Маттай 9:22 - Сыйлы Инжил бла Забур

²² Исса уа, айланып, аны кёрюп: «Таукел эт, къызым! Сени ийманынг сени къутхарды», – деди. Тиширыу олсагъатдан сау болду.

Маттай 9:22 Iomraidhean Croise

Маттай 15:28

Андан сора Исса анга жууапха: «Эй тиширыу! Сени ийманынг бек уллуду; сени тилегенингча санга болсун» – деди. Сора аны къызы олсагъат сау болуп къалды.

Маттай 17:18

Келтиргенлей, Исса жиннге чыгъаргъа буюрду. Сора жин жашдан чыкъды, жаш да олсагъат сау болуп къалды.

Маттай 8:13

Сора Исса жюзбашчыгъа: «Бар, сени ийнаннганынгча болсун санга», – деди. Сора аны жумушчусу олсагъат сау болду.

Маттай 9:2

Мында Анга санлары къурушхан бир адамны жатхан жери бла кётюрюп келтирдиле. Исса аланы ийнаныуларын кёрюп, саусузгъа: «Таукел эт, жашым! Гюняхларынг кечиледиле», – деди.

Маттай 9:29

Исса аланы кёзлерине тийип: «Сизни ийнаныуугъузгъа кёре сизге болсун», – деди.

Марк 10:52

Исса анга: «Бар, сени ийманынг сени къутхарды», – деди. Сора сокъур олсагъат кёрюп башлады эмда жол бла Иссаны ызындан кетди.

Марк 5:34

Исса анга: «Къызым! Сени ийманынг сени къутхарды; ырахатлыкъ бла бар, энди аурууунгдан сау болгъанлай тур», – деди.

Лука 17:19

Сора анга: «Тур, бар, сени ийнаныуунг сени къутхарды», – деди.

Лука 18:42

Исса анга: «Кёрсюнле! Сени ийманынг сени къутхарды», – деди.

Лука 7:50

Ол а тиширыугъа: «Сени ийнаныуунг сени къутхарды, ырахатлыкъ бла бар», – деди.

Лука 8:48

Исса анга: «Таукел эт, къызым! Сени ийманынг сени къутхарды, ырахатлыкъ бла бар», – деди.

Ахия 4:53

Исса анга: «Сени жашынг сау болгъанды», – деп айтхан, ол сагъат болгъанын, жашны атасы андан билди. Сора кеси да, битеу юйюрю да Иссагъа ийнандыла.

Ишлери 14:9

Ол Пауулну сёлешгенине тынгылай эди. Пауул а, анга жютю къарап эмда сау этилирге аны ийнаныуу болгъанын кёрюп,

Ишлери 16:18

Ол алай кёп кюнлени этген эди. Пауул, ачыуланып, ары айланып нюрге: «Масих Иссаны аты бла санга буйрукъ этеме, чыкъ бу къыздан!» – деди. Сора нюр олсагъатдан окъуна чыкъды.

Чюйютлелеге 4:2

Нек десегиз къутхарылыуну юсюнден Хайыр Хапар алагъа билдирилгени кибик, бизге да билдирилгенди; алай а ала эшитген сёзню ийман бла къабыл этмегенлери себепли, ол сёз алагъа файда бермегенди.