Маттай 5:5 - Сыйлы Инжил бла Забур

⁵ Жууашла насыплыдыла; нек десегиз ала жерни иелери боллукъдула.

Маттай 5:5 Iomraidhean Croise

Забур 147:6

Кесини бузун гыртла этип жаудурады. Аны сууугъуна ким чыдаялыр?

Забур 149:4

Нек десегиз Раббий Кесини халкъын иги кёреди, унукъгъанланы къутхарып махтаулу этеди.

Забур 25:9

Мени жанымы гюняхлыла бла, жашаууму къан ичиучюле бла жойма,

Забур 37:11

Мени жюрегим къалтырайды, мени къарыуум мени атып къойгъанды, мени кёзлерими жарыгъы окъуна жокъду менде.

Забур 37:22

Я Раббий Аллахым, мени атып къойма! Менден узайма!

Забур 37:9

Мен онгсуз болгъанма эм мардасыз бек къайгъыгъа къалгъанма, жюрегими термилиуюнден къычырыкъ этеме.

Маттай 11:29

Мени жюгюмю кётюрюгюз эм Менден юйренигиз; нек десегиз Мен сабыр эм жууаш жюреклиме, сора жанларыгъызгъа тынчлыкъ табарсыз.

Маттай 21:5

«Сионну къызына: „Ма, сени Патчахынг, эшекге, жегилген эшекни гылыууна минип, санга жууашлыкъ бла келеди“ дегиз», – деп айтылгъан сёз толур ючюн болду.

Римлилеге 4:13

Нек десегиз Ибрахимге неда аны урлугъуна дунияны иеси болургъа ант сёз, Тауратны Законуну юсю бла берилмегенди, алай а иймандан келген тюзлюклюлюк бла берилгенди.

Галатиялылагъа 5:23

Жууашлыкъ, кесин тыймакълыкъ. Аллайлагъа къажау закон жокъду.

Эфеслилеге 4:2

Хар тюрлю сабыр акъыллылыкъ бла, жууашлыкъ бла эмда тёзюмлюлюк бла бирбиригизге сюймеклик бла жумушакълыкъ этигиз,

Колослулагъа 3:12

Алай бла, сюйюлюннген сыйлыла, Аллах сайлагъанлача, жумушакъ жюреклиликни, жазыкъсыныулукъну, сабыр акъыллылыкъны, жууашлыкъны, кёп тёзюмлюлюкню юсюгюзге кийигиз.

I Тимотейге 6:11

Сен а Аллахны адамыса, ол затладан къач, алай а тюзлюклюлюкде, Аллахны жолунда, ийманда, сюймекликде, тёзюмлюкде, сабырлыкъда жюрю.

II Тимотейге 2:25

Къажау тургъанланы сабырлыкъ бла тюшюндюрюрге керекди, тобагъа къайтышып, хакъ кертини билирге Аллах алагъа онг берир эсе уа деп.

Титге 3:2

Бир кишиге да аман айтмазгъа, тырманчыла болмазгъа, алай а тынчла болургъа эм битеу адамлагъа хар тюрлю сабырлыкъ этерге ийманлыланы эслерине сал.

Якъуп 1:21

Ол себепден, хар тюрлю харамлыкъны эм аманлыкъны къалгъанын къоюп, сизге орнатылгъан эм сизни жанларыгъызны къутхараллыкъ сёзню жууашлыкъ бла къабыл этигиз.

Якъуп 3:13

Сизде акъылман эм ангылаулу адам ким эсе, аны ёз ишлери бла, ариу халы бла эм сабыр акъылы бла кёргюзтсюн.

I Петер 3:15

Раббий Аллахны жюреклеригизде сыйлы тутугъуз. Сизни Аллахха ышаныуугъузну юсюнден сизге соруп билирге излеген хар адамгъа сабырлыкъ бла эм хурметлик бла жууап берирге хар заманда хазыр болугъуз.

I Петер 3:4

Жууаш эм сабыр халыгъызда, жюрегигиздеги таша адамыгъызны ёмюрде да кетмезлик ариулугъу бла болсун. Ол а Аллахны аллында бек багъалыды.