Маттай 5:29 - Сыйлы Инжил бла Забур

²⁹ Сени онг кёзюнг сени гюняхха тюшюре эсе уа, аны тартып ал да кесингден кери ат; нек десенг сени битеу чархынг жаханимге атылгъандан эсе, сени санларынгдан бири жоюлгъаны игиди санга.

Маттай 5:29 Iomraidhean Croise

Маттай 10:28

Чархны ёлтюрюучюледен, жанны уа ёлтюрюрге болалмагъанладан къоркъмагъыз; бегирег’а жанны да, чархны да жаханимде жояргъа болаллыкъ Аллахдан къоркъугъуз.

Маттай 11:6

Мени юсюмден ишекленмеген адам насыплыды», – деди.

Маттай 16:26

Адам битеу дунияны алса да, кесини жанына уа заран салса, анга не файда? Неда адам кесини жанын не берип жулалыр?

Маттай 17:27

Алай а биз аланы чамландырмаз ючюн, кёлге барып, ыргъакъ ат эмда алгъа тюшген чабакъны ал; сора, аны ауузун ачып, статир табарса; аны алып, Мени ючюн да, кесинг ючюн да алагъа бер», – деди.

Маттай 19:12

Нек десегиз анасыны къарынындан алай туугъан юйленалмагъан адамла бардыла, башхала аланы алай этген юйленалмагъан адамла да бардыла эм кеслери-кеслерин Кёклени Патчахлыгъы ючюн алай этген адамла да бардыла. Сыйындыраллыкъ адам сыйындырсын», – деди.

Маттай 23:15

Сизге палах, дин алимле бла фарисейле, эки бетлиле! Бир да болмаса да биреуню динигизге ауушдурур ючюн, жерде бла тенгизде айланасыз; ол ауушса уа, аны кесигизден эки кере аман, жаханимлик этесиз.

Маттай 23:33

Жилянла! Уу жилянланы туудукълары! Сизни жаханимге тюшюрлюк хукмудан сиз къачып къалай къутулурсуз?

Маттай 5:22

Мен а сизге: кесини къарындашына керексиз ачыуланнган хар адамгъа, сюд этилирге тийишлиди деп айтама; кесини къарындашына: „Ракъа“, деген адам а синедрионнга тийишлиди; „Акъылсыз“ деген адам а жаханим отуна тийишлиди.

Маттай 5:30

Сени онг къолунг сени гюняхха тюшюре эсе, аны, уруп тюшюр да, кесингден кери ат; нек десенг сени битеу чархынг жаханимге атылгъандан эсе, сени санларынгдан бири жоюлгъаны игиди санга.

Марк 8:36

Адам битеу дунияны алса да, кесини жанына уа заран салса анга не файда?

Лука 12:5

Алай а кимден къоркъуругъузну сизге айтайым: ёлтюргенден сора жаханимге салаллыкъ (Аллахдан) къоркъугъуз, кертиси да, сизге айтама, Андан къоркъугъуз!

Римлилеге 6:6

Биз энди гюняхны къуллары болмайыкъ деп, гюняхлы чархларыбыз къорар ючюн бизни эски жашауубуз Масих бла бирге къачха керилгенин билебиз.

Римлилеге 8:13

Нек десегиз гюняхлы табийгъатыгъызгъа кёре жашай эсегиз, ёллюксюз; гюняхлы чархыгъызны этген ишлерин Сыйлы Нюрню болушлугъу бла ёлю эте эсегиз а, жашарыкъсыз.

I Коринфлилеге 9:27

Алай а, башхалагъа ууаз берип, кесим а тийишлисиз къалмаз ючюн, чархымы бойсундурама эм къул этеме.

Галатиялылагъа 5:24

Масихникиле уа, кеслерини гюняхлы табийгъатларын кюсеулери бла эм итиниулери бла бирге къачха кергендиле.

Колослулагъа 3:5

Алай бла, бу дуниядагъы гюняхлы санларыгъызны ишлерин: саякълыкъны, харамлыкъны, тыйгъысызлыкъны, аман кюсеулени эмда ол идолгъа табыныу болгъан жутлукъну ёлю этигиз.