Маттай 25:34 - Сыйлы Инжил бла Забур

³⁴ Ол заманда Патчах Кесини онг жанындагъылагъа: „Келигиз, Атамы алгъышлылары, дуния жаратылгъандан бери сизге хазырланып тургъан Патчахлыкъгъа ие болугъуз.

Маттай 25:34 Iomraidhean Croise

Забур 2:6

«Мен Патчахымы сыйлы тауум Сионда жерлешдиргенме», – дерикди.

Маттай 13:35

Бу, файгъамбарны юсю бла: «Оюм берген таурухла бла сёзюмю башларма; дуния жаратылгъандан жашырын тургъанны айтырма», – деп айтылгъан сёз толур ючюн болду.

Маттай 19:29

Эмда Мени атым ючюн юйлерин, неда къарындашларын, неда эгечлерин, неда атасын, неда анасын, неда къатынын, неда сабийлерин, неда жерлерин ким къойса да, жюз кере артыкъ аллыкъды эм ёмюрлюк жашаудан юлюшлю боллукъду.

Маттай 20:23

Сора Ол алагъа: «Мени аягъымы ичериксиз, Мен сынай тургъан кёмюлюу бла да кёмюлдюрюллюксюз. Мени онг эм сол жанымда олтурургъа эркинлик берирге уа Мени оноуумда тюйюлдю, алай а Атам кимлеге хазырлагъан эсе, ала олтурлукъдула», – деди.

Маттай 21:5

«Сионну къызына: „Ма, сени Патчахынг, эшекге, жегилген эшекни гылыууна минип, санга жууашлыкъ бла келеди“ дегиз», – деп айтылгъан сёз толур ючюн болду.

Маттай 25:21

Аны бийи анга: „Игиди, ышаннгылы, ахшы къулум! Аз мюлкде тюз болгъанса, сени кёп мюлкге баш этип салырма; бийинги къууанчына къошул“ дегенди.

Маттай 25:23

Аны бийи анга: „Игиди, ышаннгылы, ахшы къулум! Аз мюлкде тюз болгъанса, сени кёп мюлкге баш этип салырма; бийинги къууанчына къошул“ дегенди.

Маттай 25:40

Патчах да алагъа жууапха: „Кертисин айтама сизге: сиз муну Мени бу эм гитче къарындашларымдан бирине этгенигиз себепли, аны Манга этгенсиз“ деп айтырыкъды.

Маттай 25:41

Ол заманда сол жанындагъылагъа да: „Кетигиз Мени къатымдан налатла, ибилисге бла аны мёлеклерине хазырланнган ёмюрлюк отха!

Маттай 27:37

Аны баш жанына уа Аны терслигин кёргюзтюп: «Бу – Иудей Патчах Иссады», – деп жазып салдыла.

Маттай 3:2

«Тобагъа къайтышыгъыз, энди Кёклени Патчахлыгъы жууукълашханды», – дей эди.

Маттай 5:19

Алай бла, бу эм гитче фарызладан бирин кеси бузуп, адамланы алай ким юйретсе, ол Кёклени Патчахлыгъында эм гитчеге саналыр; аланы кеси толтуруп ким юйретсе уа, ол Кёклени Патчахлыгъында уллугъа саналыр.

Марк 10:17

Ол жолгъа чыкъгъан заманда, биреу чабып келип, Аны аллында тобукъланып, Анга: «Ахшы Устаз! Ёмюрлюк жашаудан юлюшлю болур ючюн, мен не этейим?» – деп сорду.

Марк 10:40

Мени онг неда сол жанымда олтурургъа эркинлик берирге уа, Мени оноуумда тюйюлдю, алай а кимлеге хазырланнган эсе, ала олтурлукъдула», – деди.

Лука 11:28

Исса уа: «Андан да тюзю, Аллахны сёзюне тынгылап, аны сакълагъанла насыплыдыла», – деди.

Лука 11:50

Алай бла дуния жаратылгъандан бери тёгюлген битеу файгъамбарланы къанлары,

Лука 12:32

Къоркъма, гитче сюрюу! Нек десегиз сизни Атагъыз сизге Патчахлыкъны берирге иги кёргенди.

Лука 19:38

«Раббийни аты бла келген Патчах алгъышлыды! Кёкледе жарашыулукъ, Эм Бийикдегине махтау!» – дей эдиле.

Ахия 1:49

Натанел Анга: «Устаз! Сен Аллахны Уланыса, Сен Израильни Патчахыса!» – деп жууап этди.

Ахия 12:13

Хурма терек бутакъла алып, Аны аллына чыгъып: «Хозана! Раббийни аты бла келген, Израильни Патчахы алгъышлыды!» – деп къычыра эдиле.

Ахия 17:24

Ата! Сен Манга берген адамла, Мен болгъан жерде Мени биргеме болуп, Сен Манга берген аламатлыгъымы кёрюрлерин сюеме; нек десенг дуния къуралырдан алгъа Мени сюйгенсе.

Ахия 19:15

Ала уа: «Ал, ал, Аны къачха кер!» – деп къычырдыла. Пилат алагъа: «Сизни Патчахыгъызнымы къачха керейим?» – деди. Баш дин къуллукъчула уа: «Кесарьдан башха бизни патчахыбыз жокъду», – деп жууап этдиле.

