Маттай 7:21 - Сыйлы Инжил бла Забур

²¹ Манга: „Раббий! Раббий!“ деп айтыучуланы бары кирмезле Кёклени Патчахлыгъына, алай а Мени Кёкдеги Атамы буйругъун толтургъан кирликди.

Маттай 7:21 Iomraidhean Croise

Маттай 12:50

Нек десегиз Мени Кёкдеги Атамы буйругъун ким толтурса, олду Манга къарындаш, эгеч, ана», – деди.

Маттай 16:17

Сора Исса анга жууапха: «Жюнюс улу Шимон, сен насыплыса; нек десенг муну санга ачхан адамла тюйюл, Мени кёкледеги Атамды.

Маттай 18:10

Къарагъыз, бу гитчеледен бирин да сан этмей къоймагъыз; нек десегиз кёкледе аланы мёлеклери хар заманда Мени Кёкледеги Атамы бетин кёредиле, деп айтама сизге.

Маттай 18:19

Аны кибик кертисин айтама сизге, жер башында сизден экеулен хар бир ишни юсюнден тилек этерге бирге келишселе, сора, не тилеселе да, Мени Кёкдеги Атамдан алагъа берилир.

Маттай 18:3

«Кертисин айтама сизге, къайтышмасагъыз эмда сабийлеча болмасагъыз, Кёклени Патчахлыгъына кирлик тюйюлсюз.

Маттай 18:35

Сизден хар биригиз да кесини къарындашыны этген терсликлерин таза жюрегинден кечмесе, Мени Кёкдеги Атам да сизге алай этерикди», – деди.

Маттай 19:24

Энтда айтама сизге: бай адамгъа Аллахны Патчахлыгъына киргенден эсе, тюеге ийнени кёзюнден ётген тынчды», – деди.

Маттай 25:10

Ала жау сатып алыргъа кетген заманда уа, киеу келди да хазырла аны бла бирге некях тойгъа кирдиле, эшикле да этилдиле.

Маттай 25:21

Аны бийи анга: „Игиди, ышаннгылы, ахшы къулум! Аз мюлкде тюз болгъанса, сени кёп мюлкге баш этип салырма; бийинги къууанчына къошул“ дегенди.

Маттай 26:39

Аладан бир кесек арлакъ барып, беттёбен аууп, тилек этип: «Атам! Амал бар эсе, бу аякъ Менден кери болсун; алай а Мен сюйгенча тюйюл, Сен сюйгенча болсун», – дей эди.

Маттай 26:42

Дагъыда, экинчи кере арлакъ барып: «Атам! Мен аны ичмей, бу аякъ Менден кери озаргъа амал жокъ эсе, Сени буйругъунг болсун», – деп тилек этди.

Марк 3:35

Нек десегиз Аллахны буйругъун ким толтурса, ол Манга къарындашды, эгечди, анады», – деди.

Марк 9:47

Эм сени кёзюнг сени гюняхха тюшюре эсе, аны чыгъарып ат: эки кёзюнг бла жаханимге атылгъандан эсе, бир кёзюнг бла Аллахны Патчахлыгъына кирсенг игиди санга.

Лука 11:28

Исса уа: «Андан да тюзю, Аллахны сёзюне тынгылап, аны сакълагъанла насыплыдыла», – деди.

Лука 13:25

Юйню Иеси туруп, эшикни этген заманда сиз тышында сюелип, эшикни къагъып: „Бийибиз! Бизге ач!“ деп башларсыз. Ол а сизге жууапха: „Сизни танымайма, къайдансыз сиз?“ деп айтыр.

Лука 18:25

Бай адамгъа Аллахны Патчахлыгъына киргенден эсе, тюеге ийнени кёзюнден ётген тынчды», – деди.

Лука 6:46

«Сиз Манга: „Раббий! Раббий!“ деп, нек айтасыз, Мен сизге айтханны уа этмейсиз?

Ахия 14:7

Сиз Мени танысагъыз эди, Мени Атамы да таныр эдигиз эм мындан арысында Аны таныйсыз, Аны кёргенсиз», – деди.

