Маттай 6:16 - Сыйлы Инжил бла Забур

¹⁶ «Аны кибик, ораза тутхан заманыгъызда да, эки бетлиле кибик, мудах болмагъыз; нек десегиз ала, адамлагъа ораза тутханларын кёргюзтюр ючюн, кеслерини бетлерин мудах кёргюзтедиле. Кертисин айтама сизге, ала кеслерини саугъаларын энди аладыла.

Маттай 6:16 Iomraidhean Croise

Забур 35:13

Ма, законсузлукъ этиучюле жыгъылгъандыла, тюбюне атылгъандыла эмда къобаргъа болалмайдыла!

Маттай 6:1

«Садакъагъызны адамланы аллында ала кёрсюнле деп этмезге сакъ болугъуз, алайсыз сиз Кёкдеги Атагъыздан саугъа аллыкъ тюйюлсюз.

Маттай 6:2

Алай бла, садакъа этген заманынгда, эки бетлиле синагогалада бла орамлада, адамла аланы махтар ючюн этгенлери кибик, айтып айланма. Кертисин айтама сизге: ала кеслерини саугъаларын энди аладыла.

Маттай 6:5

«Тилек этген заманынгда да, эки бетлиле синагогалада бла орамланы мюйюшлеринде тохтап, адамланы аллында кёрюнюр ючюн тилек этерге сюйюучюлерича болма. Кертисин айтама сизге, ала кеслерини саугъаларын энди аладыла.

Марк 2:18

Ахияны бла фарисейлени сохталары ораза тута эдиле. Иссагъа келип: «Ахияны бла фарисейлени сохталары ораза тутадыла, Сени сохталарынг а ораза нек тутмайдыла?» – дедиле.

Лука 18:12

Ыйыкъдан эки кере ораза тутама, битеу алгъан хайырымдан он юлюшден бирин береме“ деп тилек этгенди.

Лука 2:37

Сексен тёрт жыллыкъ башсыз къатын эди. Ол, табыныучу юйден кетмей, ораза тутуп, тилек этип, кече да, кюн да Аллахха къуллукъ эте эди.

Ишлери 10:30

Корнелий анга: «Тёрт кюн мындан алгъа кеси юйюмде бу сагъатха жууукъ тогъузунчу сагъатда тилек эте тура эдим; билмей тургъанлай, мени аллыма жарыкъ кийимли бир киши чыгъып,

Ишлери 14:23

Хар жамауатда алагъа таматала сайлагъандан сора, ораза бла тилек этип, ала ийнаннган Раббийге аланы аманат этип кетдиле.

I Коринфлилеге 7:5

Ыразылыкъ бла, бир кесек заманнга, ораза тутар эм тилек этер ючюн болмаса, бир-биригизден артха турмагъыз; андан сора уа, сизни тыйгъысызлыгъыгъыз бла шайтан сизни терилтмез ючюн, дагъыда бирге болугъуз.

II Коринфлилеге 11:27

Урунуп бек къыйналгъанма, кёп кере жукъусузлукъ, ачлыкъ эм суусаплыкъ сынагъанма. Кёп кере ашсыз эмда сууукълукъда жаланнгач къалгъанма.

II Коринфлилеге 6:5

Тюйюлюуледе, тюрмеледе, къозгъалыулада, урунуулада, жукъусуз кечеледе, ораза тутуулада,