Маттай 6:6 - Сыйлы Инжил бла Забур

⁶ Сен а, тилек этген заманынгда, отоуунга кир да, эшигинги этип, Ол ташада болгъан Атангдан тилек эт; ташаны кёрюучю Атанг да санга ачыкъ саугъа берир.

Маттай 6:6 Iomraidhean Croise

Забур 34:15

Мен абыннган заманда уа, ала къууаннгандыла эм жыйылгъандыла, манга къажау аман айтыучула жыйылгъандыла, не ючюн этгенлерин билмейме, тохтаусуз аманны къуйгъандыла,

Маттай 14:23

Эмда халкъны ийип, Ол жангызлай, тилек этерге таугъа чыкъды; ингирде Кеси жангыз анда къалды.

Маттай 6:18

Ораза тутханынг адамланы аллында болмай, алай а ташадагъы Атангы аллында болсун; ташаны кёрюучю Атанг да санга ачыкъ саугъа берир».

Маттай 6:4

Алай бла сени садакъанг ташада болсун; ташаны кёрюучю Атанг да санга ачыкъ саугъа берир».

Ахия 1:48

Натанел Анга: «Сен мени къайдан таныйса?» – деди. Исса Анга жууапха: «Филип сени чакъырырдан алгъа, сен инжир терекни тюбюнде болгъан заманда, Мен сени кёргенме», – деди.

Ахия 20:17

Исса анга: «Мени тыйма, нек десенг Мен алыкъа Атама чыкъмагъанма; алай а Мени къарындашларыма бар да, алагъа айт, Мен Кеси Атама эм сизни Атагъызгъа, Кеси Аллахыма эм сизни Аллахыгъызгъа чыгъама», – деди.

Ишлери 10:30

Корнелий анга: «Тёрт кюн мындан алгъа кеси юйюмде бу сагъатха жууукъ тогъузунчу сагъатда тилек эте тура эдим; билмей тургъанлай, мени аллыма жарыкъ кийимли бир киши чыгъып,

Ишлери 10:9

Муну экинчи кюнюнде, ала барып шахаргъа жууукълашханда, Петер, алтынчы сагъатха жууукъ кезиуде, тилек этерге юйню башына чыкъды.

Ишлери 9:40

Петер барын да тышына чыгъарып, тобукъланып тилек этди; сора ёлюкге айланып: «Табита, тур!» – деди. Ол да кёзлерин ачды эм Петерни кёрюп, олтурду.

Римлилеге 8:5

Нек десегиз гюняхлы табийгъатына кёре жашагъанла ол табийгъат кюсегенни юсюнден ойлашадыла, Нюрге кёре жашагъанла уа Нюр жанындан ойлашадыла.

Эфеслилеге 3:14

Ол себепден, кёкледе да, жерде да хар тюрлю аталыкъ да Андан аталгъан,