Маттай 5:19 - Сыйлы Инжил бла Забур

¹⁹ Алай бла, бу эм гитче фарызладан бирин кеси бузуп, адамланы алай ким юйретсе, ол Кёклени Патчахлыгъында эм гитчеге саналыр; аланы кеси толтуруп ким юйретсе уа, ол Кёклени Патчахлыгъында уллугъа саналыр.

Маттай 5:19 Iomraidhean Croise

Забур 119:6

Мени жаным жарашыулукъну кёрюп болмагъанла бла кёп тургъанды.

Маттай 11:11

Кертисин айтама сизге: къатынладан туугъанладан сууда Кёмюлдюрюучю Ахиядан уллу чыкъмагъанды; алай а Кёклени Патчахлыгъында эм гитче андан уллуду.

Маттай 19:28

Исса уа алагъа: «Кертисин айтама сизге: сиз, Мени ызымдан тебирегенле, дунияны жангыргъанында, Адам Улу Кесини махтаулу тахтасына олтургъан заманында, сиз да онеки тахтада, Израильни онеки тукъумуна сюд этерге олтурлукъсуз;

Маттай 20:26

Сизни арагъызда уа алай болмасын: сизни арагъызда уллу болургъа ким сюе эсе да, сизге жумушчу болсун;

Маттай 28:20

Битеу Мен сизге буюргъанны тутаргъа аланы юйретигиз; ма, Мен, бу ёмюрню ахырына дери хар кюн да сизни блама», – деди. Амин.

Лука 1:15

Нек десенг ол Раббийни аллында уллу боллукъду, чагъыр эм эсиртиучю ичги ичерик тюйюлдю, анасыны къарынында заманындан окъуна Сыйлы Нюрден толлукъду.

Лука 11:42

Алай а сизге, эй фарисейле, палах! Сиз дугъумадан, рутадан эм хар тюрлю тахта кёгетледен зекят бересиз, тюзлюкге бла Аллахны сюймекликге уа эс бурмайсыз. Быланы этерге, аланы да къоймазгъа керек эди.

Лука 9:48

Алагъа: «Бу сабийни Мени атым ючюн ким къабыл этсе, ол Мени къабыл этеди. Мени къабыл этген адам а, Мени Ийгенни къабыл этеди. Ол себепден, сизден барыгъыздан да эм гитче ким эсе да, ол эм уллу боллукъду», – деди.

Ишлери 1:1

Биринчи китапны, Теофил, мен санга башындан башлап Иссаны Кеси сайлагъан абустоллагъа Сыйлы Нюр бла буйрукъ берип, кёкге чыкъгъан кюнюне дери,

Римлилеге 3:8

Сора бир къауумла бизге аман айтып, сиз алай юйретесиз деп айтханлары кибик, биз аманлыкъмы этейик андан ахшылыкъ чыкъсын деп? Аллайлагъа тюзлюклю сюд этилликди.

Римлилеге 6:1

Сора не айтайыкъ? Аллахны шафауаты кёп болур ючюн, биз гюняхдамы къалайыкъ? Чыртда угъай!

Римлилеге 6:15

Сора не айтайыкъ? Биз, Законну буйругъунда тюйюл, Раббийни шафауатыны оноуунда болгъаныбыз ючюн, гюняхмы этейик? Чыртда угъай!

I Тимотейге 6:11

Сен а Аллахны адамыса, ол затладан къач, алай а тюзлюклюлюкде, Аллахны жолунда, ийманда, сюймекликде, тёзюмлюкде, сабырлыкъда жюрю.

Титге 3:8

Бу сёз ышаннгылыды. Аллахха ийман салгъанла ахшы ишле этерге къадалыучула болур ючюн, сен бу затланы билдирип бегитиринги сюеме. Бу затла игидиле эм адамлагъа хайырлыдыла.

I Петер 5:4

Сюрюучюлени Башчысы келген заманда уа, сиз мууал болмазлыкъ махтау таж алырсыз.

I Ахия 3:4

Гюнях этген хар адам законсузлукъ этеди; гюнях законсузлукъду.

Билим Ачханы 2:20

Алай а санга къажау айтыр затым да барды: сен кесине файгъамбар атагъан къатын Изабелни, Мени къулларымы саякълыкъ этерге эм идоллагъа этилген къурманланы этлерин ашаргъа юйретирге эм ажашдырыргъа бошлап къояса.