Маттай 6:5 - Сыйлы Инжил бла Забур

⁵ «Тилек этген заманынгда да, эки бетлиле синагогалада бла орамланы мюйюшлеринде тохтап, адамланы аллында кёрюнюр ючюн тилек этерге сюйюучюлерича болма. Кертисин айтама сизге, ала кеслерини саугъаларын энди аладыла.

Маттай 6:5 Iomraidhean Croise

Забур 5:2

Раббий, мени сёзлерими къабыл эт, мени сагъышларыма тюшюн.

Маттай 21:22

Тилегигизде ийнанып, не тилесегиз да, аллыкъсыз», – деди.

Маттай 23:13

Сизге палах, дин алимле бла фарисейле, эки бетлиле! Сиз Кёклени Патчахлыгъын адамлагъа жабып турасыз; кесигиз да кирмейсиз, кирирге сюйгенлени да къоймайсыз.

Маттай 23:5

Ала битеу ишлерин адамла кёрюр ючюн этедиле; кеслерини асыраучу жерлерин кенгертедиле, кийимлерини къыйырларына уллу чокайла тагъадыла;

Маттай 23:6

Дагъыда тойлада тёрде олтурургъа, синагогалада алда олтурургъа сюедиле.

Маттай 6:1

«Садакъагъызны адамланы аллында ала кёрсюнле деп этмезге сакъ болугъуз, алайсыз сиз Кёкдеги Атагъыздан саугъа аллыкъ тюйюлсюз.

Маттай 6:16

«Аны кибик, ораза тутхан заманыгъызда да, эки бетлиле кибик, мудах болмагъыз; нек десегиз ала, адамлагъа ораза тутханларын кёргюзтюр ючюн, кеслерини бетлерин мудах кёргюзтедиле. Кертисин айтама сизге, ала кеслерини саугъаларын энди аладыла.

Маттай 6:2

Алай бла, садакъа этген заманынгда, эки бетлиле синагогалада бла орамлада, адамла аланы махтар ючюн этгенлери кибик, айтып айланма. Кертисин айтама сизге: ала кеслерини саугъаларын энди аладыла.

Маттай 9:38

Алай бла, тирликни Иесинден тилегиз, Ол тирлигине ишлеучюле жиберсин», – деди.

Марк 11:25

Сизни кёкледеги Атагъыз да сизни терсликлеригизни кечер ючюн, тилекде тургъан заманыгъызда, кимге не гурушхагъыз бар эсе да, кечигиз.

Марк 12:38

Исса юйретиуюнде алагъа былай айтды: «Дин алимледен кесигизни сакълагъыз! Ала узун кийимле кийип жюрюрге, халкъ жыйылгъан жерледе салам алыргъа,

Лука 11:43

Фарисейле, сизге палах! Синагогалада алда олтурургъа, халкъ жыйылыулада салам алыргъа сюесиз.

Лука 18:1

Аны кибик, умут юзмей хар заманда тилек этип турургъа керекди деп, алагъа бу оюм берген таурухну айтды:

Лука 18:13

Жасакъ жыйыучу уа, узакъда тохтап, кёзюн кёкге кётюрюрге окъуна базынмагъанды, алай а, кесини кёкюрегин тюетюе: „Аллах! Мен гюняхлыгъа жазыкъсын!“ деп тургъанды.

Лука 20:47

Ала башсыз къатынланы юйлерин ашайдыла, кёзбаугъа узун тилек этедиле. Бегирек да уллу терслик аллыкъдыла», – деди.

Лука 6:24

Байла, сизге уа палах! Нек десегиз сиз кесигизни жапсарылыуугъузну энди аласыз.

Ахия 16:24

Эндиге дери сиз Мени атым бла бир зат да тилемегенсиз; тилегиз, алырсыз, сизни къууанчыгъыз тамамлы болсун.

Эфеслилеге 6:18

Хар тюрлю дууа этиу бла эм тилек этиу бла хар заманда Сыйлы Нюрню болушлугъу бла тилек этигиз эм ол мурат бла битеу сыйлыла ючюн да толу чыдамлылыкъ бла тилек этип, сагъайып туругъуз.

I Фесалоникачылагъа 5:17

Тохтаусуз тилек этигиз.

Якъуп 4:6

Алай а Аллах бизге уллу шафауатны андан кёп береди; ол себепден: «Аллах ёхтемлеге къажауду, сабырлагъа уа шафауат береди», – деп айтылгъанды.