Маттай 6:2 - Сыйлы Инжил бла Забур

² Алай бла, садакъа этген заманынгда, эки бетлиле синагогалада бла орамлада, адамла аланы махтар ючюн этгенлери кибик, айтып айланма. Кертисин айтама сизге: ала кеслерини саугъаларын энди аладыла.

Маттай 6:2 Iomraidhean Croise

Забур 112:9

Къаратонну, сабийлерине къууаннган ана этип, юйге жерлешдиреди. Халелуя!

Забур 37:21

Ахшылыгъым ючюн манга аманлыкъ этгенле да, мен ахшылыкъ этерге кюрешгеним ючюн, манга къажау турадыла.

Маттай 15:7

Эки бетлиле! Сизни юсюгюзден Иешая файгъамбар тюз айтханды:

Маттай 16:3

Эрттенликде да: „Кёк къаралдым-къызгъыл болгъаннга кёре, бюгюн жауунлу боллукъду“ дейсиз. Эки бетлиле! Кёкню бетин айырып таный билесиз, заманланы илишанларын а билалмаймысыз?

Маттай 22:18

Исса уа, аланы аман ниетлерин билип: «Нек сынайсыз Мени, эки бетлиле?

Маттай 23:5

Ала битеу ишлерин адамла кёрюр ючюн этедиле; кеслерини асыраучу жерлерин кенгертедиле, кийимлерини къыйырларына уллу чокайла тагъадыла;

Маттай 23:6

Дагъыда тойлада тёрде олтурургъа, синагогалада алда олтурургъа сюедиле.

Маттай 24:51

Аны тюйюп ырмах этер, сора аны эки бетлиле бла бир болумгъа салыр. Анда уа жиляу бла тишлени къыжылдатыу болур».

Маттай 5:18

Нек десегиз кертисин айтама сизге: кёк бла жер жокъ болгъунчу, бары да толгъунчу, Тауратдан бир тамгъачыкъ неда бир сызлыкъ жокъ болмаз.

Маттай 6:16

«Аны кибик, ораза тутхан заманыгъызда да, эки бетлиле кибик, мудах болмагъыз; нек десегиз ала, адамлагъа ораза тутханларын кёргюзтюр ючюн, кеслерини бетлерин мудах кёргюзтедиле. Кертисин айтама сизге, ала кеслерини саугъаларын энди аладыла.

Маттай 6:3

Сени уа, садакъа этген заманынгда, онг къолунгу не этгенин сол къолунг билмесин,

Маттай 6:5

«Тилек этген заманынгда да, эки бетлиле синагогалада бла орамланы мюйюшлеринде тохтап, адамланы аллында кёрюнюр ючюн тилек этерге сюйюучюлерича болма. Кертисин айтама сизге, ала кеслерини саугъаларын энди аладыла.

Маттай 7:5

Эки бетли! Алгъа кесинги кёзюнгден томуроуну чыгъар, сора къарындашынгы кёзюнден бутакъчыкъны къалай чыгъарыргъа ол заманда кёрюрсе.

Марк 12:39

Синагогалада алда олтурургъа, тойлада тёрде олтурургъа сюедиле.

Марк 7:6

Ол алагъа жууапха: «Сиз эки бетлилени юсюгюзден Иешая файгъамбар тюз айтханды: „Бу халкъ Манга ауузу бла хурмет этеди, аланы жюреклери уа Менден узакъды.

Лука 11:41

Андан эсе, сизде болгъан затдан садакъа беригиз: ол заманда сизни хар затыгъыз да таза болур.

Лука 11:43

Фарисейле, сизге палах! Синагогалада алда олтурургъа, халкъ жыйылыулада салам алыргъа сюесиз.

Лука 12:33

Мюлклеригизни сатыгъыз да садакъа беригиз. Эски болмазлыкъ бохчаланы, тауусулмазлыкъ хазнаны кесигизге кёкледе хазырлагъыз, ары уа гудучу жууукълашмайды, анда кюе да ашамайды.

Лука 12:56

Эки бетлиле! Жерни бла кёкню бетин таныргъа билесиз, бу заманны уа къалай ангыламайсыз?

Лука 13:15

Раббий анга жууапха: «Эки бетли! Сизден хар биригиз да кесини ёгюзюн неда эшегин шабат кюн куудушдан тешип, суу ичирирге элтмеймиди?