Ахия 15:23

Мени кёрюп болмагъан Мени Атамы да кёрюп болмайды.

Ахия 3:5

Исса анга: «Кертисин, кертисин айтама санга: суудан бла Сыйлы Нюрден туумагъан адам Аллахны Патчахлыгъына кираллыкъ тюйюлдю.

Ахия 5:17

Исса уа алагъа: «Мени Атам эндиге дери аллай ишле этеди, Мен да этеме», – деди.

Ахия 6:40

Уланны кёрген эм Анга ийнаннган хар адамны ёмюрлюк жашауу болургъа, Мени ийген Атаны буйругъу олду; Мен да аны ахыр кюн тиргизирикме», – деди.

Ахия 7:17

Аны буйругъун этерге сюйген адам бу юйретиуню Аллахдан болгъанын, неда Мен Кесим-Кесимден айтханымы, билликди.

Ишлери 14:22

Ол жерледе сохталаны жюреклерине кёл этдирип, ийманда къаты турургъа тюшюндюрюп эм: «Аллахны Патчахлыгъына кёп инжилиуле бла кирирге керекбиз», – деп юйрете эдиле.

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

Римлилеге 2:13

Нек десегиз Аллахны аллында тюзлюклю болгъанла Законну эшитгенле тюйюлдюле, алай а Законну тутханла тюзге саналлыкъдыла.

Эфеслилеге 6:6

Адамлагъа кёзбау этиучюлеча, жаланда иги жумушчула кибик кёрюнюу бла тюйюл, алай а Масихни къуллары кибик, таза жюрекден Аллахны буйругъун толтуругъуз.

Колослулагъа 4:12

Масих Иссаны къулу, сиз тамамлы болур ючюн эм Аллахны ыразы этген хар затдан толур ючюн, сизни ючюн хар заманда да тилек этип кюрешиучю сизни Эпафрас сизге салам айтады.

I Фесалоникачылагъа 4:3

Нек десегиз Аллах сизни сыйлы болуругъузну эмда сиз саякълыкъдан кесигизни тыярыгъызны сюеди.

I Фесалоникачылагъа 5:18

Хар болумда да шукур этигиз; нек десегиз сиз Масих Иссада тура эсегиз, сизни юсюгюзден Аллахны буйругъу алайды.

Титге 1:16

Ала Аллахны билебиз деп айтадыла; ишлери бла уа Аны инкяр этедиле, жийиргенчли, бойсунмаучу эм бир тюрлю ахшы ишге жараусуз адамладыла.

Чюйютлелеге 13:21

Кесин ыразы этген ишлени Масих Иссаны юсю бла сизде чыгъарып, сиз Аны буйругъун толтурур ючюн, сизни хар тюрлю ахшы ишде тамамлы этсин. Анга ёмюрледен ёмюрлеге махтау болсун! Амин.

Чюйютлелеге 4:6

Алай бла бир къауумла ол ырахатлыкъгъа ишексиз кирликдиле. Алгъын алагъа хайыр хапар билдирилгенле уа, боюн салмагъанлыкълары ючюн, анга кирмегендиле.

Якъуп 1:22

Ол сёзню толтуруучула болугъуз, жаланда тынгылаучула болуп, толтурмай кеслери-кеслерин алдаучула болмагъыз.

I Петер 2:15

Нек десегиз биз, ахшылыкъ этип, акъылсыз жахил адамланы ауузларын тыяргъа, Аллахны буйругъу алайды.

I Петер 4:2

Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.

Билим Ачханы 2:27

Ол аланы темир таякъ бла кютерикди, ала къошун сауутла кибик сынарыкъдыла.

Билим Ачханы 22:14

Аланы жашау терегине эркинликлери болур ючюн эм шахаргъа къабакъла бла кирир ючюн, кеслерини кийимлерин жуугъанла насыплыдыла.

Билим Ачханы 3:5

Хорлагъан акъ кийимле киерикди; аны атын жашауну китабындан кетерлик тюйюлме эм аны атын Атамы аллында бла Аны мёлеклерини аллында ачыкъ айтырыкъма.