Римлилеге 10:18 - Сыйлы Инжил бла Забур

¹⁸ Алай а сорама: ала эшитмегенмидиле? Ол угъай эсенг: «Аланы ауазлары битеу жерни юсюнде эшитилгенди эм аланы сёзлери дунияны чегине дери жетгенди».

Римлилеге 10:18 Iomraidhean Croise

Забур 19:4

Сени битеу къурман келтириулеринги эсине тюшюрсюн эм сени саулай кюйдюрюлген къурманларынгы да семиз этсин.

Забур 98:3

Сени уллу эм къоркъунчлу атынга махтау салсынла: Ол сыйлыды!

Маттай 24:14

Эмда Аллахны Патчахлыгъыны бу Хайыр Хапары битеу дунияда, битеу миллетлеге шагъатлыкъгъа билдирилликди; сора ол заманда ахыры келликди.

Маттай 26:13

Кертисин айтама сизге: битеу дунияда бу Хайыр Хапар къайда билдирилсе да, бу тиширыуну не этгени да айтылыр, кеси да эсге тюшюрюлюр», – деди.

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Маттай 4:8

Дагъыда ибилис Аны бек бийик таугъа алды, Анга битеу дунияны патчахлыкъларын бла аланы аламатлыкъларын кёргюзтюп,

Марк 16:15

Сора алагъа былай айтды: «Битеу дуниягъа жюрюп, жаратылгъанланы барысына да Хайыр Хапарны билдиригиз.

Марк 16:20

Ала уа, кетип, хар жерде ууаз бергендиле. Раббий алагъа болушханды эмда сёзюн артда болгъан илишанла бла бегитгенди. Амин.]

Ишлери 1:8

Сиз а Сыйлы Нюр юсюгюзге тюшгенде кюч алырсыз, сора Иерусалимде, битеу Иудеяда, Самарияда эм жерни этегине дери да Мени шагъатларым болурсуз», – деди.

Ишлери 26:20

Алай а алгъа Дамаскда бла Иерусалимде жашагъанланы, андан сора уа битеу Иудеяны жерин да, башха миллетлилени да, тобагъа тюшюп, Аллахха къайтышыргъа эмда тобагъа къайтышханларына тийишли ишле этерге чакъыргъанма.

Ишлери 28:23

Сора анга келир кюнлерин болжал этдиле эмда ол кюн андан да кёпле ол тургъан юйге келдиле. Ол а эрттенден ингирге дери Аллахны Патчахлыгъыны юсюнден окъууну ангылатып, анга шагъатлыкъ этип турду. Мусаны Таурат Китабындан да, файгъамбарланы китапларындан да Иссаны юсюнден жазылгъанланы кёргюзтюп аланы ийнандырыргъа кюреше эди.

Римлилеге 1:8

Хар неден да алгъа, сизни ийнаныуугъуз битеу дунияда билдирилгени себепли, сизни барыгъыз ючюн Масих Иссаны юсю бла Аллахыма шукур этеме.

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:6

Ол Хайыр Хапар, сиз Аллахны шафауатыны юсюнден эшитген эм аны керти ангылагъан кюнден башлап, сизни арагъызда этгени кибик, битеу дунияда да битим береди эм жайылады.

I Фесалоникачылагъа 1:8

Нек десегиз Раббийни сёзю сизден жаланда Македонияда бла Ахаяда жайылып къалмагъанды, алай а сизни Аллахха ийнаннганыгъызны хапары хар жерде да эшитилгенди, алай бла аны юсюнден бизни айтыргъа кереклибиз жокъду.