Маттай 3:6 - Сыйлы Инжил бла Забур

⁶ Кеслерини гюняхларын айтып ачыкъ эте, андан Иордан сууунда кёмюлдюрюле эдиле.

Маттай 3:6 Iomraidhean Croise

Забур 32:5

Ол тюзлюкню, тюз хукмуну сюеди; Раббийни мархаматындан жерни юсю толуду.

Маттай 3:11

Мен сизни тобагъа къайтышханыгъыз себепли сууда кёмюлдюреме, алай а мени ызымдан Келген менден кючлюдю; мен Аны аякъ кийимин элтирге да тийишли тюйюлме; Ол сизни Сыйлы Нюр бла эмда от бла кёмюлдюрлюкдю.

Марк 1:5

Битеу Иудея къыралны халкъы да, Иерусалимлиле да анга келип, бары да кеслерини гюняхларын айтып ачыкъ эте, анга Иордан сууунда кеслерин кёмюлдюрте эдиле.

Лука 1:16

Ол Израильни уланларындан кёбюсюн аланы Раббий Аллахларына къайтарлыкъды.

Лука 3:16

Ахия барына да: «Мен сизни сууда кёмюлдюреме, алай а менден Кючлю келеди, Аны уа мен чарыгъыны бауун тешерге тийишли да тюйюлме. Ол сизни Сыйлы Нюр бла эмда от бла кёмюлдюрлюкдю.

Ишлери 1:5

Нек десегиз Ахия адамланы суу бла кёмюлдюргенди, сиз а бир бёлек кюнден сора Сыйлы Нюр бла кёмюлдюрюллюксюз», – деди.

Ишлери 11:16

Ол заманда Раббийни: „Ахия суу бла кёмюлдюргенди, сиз а Сыйлы Нюр бла кёмюлдюрюллюксюз“ деп айтхан сёзю мени эсиме тюшдю.

Ишлери 19:18

Ийнаннганладан а кёбюсю, келип, этген ишлерин айтып ачыкъ эте эдиле.

Ишлери 22:16

Энди сен не мычыйса? Тур, сууда кёмюлдюрюл да, Раббий Иссаны атын айтып тилек этип, гюняхларынгдан тазалан“ деп айтды.

I Коринфлилеге 10:2

Ала барысы да, булутда бла тенгизде кёмюлдюрюлюп, Муса бла байламлы болгъандыла

Колослулагъа 2:12

Сууда кёмюлдюрюлген заманыгъызда сиз Масихни биргесине кёмюлгенсиз эм ол заманда Аны ёлгенледен тиргизген Аллахны кючюне ийнаныуугъуз бла, сиз Аны бла бирге тиргизилгенсиз.

Чюйютлелеге 6:2

Кёмюлдюрюлюулени, къолланы салыуну, ёлгенлени тиргизилиулерини эмда ёмюрлюк сюдню юсюнден юйретиуден жангыдан мурдор салмайыкъ.

Чюйютлелеге 9:10

Была жаланда ашарыкъла бла, суусунла бла эм кёп тюрлю жууунуула бла байламлы болуп, жангы низамны башланырына дери салыннган чархны адетлеридиле.

Якъуп 5:16

Сау этилир ючюн, кеси гюняхларыгъызны бир-биригизге айтып ачыкъ этигиз эм бири-биригиз ючюн тилек этигиз; тюзлюклюню къаты тилеги кёп зат этерге болаллыкъды.

I Петер 3:21

Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.

I Ахия 1:9

Гюняхларыбызны айтып ачыкъ эте эсек а, сора, Ол ышаннгылы эм тюзлюклю болгъаны себепли, бизни гюняхларыбызны кечер эмда бизни хар тюрлю аманлыкъдан тазалар.