Маттай 6:20 - Сыйлы Инжил бла Забур

²⁰ Алай а кесигизге хазналаны кёкде жыйыгъыз. Анда не кюе, не тотлукъ къурутмайды, анда гудучула тюбюнден къазмайдыла эм урламайдыла.

Маттай 6:20 Iomraidhean Croise

Маттай 19:21

Исса анга: «Тамам болургъа сюе эсенг, бар, мюлкюнгю сат да, ахчасын факъырлагъа юлеш; алай бла сени хазнанг кёкледе болур. Сора кел, Мени ызымдан жюрю», – деди.

Маттай 6:19

«Жер башында кесигизге хазнала жыймагъыз; мында кюе бла тотлукъ къурутады эмда гудучула кирип урлайдыла.

Марк 10:21

Исса, анга сюйюп къарап: «Санга бир зат жетишмейди: бар, битеу болгъан затынгы сат да, ахчасын жарлылагъа юлеш; алай бла сени хазнанг кёкледе болур. Сора кел, къачынгы алып, Мени ызымдан жюрю», – деди.

Лука 12:33

Мюлклеригизни сатыгъыз да садакъа беригиз. Эски болмазлыкъ бохчаланы, тауусулмазлыкъ хазнаны кесигизге кёкледе хазырлагъыз, ары уа гудучу жууукълашмайды, анда кюе да ашамайды.

Лука 18:22

Муну эшитип, Исса анга: «Энтда бир зат жетишмейди санга: битеу болгъан затынгы сат да, (ахчасын) факъырлагъа юлеш, алай бла сени хазнанг кёкледе болур. Сора кел да, Мени ызымдан жюрю», – деди.

I Тимотейге 6:17

Бу ёмюрде байлагъа айтып ангылат, ала кеслерин уллудан кёрмесинле эм ышаннгысыз байлыкъларына ышанмасынла, алай а бизге зауукълукъгъа хар затны да эркин берген жашау бериучю Аллахха ышансынла.

I Тимотейге 6:19

Алай бла кеслерине келлик заманнга бегимли мурдор боллукъ хазна жыярла эм аны бла ёмюрлюк жашаугъа жетерле.

Чюйютлелеге 10:34

Нек десегиз сиз мени тутмакълыгъыма да жарсыгъан эдигиз эм сизни кёкледе эм ахшы, ёмюрлюк мюлкюгюз болгъанын билип, сизни мюлкюгюзню чачханларын окъуна къууанч бла къабыл этген эдигиз.

Чюйютлелеге 11:26

Эм Мисирни хазналарындан эсе, Масих ючюн ыйлыкъдырылгъанын кесине уллу байлыкъгъа санагъанды; нек десегиз ол аллыкъ саугъасына къарагъанды.

Якъуп 2:5

Тынгылагъыз, сюйюлюннген къарындашларым: Аллах бу дунияны жарлыларын, ала ийман бла бай болуп, Аны сюйгенлеге берирге айтхан Патчахлыкъдан юлюшлю болсунла деп сайламагъанмыды?

I Петер 1:4

Бузулмазлыкъ, айыпсыз, чиримезлик мюлк юлюшге жетдиргенди. Ол мюлк юлюш сизге кёкледе сакъланады.

I Петер 5:4

Сюрюучюлени Башчысы келген заманда уа, сиз мууал болмазлыкъ махтау таж алырсыз.

Билим Ачханы 2:9

„Сени ишлеринги, азап чекгенинги эм жарлылыгъынгы билеме. Алай а сен байса! Кеслерини юслеринден, биз иудейлилебиз деп, сизге аман айтханланы да билеме. Ала иудейли тюйюлдюле, шайтанны жыйымдыгъыдыла.