылагъа 5:12

Къарындашла, сизде уруннганланы эм Раббийни жолунда сизге башчылыкъ этгенлени эм сизге насийхат бергенлени ариу кёрюрюгюзню сизден тилейбиз.

I Тимотейге 2:3

Нек десегиз ол игиди эм бизни Къутхарыучу Аллахыбыз анга ыразыды.

I Тимотейге 5:4

Башсыз къатынны сабийлери неда туудукълары бар эсе уа, ала, алгъа кеслерини юйюрлерине болушуп, Аллахны жолунда жюрюрге эм къартларына тийишлисин берирге юйренсинле. Аллахны излегени олду.

Филимоннга 1:10

Мен аны тутмакълыгъымда туудургъан жашым Онисимни юсюнден сенден тилейме.

Филимоннга 1:9

Андан эсе, Масих Исса ючюн тутмакъ болгъан мен къарт Пауул санга сюймеклик бла жалбарама.

Чюйютлелеге 13:22

Къарындашла, сизден тилейме, бу насийхат сёзюмю тёзюмлюк бла къабыл этигиз; мен а сизге кёп да жазмагъанма.

I Петер 2:20

Нек десегиз сиз аман ишлеригиз ючюн тюйюлюп тёзе эсегиз, андан сизге не махтау? Алай а ахшылыкъ эте эм къыйынлыкъ кёре тёзе эсегиз, Аллах ол затха ыразыды.

I Петер 2:5

Кесигиз да, тири ташла кибик, кесикесигизден нюр юй къурагъыз; алай бла сиз, Масих Иссаны юсю бла Аллахны ыразы этерча, нюр къурманла этер ючюн, Аллахха сыйлы къуллукъ этиучюле болурсуз.