Маттай 25:44 - Сыйлы Инжил бла Забур

⁴⁴ Ол заманда ала да Анга жууапха: „Раббий! Биз Сени ач болуп, неда суусап болуп, неда жолоучу болуп, неда жаланнгач болуп, неда ауруп, неда тюрмеде болуп къачан кёрюп, Санга къарамай къойгъанбыз?“ деп айтырыкъдыла.

Маттай 25:44 Iomraidhean Croise

Маттай 10:41

Файгъамбарны файгъамбарлыгъы ючюн къабыл этген адам файгъамбарны саугъасын аллыкъды; тюзлюклюню тюзлюклюлюгю ючюн къабыл этген адам да тюзлюклюню саугъасын аллыкъды.

Маттай 25:43

Жолоучу болгъанымда, Мени къонакъгъа алмагъан эдигиз; жаланнгач болгъанымда, Мени кийиндирмеген эдигиз; ауругъанымда, тюрмеде болгъанымда, Манга келмеген эдигиз“ деп айтырыкъды.

Маттай 25:45

Ол заманда Ол алагъа жууапха: „Кертисин айтама сизге: сиз муну бу эм гитчеледен бирине этмегенигиз себепли, аны Манга этмегенсиз“ деп айтыр.

Маттай 5:6

Тюзлюкге жутлукъ этип термилгенле насыплыдыла; нек десегиз ала тоярыкъдыла.

Маттай 7:22

Ол кюн Манга кёпле: „Раббий! Раббий! Бизни файгъамбарлыкъ этгенибиз Сени атынгдан тюйюлмю эди? Жинлени къыстагъаныбыз да Сени атынг бла тюйюлмю эди? Кёп къудуретли ишле этгенибиз да Сени атынг бла тюйюлмю эди?“ деп айтырла.

Лука 10:29

Ол а, кесин ариуларгъа сюйюп, Иссагъа: «Мени жууугъум а кимди?» – деди.