Маттай 5:16 - Сыйлы Инжил бла Забур

¹⁶ Сизни жарыгъыгъыз да адамланы алларында, ала сизни ахшы ишлеригизни кёрюп, сизни Кёкдеги Атагъызгъа махтау салырча, алай жарытсын».

Маттай 5:16 Iomraidhean Croise

Маттай 23:5

Ала битеу ишлерин адамла кёрюр ючюн этедиле; кеслерини асыраучу жерлерин кенгертедиле, кийимлерини къыйырларына уллу чокайла тагъадыла;

Маттай 23:9

Жер башында бир кишиге да атабыз деп айтмагъыз; нек десегиз сизни Атагъыз жангыз бирди, Ол а кёкледеди.

Маттай 5:45

Алай этсегиз, сиз Кёкдеги Атагъызны уланлары болурсуз; нек десегиз Ол Кесини кюнюне, огъурсузлагъа да, огъурлулагъа да жарытыргъа буюрады, тюзлюклюлеге да тюзлюксюзлеге да жауун береди.

Маттай 6:16

«Аны кибик, ораза тутхан заманыгъызда да, эки бетлиле кибик, мудах болмагъыз; нек десегиз ала, адамлагъа ораза тутханларын кёргюзтюр ючюн, кеслерини бетлерин мудах кёргюзтедиле. Кертисин айтама сизге, ала кеслерини саугъаларын энди аладыла.

Маттай 6:9

Тилек а былай этигиз: „Эй, Кёкледеги Атабыз! Сени атынг сыйлы тутулсун.

Маттай 9:8

Халкъ а, аны кёрюп, сейирсинип, адамлагъа аллай эркинликни берген Аллахха махтау салдыла.

Лука 11:2

Ол алагъа: «Тилек этген заманыгъызда былай айтыгъыз: „Эй кёкледеги Атабыз! Сени атынг сыйлы тутулсун, Сени Патчахлыгъынг келсин, кёкде кибик, жерде да Сени буйругъунг болсун.

Ахия 15:8

Сиз кёп битим келтирсегиз эм Мени сохталарым болсагъыз, аны бла Мени Атам махтаулу боллукъду.

Ишлери 9:36

Яффада, Табита атлы бир сохта тиширыу бар эди. Аны атыны магъанасы маралды. Ол кёп хайыр иш этген эм кёп садакъа берген тиширыу эди.

I Коринфлилеге 14:25

Алай бла, аны жюрек тасхалары ачыкъ болурла; сора ол энишге аууп, Аллахха сежда этер эм: «Аллах кертиси да сизни арагъыздады!» – деп айтыр.

II Коринфлилеге 9:13

Нек десегиз адамла бу къуллукъ этиуню сынамын кёрюп, сиз Масихни Хайыр Хапарын ачыкъ къабыл этип, анга боюн салгъаныгъыз ючюн эм таза жюрекден алагъа эм барысына этген чомартлыгъыгъыз ючюн Аллахха махтау саладыла.

Галатиялылагъа 1:24

Ала мени ючюн Аллахха махтау сала эдиле.

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Эфеслилеге 5:8

Сиз бир заманлада къарангылыкъ эдигиз, энди уа Раббийде жарыкъсыз. Жарыкъны сабийлерича жашагъыз.

I Фесалоникачылагъа 2:12

Биз сизден, сизни Кесини Патчахлыгъына эм махтаууна чакъыргъан Аллахха тийишли жашарыгъызны жалбарып тилеген эдик, сизни кёллендирип ийнандыргъан эдик.

I Тимотейге 2:10

Алай а, Аллахны жолунда жюрюйбюз деп шагъатлыкъ этген тиширыулагъа тийишлисича, кеслерин хайырлы ишле бла ариу этсинле.

I Тимотейге 5:10

Сабийлерин ёсдюрген эсе, къонакъбайлыкъ этген эсе, сыйлыланы аякъларын жуугъан эсе, къыйынлыкъда жашагъанлагъа болушхан эсе эм хар тюрлю ахшы ишни къадалып этген эсе, аны аты башсыз къатынланы дефтерине жазылсын.

I Тимотейге 5:25

Аны кибик ахшы ишле да ачыкъдыла; алай тюйюл эселе да, жашырылып къалыргъа болаллыкъ тюйюлдюле.

I Тимотейге 6:18

Ала ахшылыкъ этип, хайырлы ишле бла бай болсунла, чомарт эм илеш болсунла.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Титге 2:7

Хар не жаны бла да кесингде ахшы ишле бла юлгю кёргюзт, устазлыгъынгда таза ниетли, тийишли, бузукъсуз бол.

Титге 3:14

Ийманлыланы жашаулары хайырсыз болмаз ючюн, аланы ахшылыкъ этерге, башхаланы эм керекли затларын тындырыргъа юйрет.

Титге 3:4

Бизни Къутхарыучубуз Аллахны ахшылыгъы эм адам сюймеклиги келген заманда уа,

Чюйютлелеге 10:24

Бир-бирибизни сюймекликге бла хайырлы ишлеге итиндириуге эс бериучюле болайыкъ.

I Петер 2:12

Эм ийнанмагъан адамланы арасында жашауугъузну хайырлы ишле бла бардырыгъыз, сизге аманлыкъчылагъача аман сёзле айтханла, сизни хайырлы ишлеригизни кёрюп, алагъа жууукълашхан кюнюнде Аллахха махтау салсынла.

I Петер 2:9

Сиз а сайланнган тукъумсуз, Патчахны дин къуллукъчуларысыз, сыйлы миллетсиз, Аллахны энчи халкъысыз. Сизни къарангылыкъдан Кесини аламат жарыгъына Чакъыргъанны тамамлылыгъын билдирир ючюн сайланнганласыз.

I Петер 3:1

Аны кибик, къатынла, сиз да эрлеригизге боюн салыгъыз; аланы бир-бирлери Аллахны сёзюне тынгыламай эселе да,

I Петер 3:16

Аманлыкъчылагъа кибик, сизге аман айтханла, сизни Масихде огъурлу жашауугъузну айыплагъанла кеслери уялыр ючюн тюз ниетли болугъуз.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.

I Петер 4:14

Масихни аты ючюн сизге аман айта эселе, сиз насыплысыз; нек десегиз махтаулу Нюр, Аллахны Нюрю, сизни юсюгюзде къалады. Ала Анга аман айтадыла, сиз а Аны махтайсыз.