Римлилеге 1:14 - Сыйлы Инжил бла Забур

¹⁴ Мен греклилеге да, варварлагъа да, билимлилеге да, жахиллеге да борчлума;

Римлилеге 1:14 Iomraidhean Croise

Маттай 11:25

Ол заманда сёзюн бардыра, Исса: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып, гитче сабийлеге ачханынг ючюн, Санга шукур этеме.

Лука 10:21

Олсагъатда Исса, кёлю бла къууанып: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып гитче сабийлеге ачханынг ючюн Санга шукур этеме. Алайды, Атам! Сен алай этиуню иги кёргенсе, – деди.

Ишлери 22:21

Раббий а манга: „Бар, Мен сени узакъгъа, башха миллетлеге иерикме“ деди», – деп сёлешди.

Ишлери 28:2

Ол жерлилени бизге болмагъанча бек жанлары ауруду. Тохтаусуз жауун жаууп, сууукълукъну себебинден от этип, ала бизни барыбызны да къонакъгъа алдыла.

Ишлери 28:4

Ол жерлиле, аны къолуна жилянны тагъылгъанын кёргенлеринде, бир-бирлерине: «Баям, бу адам мурдарды, тенгизден къутулгъанындан сора да, тюзлюкню тейриси муну жашаргъа къоймагъанды», – дей эдиле.

Ишлери 9:15

Алай а Раббий анга: «Бар! Нек десенг миллетлеге эм патчахлагъа эмда Израиль улулагъа Мени атымы билдирир ючюн, ол Мени сайлагъан сауутумду.

Римлилеге 1:22

Кеслерине акъылманлабыз деп, акъылдан шашхандыла

Римлилеге 11:25

Къарындашла, сиз кесигизни уллудан кёрмез ючюн, бу тасханы сизге билдирмей къояргъа сюймейме: Израильни терсакъыл болгъаны жангыз бир заманнга дери, башха миллетлиледен къутхарыллыкъланы саны толгъунчугъа дериди.

Римлилеге 12:16

Кеси арагъызда бир акъыллы болугъуз. Уллу билимлилик этерге кюрешмегиз, алай а сабырлагъа нёгер болугъуз, кесигизни уллудан кёрмегиз.

Римлилеге 13:8

Бир-биригизни сюйюуден башха бир кишиге бир затдан борчлу болуп къалмагъыз; нек десегиз башханы сюйген, Тауратны Законун толтургъанды.

Римлилеге 16:19

Сизни ийманнга боюн салгъаныгъыз барыбызгъа да белгилиди. Ол себепден мен сизни ючюн къууанама, алай а сизни ахшылыкъгъа акъыллы, аманлыкъгъа уа хыйласыз болуругъузну сюеме.

Римлилеге 8:12

Алай бла, къарындашла, биз гюняхлы табийгъатыбызгъа кёре жашарча гюняхлы табийгъатыбызгъа борчлу тюйюлбюз.

I Коринфлилеге 14:11

Алай а мен сёзлени магъанасын билмей эсем, сора мен сёлешгеннге тыш къыраллыма, сёлешген да манга тыш къыраллыды.

I Коринфлилеге 14:16

Ол себепден сен нюрюнг бла Аллахха шукур этсенг, сора алайда тургъан бош адам сени шукур дууанга: «Амин», – деп къалай айтыр? Нек десенг ол сени не айтханынгы ангыламайды.

I Коринфлилеге 2:13

Нюрден болгъан затланы нюр сёзле бла ангылатып, аланы, адамны акъылманлыгъындан юйретилген сёзле бла тюйюл, алай а Сыйлы Нюрден юйретилген сёзле бла билдиребиз.

I Коринфлилеге 3:18

Бир киши да кеси-кесин терилтмесин. Сизден биреу бу ёмюрде кесин акъылманнга санай эсе, ол керти акъылман болур ючюн «акъылсыз» болсун!

II Коринфлилеге 10:12

Нек десегиз кеслери-кеслерин кёргюзтюрге кюрешгенле бла биз кесибизни келишдирип неда тенглешдирип къараргъа базынмайбыз. Ала кеслерин – кеслери бла ёлчелеп тенглешдириулери бла оюмсузлукъ этедиле.

II Коринфлилеге 11:19

Нек десегиз сиз, акъыллы адамла, акъылсызлагъа сюйюп тёзесиз!

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.

II Тимотейге 2:10

Ол себепден Аллах сайлагъанла, Масих Исса алагъа берлик къутхарыуну эм ёмюрлюк махтауну алсынла деп, ала ючюн хар неге да тёземе.

Титге 3:3

Нек десенг биз да бир заманлада оюмсузла, боюн салмагъанла, ажашханла эдик, тюрлю кюсеулеге бла жубанчлагъа къул эдик, аман ниетде бла зарлыкъда жашай эдик, жийиргенчли эдик, бир-бирибизни кёрюп болмай эдик.