Маттай 5:44 - Сыйлы Инжил бла Забур

⁴⁴ Мен а сизге айтама: душманларыгъызны сюйюгюз, сизге къаргъыш этгенлеге алгъыш этигиз, сизни кёрюп болмагъанлагъа ахшылыкъ этигиз, сизни жюреклеригизни къыйнагъанла ючюн, сизге зулму этгенле ючюн тилек этигиз.

Маттай 5:44 Iomraidhean Croise

Забур 7:4

Я мени Раббий Аллахым! Мен аман зат этген эсем, мени къолларымда тюзсюзлюк бар эсе,

Лука 23:34

Исса уа: «Ата! Кеч былагъа; была не этгенлерин билмейдиле», – деди. Сора (аскерчиле) Аны кийимлерин чёп атып юлеше эдиле.

Ахия 13:34

Сизге жангы фарыз береме: бир-биригизни сюйюгюз. Мен сизни сюйгеним кибик, сиз да бир-биригизни сюйюгюз.

Ишлери 16:28

Пауул а анга: «Кесинге аманлыкъ этме, биз барыбыз да мындабыз!» – деп уллу къычырды.

Ишлери 7:60

Эмда, тобукъланып, уллу ауаз бла: «Раббий! Бу гюняхны аланы боюнларына салма!» – деди. Сора, муну айтханлай, жан берди.

Римлилеге 12:14

Сизге зулму этгенлеге алгъыш этигиз; алгъыш этигиз, къаргъыш а этмегиз.

I Фесалоникачылагъа 5:15

Сакъ болугъуз, бир киши да аманлыкъгъа аманлыкъ бла жууап этмесин; алай а хар заманда бир-биригизге да эм барына да ахшылыкъны излегиз.

I Петер 2:23

Анга аман айтылгъанда, Ол къайтарып аман айтмагъанды; азап чеге туруп къоркъутмагъанды, алай а Кесин Тюзлюклю Хукмучугъа ышанып бергенди.

I Петер 3:9

Аманлыкъгъа аманлыкъ бла неда аман сёзге аман сёз бла жууап этмегиз. Ол угъай эсенг, алгъыш этигиз; нек десегиз сиз алгъышлы болургъа чакъырылгъансыз.