Маттай 8:4 - Сыйлы Инжил бла Забур

⁴ Исса анга: «Сакъ бол, бир кишиге да айтма; алай а барып, дин къуллукъчулагъа кёрюнюп, адамлагъа шагъатлыкъгъа, Муса буйрукъ этген къурманны элт», – деди.

Маттай 8:4 Iomraidhean Croise

Маттай 10:18

Мени ючюн сизни оноучуланы бла патчахланы алларына элтирикдиле. Алай бла аланы эм миллетлени аллында шагъатлыкъ этериксиз.

Маттай 16:20

Ол заманда Исса сохталарына Кесини Масих болгъанын бир кишиге да айтмазгъа буюрду.

Маттай 17:9

Сора ала таудан тюшгенде, Исса алагъа: «Адам Улу ёлюп тиргизилгинчиге дери, бу кёргенигизни бир кишиге да айтмагъыз», – деп буюрду.

Маттай 3:15

Исса уа анга жууапха: «Къой энди; нек десенг хар тюзлюкню биз алай толтурургъа керекбиз», – деди. Сора Ахия Аны тыймады.

Маттай 5:17

«Мен Тауратны неда файгъамбарланы хукмуларын бузаргъа келген сунмагъыз; Мен бузаргъа келмегенме, алай а толтурургъа келгенме.

Маттай 6:1

«Садакъагъызны адамланы аллында ала кёрсюнле деп этмезге сакъ болугъуз, алайсыз сиз Кёкдеги Атагъыздан саугъа аллыкъ тюйюлсюз.

Маттай 9:30

Сора аланы кёзлери ачылдыла. Исса алагъа: «Сакъ болугъуз, бир киши да билмесин», – деп къаты айтды.

Марк 13:9

Сиз а кесигизге сакъ болугъуз; нек десегиз сизни сюдлеге берликдиле, синагогалада тюерикдиле, Мени ючюн оноучуланы бла патчахланы алларына элтилликсиз. Алай бла аланы алларында шагъатлыкъ этериксиз.

Марк 3:12

Алай а Исса, ким болгъанын белгили этмезге, алагъа къаты буюрду.

Марк 5:43

Исса алагъа: «Муну бир киши да билмесин, – деп къаты буюрду эмда – Къызгъа аш беригиз», – деди.

Марк 6:11

Эмда сизни ким къабыл этмесе эм сизге тынгыламаса, андан чыгъа туруп, алагъа шагъатлыкъгъа, аякъларыгъыздагъы букъуну къагъып тюшюрюгюз. Кертисин айтама сизге: къыямат кюн ол шахардан эсе Содомгъа бла Гоморагъа тынчыракъ болур», – деди.

Марк 7:36

Исса алагъа муну бир кишиге да айтмазгъа буйрукъ этди. Алай а Ол аланы ненча тыйса да, ала андан да бек хапар жая эдиле.

Марк 8:30

Исса алагъа Кесини юсюнден муну биреуге да айтмазгъа буйрукъ этди.

Марк 9:9

Ала таудан энишге тюшгенде уа, Ол алагъа, кёргенлерин Адам Улу ёлгенледен тиргизилгинчи бир кишиге да айтмазгъа буйрукъ этди.

Лука 17:14

Аланы кёрюп, Ол алагъа: «Барыгъыз, дин къуллукъчулагъа кёрюнюгюз», – деди. Сора ала бара тургъан заманларында тазаланып къалдыла.

Лука 21:13

Бу уа сиз шагъатлыкъ этер ючюн боллукъду.

Лука 4:41

Аны кибик кёпледен жинле да къычырыкъ этип чыгъа эдиле эм: «Сен Аллахны Уланы Масихсе!» – дей эдиле. Ала Аны Масих болгъанын билгенлери себепли уа, Ол алагъа айтыргъа эркинлик бермей эди.

Лука 5:14

Исса анга, муну бир кишиге да айтмазгъа, алай а барып дин къуллукъчугъа кёрюнюрге эм кесини тазаланнганы ючюн адамлагъа шагъатлыкъгъа, Муса буйрукъ этгенча, къурман этерге буюрду.

Лука 8:56

Къызны атасы-анасы сейирсиндиле. Исса уа болуннганы юсюнден бир кишиге да айтмазгъа алагъа буйрукъ этди.

Лука 9:21

Исса уа муну бир кишиге айтмазгъа алагъа къаты буюрду:

Ахия 5:41

Адамладан махтау алмайма.

Ахия 7:18

Кеси-кесинден айтхан кесине махтау излейди; Аны Ийгеннге махтау излеген а тюз ниетлиди, Анда ётюрюк жокъду.

Ахия 8:50

Алай болгъанлыкъгъа Мен Кесиме махтау излемейме; Излеучю, хукму Этиучю барды.