Маттай 6:30 - Сыйлы Инжил бла Забур

³⁰ Бюгюн бар болгъан, тамбла уа отха атыллыкъ, аулакъда ёсген хансны Аллах алай кийиндире эсе, сизни уа бегирек кийиндирмезми, эй, ийнаныулары азла?

Маттай 6:30 Iomraidhean Croise

Маттай 14:31

Исса олсагъат къолун узатып, аны тутуп, анга: «Ийнаныуу аз! Нек ишеклендинг?» – деди.

Маттай 16:8

Аны билип, Исса алагъа: «Ётмек алмагъанбыз деп, ичигизден нек ойлашасыз, ийнаныулары азла?

Маттай 17:17

Исса уа жууап эте: «Эй иймансыз, бузукъ тукъум! Сизни бла къачаннга дери турлукъма? Сизге къачаннга дери тёзерикме? Жашны Манга бери келтиригиз!» – деди.

Маттай 8:26

Исса алагъа: «Сиз былай къоркъакъ нексиз, ийнаныулары азла?» – деди. Андан сора туруп желни да, кёлню да тыйды, сора терен шошлукъ болду.

Марк 4:40

Сора алагъа: «Сиз былай къоркъакъ нексиз? Сизни ийнаныуугъуз къалай жокъду?» – деди.

Марк 9:19

Исса, анга жууап эте: «Эй иймансыз тукъум! Сизни бла къачаннга дери турлукъма? Сизге къачаннга дери тёзерикме? Жашны Манга келтиригиз», – деди.

Лука 12:28

Бюгюн бар болгъан, тамбла уа отха атыллыкъ, аулакъда ёсген хансны Аллах алай кийиндире эсе, сизни уа бегирек да кийиндирир, эй ийнаныулары азла!

Лука 9:41

Исса уа жууап эте: «Эй иймансыз, бузукъ тукъум! Сизни бла къачаннга дери болуп, сизге тёзюп турлукъма? Жашынгы бери келтир!» – деди.

Ахия 20:27

Андан сора Томагъа: «Бармагъынгы узат да, къолларыма къара; къолунгу узат да, къабыргъама сал. Ийнанмаучу болма да, ийнаныучу бол!» – деди.

Чюйютлелеге 3:12

Сакъ болугъуз, къарындашла, сизден биреуде да жашау бериучю Аллахдан тайгъан харам эм иймансыз жюрек болмасын.

I Петер 1:24

Нек десегиз «хар тюрлю чарх ханс кибикди, адамны хар тюрлю махтауу да хансда гюл кибикди. Ханс къуруйду, аны гюлю да агъады;