Маттай 9:35 - Сыйлы Инжил бла Забур

³⁵ Исса битеу шахарлада бла элледе, андагъы синагогалада юйрете, Кёклени Патчахлыгъыны юсюнден Хайыр Хапарны билдире, адамлада хар аурууну эм хар къарыусузлукъну сау эте жюрюдю.

Маттай 9:35 Iomraidhean Croise

Маттай 10:1

Сора Исса, онеки сохтасын чакъырып, алагъа харам нюрлени къыстаргъа, хар тюрлю аурууну бла хар къарыусузлукъну сау этерге эркинлик бергенди.

Маттай 11:1

Исса, Кесини онеки сохтасына насийхат берип бошагъанлай, алайдан аланы шахарларында юйретирге эм ууаз айтыргъа барды.

Маттай 11:5

Сокъурла кёрюп, акъсакъла да жюрюп башлайдыла, келепенле тазаланадыла, сангыраула эшитедиле, ёлгенле тиргизиледиле, жарлылагъа да Хайыр Хапар бериледи.

Марк 1:14

Ахия тутулгъандан сора уа, Исса Аллахны Патчахлыгъыны юсюнден Хайыр Хапарны билдире, Галилеягъа келди

Марк 6:56

Ол къайры келсе да, эллеге болсада, шахарлагъа болсада, аууллагъа болсада, ауругъанланы чыгъарып ачыкъ жерлеге сала эдиле эмда ала Аны жаланда кийимини къыйырына тиерлерин Андан тилей эдиле; эмда Анга тийгенле бары да сау бола эдиле.

Марк 6:6

Эмда аланы ийнаныусузлукъларына сейирсинди. Андан сора тёгерекдеги элледе юйретип жюрюдю.

Лука 13:22

Сора Исса, шахарлада, элледе жюрюп юйрете, Иерусалим таба бара эди.

Ишлери 10:38

Аллах Сыйлы Нюр бла эм кюч бла Назаретли Иссаны къалай майлагъанын билесиз. Исса халкъгъа игилик эте эм ибилис бийлегенлени барын да сау эте айланнганды, нек десегиз Аллах Аны бла эди.

Ишлери 2:22

Израильли кишиле! Тынгылагъыз бу сёзлеге: кесигиз да билгенигиз кибик, Назаретли Исса, Аллах Аны юсю бла сизни арагъызда этген къудуретли ишлери, сейирликлери эм илишанлары бла белгили болгъан Кишиди.