Маттай 6:4 - Сыйлы Инжил бла Забур

⁴ Алай бла сени садакъанг ташада болсун; ташаны кёрюучю Атанг да санга ачыкъ саугъа берир».

Маттай 6:4 Iomraidhean Croise

Забур 139:12

Аман тилли адам жер башында бегирик тюйюлдю, зулмучуну аманлыгъы кесине жетерикди эмда аны жоярыкъды.

Забур 17:3

Раббий мени къаламды эм ышыгъымды, мени къутхарыучумду; мени Аллахым, мени къаямды, мен Анга ышанама; мени къоруулаучумду, мени къутхарыучу мюйюзюм эм мени бегиген жерим Олду.

Маттай 10:42

Сохталыгъы ючюн бу гитчеледен бирине жаланда бир аякъ сууукъ суу ким ичирсе, кертисин айтама сизге, ол саугъасын алмай къалмаз», – деди.

Маттай 6:18

Ораза тутханынг адамланы аллында болмай, алай а ташадагъы Атангы аллында болсун; ташаны кёрюучю Атанг да санга ачыкъ саугъа берир».

Маттай 6:3

Сени уа, садакъа этген заманынгда, онг къолунгу не этгенин сол къолунг билмесин,

Маттай 6:6

Сен а, тилек этген заманынгда, отоуунга кир да, эшигинги этип, Ол ташада болгъан Атангдан тилек эт; ташаны кёрюучю Атанг да санга ачыкъ саугъа берир.

Лука 14:14

Сора ала санга къайтаралмагъанлары ючюн, насыплы боллукъса, нек десенг санга тюзлюклюлени тиргизилиуюнде къайтарылыр», – деди.

Лука 8:17

Нек десегиз ачыкъ болмазлыкъ таша зат жокъду, не белгили болмазлыкъ эм билинмезлик жашырылгъан зат да жокъду.

I Коринфлилеге 4:5

Ол себепден, Раббий келгинчи, замандан алгъа бир тюрлю сюд да этмегиз. Ол а къарангыда жашырылгъанланы жарыкъгъа чыгъарыр эм адамланы жюреклериндеги ниетлерин ачыкъ этер. Ол заманда уа хар кимге да махтау Аллахдан болур.

Чюйютлелеге 4:13

Эм жаратылгъанлада Аллахдан жашырылгъан зат жокъду, алай а Аны кёзлерини аллында хар неда жаланды эм ачыкъды: Анга жууап берликбиз.

Яхуда 1:24

Сизни тентиреуден сакълаяллыкъ эм Кесини махтаууну аллына айыпсыз этип къууанч бла салаллыкъ,

Билим Ачханы 2:23

Аны сабийлерин да ёлюм бла къырлыкъма эм Мен адамланы жюреклерин бла кёллериндегин сынаучу болгъанымы битеу жамауатла ангыларла эм сизни хар биригизге да этген ишлеригизге кёре тийишлисин берирме.