Римлилеге 1:16 - Сыйлы Инжил бла Забур

¹⁶ Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

Римлилеге 1:16 Iomraidhean Croise

Забур 110:2

Раббийни ишлери уллудула, битеу аланы сюйгенле аланы билирге излейдиле.

Марк 8:38

Нек десегиз бу зийначы эм гюняхлы тукъумну арасында Менден эм Мени сёзлеримден ким ыйлыкъсынса, Адам Улу да Кесини Атасыны аламатлыгъы бла, сыйлы мёлекле бла келгенинде, ол адамдан ыйлыкъсынырыкъды», – деди.

Лука 9:26

Нек десенг Менден эм Мени сёзлеримден ким ыйлыкъсынса да, Адам Улу да, Кесини, Атасыны эмда сыйлы мёлеклени аламатлыгъы бла келгенинде, ол адамдан ыйлыкъсынырыкъды.

Ахия 7:35

Ол заманда иудейлиле кеси араларында: «Биз Аны тапмазча, къайры барлыкъды Ол? Огъесе Ол, греклиле арасында чачылгъан иудейлиле тургъан жерлеге барып, греклиленими юйретирик болур?

Ишлери 3:26

Аллах, сизни хар биригизни да аман ишлеригизден тайдырып сизни алгъышлы этер ючюн, Кесини Уланы Иссаны тиргизип, бек алгъа сизге ийгенди», – деп сёлешди.

Римлилеге 10:17

Алай бла ийман Хайыр Хапарны эшитиуденди, эшитиу а Аллахны сёзю билдирилиуюнденди.

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

Римлилеге 15:29

Сизге келген заманымда уа, Масихни Хайыр Хапарыны толу ахшылыгъы бла келлигими да билеме.

Римлилеге 2:9

Аманлыкъ этген хар адамны жанына – бек алгъа иудейлиге, андан сора уа башха миллетлиге – палах эм тарлыкъ болур.

Римлилеге 4:11

Сюннетсиз болгъанлай, ийман салгъанланы барыны да аталары болур ючюн эм алай бла аланы да ийманлары тюзлюклюлюкге саналыр ючюн, Ибрахим, сюннет этилгинчи, кесинде болгъан ийманы бла тюзлюклю болгъанын кёргюзтген мухургъа сюннет белгини алгъанды.

I Коринфлилеге 15:2

Мен сизге берген Хайыр Хапарны мен юйретгенча тута эсегиз, сиз аны бла къутхарыласыз. Алай тюйюл эсе уа сизни ийман салгъаныгъыз бошунады.

I Коринфлилеге 2:2

Нек десегиз мен сизни арагъызда болгъан заманымда Масих Иссадан эм Аны къачха керилип ёлгенинден башха бир зат да билмезге бегим этген эдим.

I Коринфлилеге 2:4

Мени сёзюм да, ууаз бериуюм да адамны акъылманлыгъындан ийнандырыучу сёзледен тюйюл, алай а Сыйлы Нюрню кючлендириуюню шартларындан эди.

I Коринфлилеге 9:12

Башхаланы сизде бу эркинликлери бар эсе, бизни уа бегирек да жокъмуду? Алай болгъанлыкъгъа биз бу эркинлик бла хайырланмагъанбыз, алай а, Масихни Хайыр Хапарына бир тюрлю чырмау салмаз ючюн, хар неге да тёзебиз.

I Коринфлилеге 9:18

Сора мени саугъам неди? Масихни юсюнден Хайыр Хапарны хакъсыз жайып, Хайыр Хапарны жайыуда манга берилген эркинликден хайырланмауумду.

II Коринфлилеге 2:12

Масихни юсюнден Хайыр Хапарны жаяргъа мен Троадагъа келгенимде, Раббий манга эшик ачхан эди.

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

II Коринфлилеге 9:13

Нек десегиз адамла бу къуллукъ этиуню сынамын кёрюп, сиз Масихни Хайыр Хапарын ачыкъ къабыл этип, анга боюн салгъаныгъыз ючюн эм таза жюрекден алагъа эм барысына этген чомартлыгъыгъыз ючюн Аллахха махтау саладыла.

Галатиялылагъа 1:7

Керти да башха хайыр хапар жокъду, алай а сизни жунчутхан эм Масихни Хайыр Хапарын терсине бурургъа сюйген адамла бардыла ансы.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

I Тимотейге 1:11

Бу затла алгъышлы Аллахны манга ышанып берилген махтаулу Хайыр Хапарына келишген затла тюйюлдюле.

II Тимотейге 1:12

Аны себепли къыйналама мен былай; алай а ыйлыкъсынмайма. Нек десенг мен билеме Кимге ийнаннганымы эм Ол манга ышанып бергенин ол Кюннге сакъларгъа Аны кючю болгъанына толу ийнанама.

II Тимотейге 1:16

Онисифорну юйюрюне Раббий ахшылыкъ берсин; ол мени кёп кере тынчайтханды эм мени тутмакълыгъымдан ыйлыкъсынмагъанды.

II Тимотейге 1:8

Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

Чюйютлелеге 4:12

Нек десегиз Аллахны сёзю жашайды эм кючлюдю эм хар тюрлю эки ауузлу къылычдан да жютюдю; ол жанны бла нюрню, жиклени бла жиликлени айырыугъа дери ётеди эм жюрекни ойлашыуларына бла ниетлерине сюд этеди.

I Петер 4:16

Масихчича азапха тюше эсе уа, уялмасын, алай а аллай къадар ючюн Аллахха махтау салсын.