Лука 20:46

«Дин алимледен кесигизни сакълагъыз! Ала узун кийимле кийип жюрюрге, халкъ жыйылгъан жерледе салам алыргъа, синагогалада алда, тойлада тёрде олтурургъа сюедиле.

Лука 6:24

Байла, сизге уа палах! Нек десегиз сиз кесигизни жапсарылыуугъузну энди аласыз.

Лука 6:42

Неда, сен кесинги кёзюнгде томуроуну кёрмеген заманда къарындашынга: „Къарындашым! Эркинлик бер, мен сени кёзюнгден бутакъчыкъны чыгъарайым“ деп айтыргъа къалай болаллыкъса? Эки бетли! Алгъа кесинги кёзюнгден томуроуну чыгъар, сора къарындашынгы кёзюнден бутакъчыкъны къалай чыгъарыргъа ол заманда кёрюрсе».

Ахия 13:29

Иудада ахча кюбюрчек болгъаны себепли уа, бир къауумла Исса анга: «Байрамгъа бизге керекли затны сатып ал» неда «Жарлылагъа бир зат бер», – деп айтхан суна эдиле.

Ахия 5:41

Адамладан махтау алмайма.

Ахия 5:44

Сиз бир-биригизден махтау аласыз, бир Аллахдан болгъан махтауну уа излемейсиз, сора сиз Манга къалай ийнаналлыкъсыз?

Ахия 7:18

Кеси-кесинден айтхан кесине махтау излейди; Аны Ийгеннге махтау излеген а тюз ниетлиди, Анда ётюрюк жокъду.

Ишлери 10:2

Ол дин ахлу битеу юйюрю бла бирге Аллахдан къоркъгъан бир адам эди. Ол, халкъгъа кёп садакъа бериучю эди эм дайым Аллахдан тилек этиучю эди.

Ишлери 10:31

Манга: „Корнелий! Сени тилегинг къабыл болгъанды, садакъаларынгы да Аллах эсгергенди.

Ишлери 10:4

Корнелий а аны кёргенде къоркъуп: «Неди, Раббий?» – деди. Мёлек анга жууапха: «Сени тилеклеринг бла садакъаларынг эсгерилип Аллахны аллына чыкъгъандыла.

Ишлери 11:29

Ол заманда сохтала хар ким онгуна кёре, Иудеяда жашагъан къарындашлагъа болушлукъ иерге бегим этдиле.

Ишлери 24:17

Кёп жылладан сора, мен халкъыма садакъа эм къурман келтирир ючюн, Иерусалимге келгенме.

Ишлери 9:36

Яффада, Табита атлы бир сохта тиширыу бар эди. Аны атыны магъанасы маралды. Ол кёп хайыр иш этген эм кёп садакъа берген тиширыу эди.

Римлилеге 12:8

Насийхатчы эсе, насийхат берсин; юлешиучю эсе, чомартлыкъ бла юлешсин; башчы эсе, кёл салып башчылыкъ этсин; мархамат этиу фахмусу болгъан муну жарыкъ кёллюлюк бла этсин.

I Коринфлилеге 13:3

Эмда мен, битеу мюлкюмю садакъа этип юлешсем да эм чархымы кюйдюрюрге берсем да, сюймеклигим жокъ эсе уа, андан манга бир тюрлю файда жокъду.

Галатиялылагъа 2:10

Бизден жаланда жарлыланы унутмазыбызны тилегендиле, мен да аны тамам этерге кюрешгенме.

Эфеслилеге 4:28

Урлагъан адам энди урламасын. Андан эсе, кесини къоллары бла хайыр этип, урунсун, керекли болгъан адамгъа да берир заты болсун.

I Фесалоникачылагъа 2:6

Адамладан махтау излемейбиз – не сизден, не башхаладан.

I Тимотейге 6:18

Ала ахшылыкъ этип, хайырлы ишле бла бай болсунла, чомарт эм илеш болсунла.

Филимоннга 1:7

Сени сюймеклигингден биз уллу къууанч эм жапсарылыу алгъанбыз; нек десенг, къарындаш, сен сыйлыланы жюреклерин ырахатландыргъанса.

Чюйютлелеге 13:16

Ахшылыкъ этиуню эм бир-биригиз бла бирикмекликни унутмагъыз; нек десегиз аллай къурманла Аллахны ыразы этедиле.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.