Маттай 3:17 - Сыйлы Инжил бла Забур

¹⁷ Ол заманда кёкледен: «Бу Мени сюйюлюннген Уланымды; Мен Анга ыразыма», – деген ауаз келди.

Маттай 3:17 Iomraidhean Croise

Забур 2:7

Белгиленнгенни билдирейим: Раббий Манга: «Сен Мени Уланымса, Мен Сени бюгюн туудурдум.

Маттай 12:18

«Ма, Мени сайлап алгъан Къулум, Мени жаным ыразы болгъан Сюйюлюннгеним; Мен Анга Кеси Нюрюмю саллыкъма, Ол миллетлеге тюз хукму билдирликди;

Маттай 17:5

Ол муну айта тургъан заманда, ма аланы жарыкъ булут жапды, сора булутдан бир ауаз: «Бу – Мени ыразылыгъым Анда болгъан, Мени Сюйюлюннген Уланымды; Анга тынгылагъыз», – деди.

Марк 1:11

Сора кёкледен: «Сен Мени сюйюлюннген Уланымса, Мен Санга ыразыма», – деген ауаз келди.

Марк 9:7

Сора аланы булут келип жапды, булутну ичинден да: «Бу Мени сюйюлюннген Уланымды; Анга тынгылагъыз», – деп сёлешген ауаз чыкъды.

Лука 3:22

Анга Сыйлы Нюр, кёгюрчюн кибик, сан сыфатда тюшдю эмда Анга кёкледен: «Сен Мени сюйюлюннген Уланымса; Мен Санга ыразыма», – деген ауаз келди.

Лука 9:35

Эмда булутну ичинден: «Бу Мени сайланнган Уланымды; Анга тынгылагъыз», – деп сёлешген ауаз келди.

Ахия 5:20

Нек десегиз Ата Уланын сюеди эм Кеси этгенни барын да Анга кёргюзтеди эмда, сиз сейирсинир ючюн, Анга быладан да уллу ишле кёргюзтюрюкдю.

Ахия 5:37

Мени ийген Ата Кеси да Мени юсюмден шагъатлыкъ этгенди. Сиз а бир заманда да не Аны ауазын эшитмегенсиз, не Аны бетин кёрмегенсиз.

Эфеслилеге 1:6

Кесини ыразы болгъан буйругъу бла, Масих Иссаны юсю бла бизни Кесине улан этерге алгъындан белгилегенди.

Колослулагъа 1:13

Ол бизни, къарангылыкъны оноуундан къутхарып, Кесини Сюйюлюннген Уланыны Патчахлыгъына кийиргенди.

II Петер 1:17

Нек десегиз уллу эм махтаулу Аллахдан Анга: «Бу Мени ыразылыгъым Анда болгъан, Мени Сюйюлюннген Уланымды», – деген ауаз келген заманда, Ол Аллах Атадан хурмет эм махтау алгъанды.

I Ахия 5:9

Биз адамны шагъатлыгъын къабыл эте эсек, Аллахны шагъатлыгъы уа андан уллуду; нек десегиз ол а Аллах Кесини Уланыны юсюнден этген шагъатлыкъды.

Билим Ачханы 14:2

Сора мен, уллу сууланы тауушуча, уллу кёк кюкюреген тауушча кёкден ауаз эшитдим. Мен эшитген ауаз, арфаларын сокъгъан арфачыланы ауазларына ушай эди.