Маттай 5:12 - Сыйлы Инжил бла Забур

¹² Сюйюнюгюз эмда къууанч этигиз; кёкледе сизни аллыкъ саугъагъыз уллуду. Сизден алгъын болгъан файгъамбарлагъа да алай зулму этгендиле».

Маттай 5:12 Iomraidhean Croise

Забур 58:11

Манга мархамат этиучю Аллахым мени аллымда боллукъду. Аллах мени душманларыма къоркъуусуз къаратырыкъды.

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Маттай 6:16

«Аны кибик, ораза тутхан заманыгъызда да, эки бетлиле кибик, мудах болмагъыз; нек десегиз ала, адамлагъа ораза тутханларын кёргюзтюр ючюн, кеслерини бетлерин мудах кёргюзтедиле. Кертисин айтама сизге, ала кеслерини саугъаларын энди аладыла.

Лука 13:34

Эй Иерусалим, файгъамбарланы къырыучу, санга жиберилгенлени ташла бла тюйюп ёлтюрюучю Иерусалим! Къанатлы кесини балаларын къанатларыны тюбюне жыйгъанча, Мен сени сабийлеринги жыяргъа ненча кере изледим, сиз а унамадыгъыз!

Лука 6:23

Ол кюн сюйюнюгюз эмда уллу къууанч этигиз, нек десегиз кёкледе сизни (аллыкъ) саугъагъыз уллуду. Аланы аталары да файгъамбарлагъа алай этгендиле.

Лука 6:35

Сиз а душманларыгъызны сюйюгюз, аладан бир зат да умут этмегенлей, ахшылыкъ да этигиз, ёнгкюч да беригиз. Сора сизге уллу саугъа болур, сиз Аллаху-Тааланы уланлары болурсуз, нек десегиз Ол, игиликни билмегенлеге да, огъурсузлагъа да игиликлиди.

Ишлери 16:25

Кечени арасында Пауул бла Сила тилек этип, зикир айтып, Аллахха махтау сала эдиле; тутмакъла да алагъа тынгылай эдиле.

Ишлери 5:41

Абустолла уа Раббий Иссаны аты ючюн сансыз этилирге тийишли кёрюлгенлерине къууанып, синедриондан кетдиле.

Римлилеге 5:3

Эм жангыз аны бла тюйюл, алай а къыйынлыкъларыбыз бла да махтанабыз. Нек десегиз къыйынлыкъдан тёзюмлюк,

I Коринфлилеге 3:8

Орнатыучу бла сугъарыучу уа бирдиле, алай а хар бири да кесини урунуууна кёре саугъа аллыкъды.

II Коринфлилеге 4:17

Нек десегиз бизни бир кесек заманнга азчыкъ къыйналгъаныбыз бизге мардасыз кёп ёмюрлюк махтау чыгъарады.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

Колослулагъа 3:24

Раббий сизге сакълагъан саугъаны аллыгъыгъызны эсигизде тутугъуз, нек десегиз сиз Раббий Масиххе къуллукъ этесиз.

I Фесалоникачылагъа 2:15

Иудейлиле уа Раббий Иссаны да, файгъамбарланы да ёлтюргендиле, бизни да къыстагъандыла, Аллахны да ыразы этмейдиле, битеу адамлагъа да къажау турадыла.

Чюйютлелеге 10:34

Нек десегиз сиз мени тутмакълыгъыма да жарсыгъан эдигиз эм сизни кёкледе эм ахшы, ёмюрлюк мюлкюгюз болгъанын билип, сизни мюлкюгюзню чачханларын окъуна къууанч бла къабыл этген эдигиз.

Чюйютлелеге 11:26

Эм Мисирни хазналарындан эсе, Масих ючюн ыйлыкъдырылгъанын кесине уллу байлыкъгъа санагъанды; нек десегиз ол аллыкъ саугъасына къарагъанды.

Чюйютлелеге 11:33

Ала ийман бла патчахлыкъланы хорлагъандыла, жашауда тюзлюк этгендиле, ант сёз бла берилгенлени алгъандыла, асланланы ауузларын байлагъандыла,

Чюйютлелеге 11:6

Ийманынг болмаса, Аллахны ыразы этерге амал жокъду. Ол себепден Аллахха жууукълашхан Аны бар болгъанына эм Аны излегенлеге Ол тийишлисин бергенине ийнаныргъа керекди.

Якъуп 1:2

Къарындашларым, тюрлю сыналыулагъа тюшген заманыгъызда, аны уллу къууанч бла къабыл этигиз.

Якъуп 5:10

Къарындашларым, къыйынлыкъ кёрген эм кёп тёзген файгъамбарладан юлгю алыгъыз, ала уа Раббийни аты бла сёлешгендиле.

I Петер 4:13

Алай а сиз Масихни азап чегиулерине къошулгъаныгъыз ючюн къууаныгъыз, Аны аламатлыгъыны ачыкъ кёрюннгенинде да, уллу къууанч этип къууанырыкъсыз.