Маттай 7:15 - Сыйлы Инжил бла Забур

¹⁵ «Жалгъан файгъамбарладан кесигизни сакълагъыз! Ала сизге къой сыфатда келедиле, ичлери уа жыртхыч бёрюледиле.

Маттай 7:15 Iomraidhean Croise

Маттай 10:17

Адамладан а кесигизни сакълагъыз; нек десегиз ала сизни сюдлеге берликдиле, синагогаларында тюерикдиле.

Маттай 16:11

Фарисейлени бла садукейлени ачытхычларындан кесигизни сакълагъыз деп, Мен сизге ётмеклени юсюнден айтмагъанымы къалай ангыламайсыз?» – деди.

Маттай 16:6

Исса алагъа: «Къарагъыз, фарисейлени бла садукейлени ачытхычларындан кесигизни сакълагъыз!» – деди.

Маттай 24:11

Кёп жалгъан файгъамбарла чыгъарыкъдыла, кёплени жангылтырыкъдыла.

Маттай 7:14

Тар къабакъ бла такъыр жол – жашаугъа элтгенледиле, ол жолну уа азла табадыла».

Лука 12:15

Ол заманда алагъа: «Къарагъыз, хар тюрлю жутлукъдан кесигизни сакълагъыз, нек десегиз адамны ёмюрю аны мюлкюню кёплюгюне къарамайды», – деди.

Лука 6:26

Битеу адамла сизни юсюгюзден ахшы айтхан заманда, сизге палах! Нек десегиз аланы аталары да жалгъан файгъамбарлагъа алай этгендиле».

Ахия 10:12

Жалчы уа, къойланы сюрюучюсю эм иеси болмагъаны себепли, келген бёрюню кёрюп, къойланы къоюп къачады, бёрю да къойланы талап чачады.

Ишлери 13:40

Алай а сакъ болугъуз, файгъамбарланы бу айтханлары сизни башыгъызгъа тюшмесин:

Ишлери 13:6

Битеу айрыкамда Пафха дери айланып, ала Барйешу атлы, хыйнычы эм жалгъан файгъамбар болгъан бир иудейлиге тюбедиле.

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

Эфеслилеге 5:6

Бир киши да сизни бош сёзле бла терилтмесин; нек десегиз бойсунмагъан адамланы юслерине, аллай затла ючюн Аллахны чамланыуу келеди.

Колослулагъа 2:8

Къарындашла, сакъ болугъуз, Масиххе кёре тюйюл, адамланы адетлерине эм бу дунияны башланнгыч жорукъларына кёре, философия бла эм бош терилтиучю сёзле бла сизни бир киши да жесир этмесин.

II Тимотейге 3:13

Огъурсуз адамла бла терсине юйретиучюле уа ажашдыра эм ажаша, амандан аман бола барлыкъдыла.

II Тимотейге 4:3

Нек десенг адамла тюз окъууну эшитирге да сюймеген заман келликди. Ала кеслери кюсеген затланы этип, эшитирге сюйген затларын айтырыкъ устазла, чакъырып, алагъа тынгыларыкъдыла

II Петер 3:17

Ол себепден, сюйюлюннгенле сиз, быланы алгъындан билип, жорукъну тутмагъанланы ажашыуларыны ызындан бармаз ючюн эмда бегимли болгъаныгъыздан таймаз ючюн сакъ болугъуз.

I Ахия 4:1

Сюйюлюннгенле! Хар тюрлю нюрге ийнанып къалмагъыз, алай а нюрлени Аллахдан болгъанларын сынагъыз. Нек де сегиз дунияда кёп жалгъан файгъамбарла чыкъгъандыла.

Яхуда 1:4

Нек десегиз бизни Аллахыбызны шафауатын саякъ жюрюрге сылтаугъа бургъан эм Бийибиз бир Аллах ны да, Раббийибиз Масих Иссаны да къабыл этмеген бир къауум аллахсыз адамла арагъызгъа жашыртын киргендиле. Бу этген ишлери ючюн алагъа сюд этиллиги эрттеден жазылыпды.

Билим Ачханы 16:13

Сора мен аждагъанны ауузундан, жаныуарны ауузундан эм жалгъан файгъамбарны ауузундан чыкъгъан макъалагъа ушаш юч харам нюр кёрдюм.

Билим Ачханы 17:6

Къатын сыйлыланы эм Иссаны шагъатларыны къанларындан эсирип болгъанын кёрдюм эм, аны кёргенде, бек сейирсиндим.

Билим Ачханы 19:20

Сора жаныуар да, аны бла бирге аны аллында сейир илишанла кёргюзтген, ол илишанла бла жаныуарны тамгъасын къабыл этгенлени эм аны суратына баш ургъанланы терилтген жалгъан файгъамбар да тутулдула; ала экиси да саулай, кукурт жаннган от кёлге атылдыла.

Билим Ачханы 20:10

Аланы терилтген ибилис а, от бла кукурт кёлге атыллыкъды; жаныуар бла жалгъан файгъамбар да андадыла. Ала кече да, кюн да ёмюрледен ёмюрлеге азап чегерикдиле.