Римлилеге 1:28 - Сыйлы Инжил бла Забур

²⁸ Ала Аллахны акъылларында тутаргъа жараулу кёрмегенлери себепли, Аллах аланы жараусуз ойлашыулагъа берип, тийишли болмагъан ишлени этерге бошлап къойгъанды.

Римлилеге 1:28 Iomraidhean Croise

Ишлери 17:23

Нек десегиз мен сизни табыннган жерлеригизге къарай айланып, юсюнде: „Билинмеген Аллахха“ деп жазылгъан бир къурман ташха да тюбегенме. Ма бу, сиз Аны билмегенлей табыннган Аллахны мен сизге билдиреме.

Ишлери 17:32

Ёлгенлени тиргизилиуюню юсюнден эшитгенде, бир къауумлары хыликкя этдиле, башхалары уа: «Аны юсюнден санга башха заманда тынгыларбыз», – дедиле.

Римлилеге 1:18

Хакъ кертиге аманлыкъ бла чырмау этген адамланы битеу аллахсызлыкъларына бла аманлыкъларына къажау кёкден Аллахны чамланыуу ачылады.

Римлилеге 1:21

Алай а ала, Аллахны биле тургъанлай, Анга, Аллахха тийишлисича махтау салмагъанлары эм шукур этмегенлери себепли, кеслерин магъанасыз ойлашыулагъа бергендиле эм аланы ангылаусуз жюреклерин къарангылыкъ басханды.

Римлилеге 1:24

Мынга кёре, Аллах, аланы жюреклери талпыгъан жийиргенчли ишлени этерге, кеслери-кеслерини чархларын харам этерге бошлап къойгъанды.

Римлилеге 1:26

Аны себепли Аллах аланы айыплы тыйгъысызлыкъларына бошлап къойгъанды: аланы тиширыулары табийгъатда тийишли болгъанны жюрютюуню орунуна табийгъатда болмагъанны жюрютгендиле.

I Коринфлилеге 15:34

Кереклисича аязыгъыз эм гюнях этмегиз; нек десегиз сизге айыпха айтайым, сизден бир къауумла Аллахны билмейдиле.

II Коринфлилеге 10:5

Эмда Аллахны билиуге ёхтемлик бла къажау тургъан хар тыйгъычны къоратабыз эм хар тюрлю ойлашыуну Масиххе бойсундуруп жесир этебиз.

Эфеслилеге 5:4

Аны кибик сылыкъ сёзлюлюк, бош сёзлюлюк эм адепсиз кюлкючюлюк сизге ушагъылы тюйюлдюле, андан эсе заманыгъызны Аллахха шукур этиуге беригиз.

II Фесалоникачылагъа 1:8

Ол Аллахны билмегенлеге эм Раббийибиз Масих Иссаны Хайыр Хапарына бойсунмагъанлагъа жаннган отда жаза берликди.

II Тимотейге 3:8

Яннис бла Ямбрис Мусагъа къажау болгъанлары кибик, бу адамла да хакъ кертиге къажау турадыла. Аланы акъыллары бузукъ болгъанды, ала ийманда сыналыугъа чыдаялмагъанладыла.

Титге 1:16

Ала Аллахны билебиз деп айтадыла; ишлери бла уа Аны инкяр этедиле, жийиргенчли, бойсунмаучу эм бир тюрлю ахшы ишге жараусуз адамладыла.

Филимоннга 1:8

Ол себепден, керекли затны санга буйрукъ этерге Масихде уллу таукеллигим болгъанынлай да,

II Петер 3:5

Алай ойлашханла, башланнганда Аллахны сёзю бла кёкле бар болгъанларын, жер да суудан эм суу бла къуралгъанын биле тургъанлай унутадыла.