Маттай 5:37 - Сыйлы Инжил бла Забур

³⁷ Алай а сизни сёзюгюз: „Хау, хау“, „Угъай, угъай“ болсун; андан артыгъы уа хыйлачыданды».

Маттай 5:37 Iomraidhean Croise

Маттай 13:19

Кёклени Патчахлыгъыны юсюнден сёзге тынгылап, ангыламагъан хар адамгъа, хыйлачы келип, аны жюрегине себилгенни алып кетеди: жол жанына себилген ма аны кёргюзтеди.

Маттай 13:38

Сабан – дунияды. Иги урлукъ – Кёклени Патчахлыгъыны уланларыдыла, аман хансла уа – хыйлачыны уланларыдыла.

Маттай 15:19

Нек десегиз аман ниетле, адам ёлтюрюуле, зийна этиуле, тос туруула, урлаула, жалгъан шагъатлыкъла, аман айтыула жюрекден чыгъадыла.

Маттай 5:36

Не башынг бла ант этме, нек десенг бир чач тюгюнгю да акъ неда къара эталлыкъ тюйюлсе.

Маттай 6:13

Эмда бизни терилиуге тюшюрме, алай а бизни хыйлачыдан къутхар; нек десенг Патчахлыкъ да, кюч да, махтау да ёмюрлеге да Сениди. Амин“.

Ахия 17:15

Сен аланы дуниядан ал деп тилек этмейме, алай а Сен аланы аманлыкъдан сакъла деп тилек этеме.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Эфеслилеге 4:25

Ол себепден, ётюрюкню къоюп, хар ким кесини жууугъуна кертини айтыгъыз; нек десегиз биз барыбыз да бир чархны санларыбыз.

Эфеслилеге 6:16

Барындан да бег’а ийманны къоруулаучу сауутун алыгъыз, аны бла уа ибилисни битеу къызгъан окъларын ёчюлтюрге болаллыкъсыз.

Колослулагъа 3:9

Бир-биригизге ётюрюк айтмагъыз, нек десегиз сиз эски адамлыгъыгъызны аны адетлери бла бирге атхансыз

Колослулагъа 4:6

Сизни сёзюгюз туз бла жарашдырылгъанча хар заманда да шафауат бла болсун; алай бла сиз хар кимге да къалай жууап этеригизни билирсиз.

II Фесалоникачылагъа 3:3

Алай а, сизни бегимли этерик эм ибилисден сакъларыкъ Раббий ышаннгылыды.

Якъуп 5:12

Барындан да алгъа уа, къарындашларым, не кёк бла, не жер бла неда башха бир тюрлю ант бла ант этмегиз; алай а сиз терсликге тюшмез ючюн, сизни сёзюгюз «хау, хау» эм «угъай, угъай» болсун.

I Ахия 2:13

Атала, сизге жазама, нек десегиз сиз башланнгандан бери Болуп Тургъанны таныгъансыз. Жашла, сизге жазама, нек десегиз сиз ибилисни хорлагъансыз. Балала, сизге жазама, нек десегиз сиз Атаны таныгъансыз.

I Ахия 3:12

Ибилисден болуп, кесини къарындашын ёлтюрген Къабил кибик болмайыкъ. Аны уа не ючюн ёлтюргенди? Кесини ишлери аман болгъаны ючюн, къарындашыны ишлери уа тюзлюклю болгъаны ючюн ёлтюргенди.

I Ахия 5:18

Аллахдан туугъан адам гюнях этмегенин биз билебиз; алай а Аллахдан туугъан Масих аны сакълайды, ибилис анга тиймейди.