Маттай 28:6 - Сыйлы Инжил бла Забур

⁶ Ол мында жокъду; Ол айтханыча тиргизилгенди; келигиз, Раббийни жатхан жерине къарагъыз,

Маттай 28:6 Iomraidhean Croise

Маттай 12:40

Нек десегиз Жюнюс уллу чабакъны къарынында юч кюн бла юч кече тургъаны кибик, Адам Улу да жерни жюрегинде юч кюн бла юч кече турлукъду.

Маттай 16:21

Ол замандан башлап Исса сохталарына Кесини Иерусалимге барыргъа, анда таматаладан, баш дин къуллукъчуладан, дин алимледен кёп азап кёрюрге, ёлтюрюлюрге эм ючюнчю кюн тиргизилирге керекли болгъанын ачып башлады.

Маттай 17:23

Аны ёлтюрлюкдюле, Ол а ючюнчю кюн тиргизилликди», – деди. Сохтала бек мудах болдула.

Маттай 17:9

Сора ала таудан тюшгенде, Исса алагъа: «Адам Улу ёлюп тиргизилгинчиге дери, бу кёргенигизни бир кишиге да айтмагъыз», – деп буюрду.

Маттай 20:19

Аны хыликкя этерге, тюерге эм къачха керирге мажюсюлеге берликдиле. Ол а ючюнчю кюн тиргизилликди», – деди.

Маттай 27:63

«Жюйюсхан! Ол алдауукъчу сау заманында: „Юч кюнден сора тиргизилликме“ деп айтханы эсибизге тюшдю.

Марк 16:6

Ол а алагъа: «Къоркъмагъыз! Къачха керилген Назаретли Иссаны излейсиз; Ол тиргизилгенди, Ол мында жокъду. Ма Ол асыралгъан жер.

Марк 8:31

Сора Ол: «Адам Улу кёп азап чегерге керекди. Таматала, баш дин къуллукъчула эм дин алимле, Аны къабыл этмей къоярыкъдыла. Ол ёлтюрюллюкдю эм ючюнчю кюн тиргизилликди», – деп аланы юйретип башлады.

Лука 24:12

Алай болсада Петер, туруп, чабып къабыргъа барды эмда энишге ийилип, жаланда кебинлени алайда тургъанларын кёрюп, болуннган ишге кеси-кесинден сейирсинип, артха къайтды.

Лука 24:23

(Анда) Аны ёлюгюн тапмагъандыла. Ала келип, Ол сауду деп айтхан мёлеклени кёргенбиз, – деп айтхандыла.

Лука 24:44

Сора алагъа: «Мени юсюмден Мусаны Таурат китабында, файгъамбарланы китапларында эмда Забурда битеу жазылгъанла толургъа керекдиле деп, сизни бла болгъан заманында, ма муну юсюнден айтхан эдим Мен сизге», – деди.

Ахия 10:17

Мен жанымы дагъыда артха алыр ючюн береме. Аны ючюн Ата Мени сюеди.

Ахия 2:19

Исса алагъа жууапха: «Бу табыныучу юйню бузугъуз, Мен аны юч кюннге къурарма», – деди.

Ишлери 2:24

Аллах а, ёлюмню бугъоуларын бузуп, Аны тиргизгенди; нек десегиз ёлюмге Аны тыяргъа амал жокъ эди.