Ишлери 15:18

Аллахны битеу ишлери ёмюрлюкден да Кесине белгилидиле.

Ишлери 3:26

Аллах, сизни хар биригизни да аман ишлеригизден тайдырып сизни алгъышлы этер ючюн, Кесини Уланы Иссаны тиргизип, бек алгъа сизге ийгенди», – деп сёлешди.

Римлилеге 8:17

Сабийлери эсег’а, сора юлюшлюлерибиз. Биз, Масих бла бирге махтаулу болур ючюн, Аны бла бирге азап чеге эсек, Аллахны юлюшлюлерибиз, Масих бла да бирге юлюшлюбюз.

I Коринфлилеге 15:50

Алай а муну сизге айтайым, къарындашла, эт бла къан Аллахны Патчахлыгъындан юлюшлю болаллыкъ тюйюлдюле эм чиририк, чиримезликден юлюшлю тюйюлдю.

I Коринфлилеге 2:9

Алай а, Китапда жазылгъаны кибик: «Аллах Аны сюйгенлеге не хазырлагъанын кёз да кёрмегенди, къулакъ да эшитмегенди эм ол адамны жюрегине да келмегенди».

I Коринфлилеге 6:9

Неда тюзлюклю болмагъанла Аллахны Патчахлыгъындан юлюшлю болмазлыкъларын билмеймисиз? Алданмагъыз: не саякъ жюрюучюле, не идоллагъа табыныучула, не зийначыла, не эр киши бла жатышыучу эр кишиле,

Галатиялылагъа 5:21

Жутлукъ, мурдарлыкъ, ичгичилик, къутуруулукъ эмда алагъа ушагъан затла. Сизге алгъын айтханымча энтда айтама, алай этиучюле Аллахны Патчахлыгъындан юлюшлю боллукъ тюйюлдюле.

Эфеслилеге 5:5

Нек десегиз бир тюрлю саякъ, неда харам адамны, неда идоллагъа табыныучу бла бирча болгъан жыртхыч адамны, Масихни эмда Аллахны Патчахлыгъындан юлюшю болмагъанын билигиз.

I Фесалоникачылагъа 2:12

Биз сизден, сизни Кесини Патчахлыгъына эм махтаууна чакъыргъан Аллахха тийишли жашарыгъызны жалбарып тилеген эдик, сизни кёллендирип ийнандыргъан эдик.

II Тимотейге 2:12

Тёзе эсек, Аны бла патчахлыкъ этерикбиз; Аны инкяр этсег’а, Ол да бизни инкяр этерикди.

II Тимотейге 4:8

Энди уа манга тюзлюкню тажы хазырланады, аны уа, ол Кюнде манга тюзлюклю Сюдю Раббий берликди эм жаланда манга тюйюл, алай а Аны келирин сюйгенлени барына да.

Чюйютлелеге 1:14

Ала бары да къутхарылыудан юлюшлю боллукълагъа болушур ючюн жиберилген къуллукъ этиучю нюрле тюйюлмюдюле?

Чюйютлелеге 11:16

Алай а ала эм игисине, башхача айтханда, кёкдегине итиннгендиле. Ол себепден Аллах, Кесине аланы Аллахы атагъанындан ыйлыкъсынмайды, нек десегиз Ол алагъа шахар хазырлагъанды.

Чюйютлелеге 4:3

Биз ийнаннганла уа Аны ырахатлыгъына киребиз; нек десегиз Ол: «Мен ачыуум бла ант этгенимча, ала Мени берлик ырахатлыгъыма кирлик тюйюлдюле», – дегенди. Аны ишлери уа дунияны башланнганында окъуна тамам болгъанлай да алай айтханды.

Чюйютлелеге 9:26

Алайсыз Анга дунияны башланнганындан берисинде кёп кере азап чегерге керек боллукъ эди. Ол а бир кере, ёмюрлени ахырында, Кесини къурманы бла гюняхны жокъ этерге келгенди.

Якъуп 2:5

Тынгылагъыз, сюйюлюннген къарындашларым: Аллах бу дунияны жарлыларын, ала ийман бла бай болуп, Аны сюйгенлеге берирге айтхан Патчахлыкъдан юлюшлю болсунла деп сайламагъанмыды?

I Петер 1:9

Алай бла ийманыгъызны муратына – жанларыгъызны къутхарылыууна жетесиз.

I Петер 3:9

Аманлыкъгъа аманлыкъ бла неда аман сёзге аман сёз бла жууап этмегиз. Ол угъай эсенг, алгъыш этигиз; нек десегиз сиз алгъышлы болургъа чакъырылгъансыз.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.

Билим Ачханы 17:8

Ол сен кёрген жаныуар бар эди эм жокъду, тюпсюз теренликледен чыгъарыкъды эм жоюлуугъа кетерикди. Жер башында жашагъанладан атлары дуния жаратылгъандан бери жашау китабында жазылмагъан адамла жаныуарны алгъын болгъанын энди уа жокълугъун кёргенде хайран боллукъдула. Алай а ол энтда бир кере чыгъарыкъды.

Билим Ачханы 19:16

Аны кийиминде бла базыкъ бутунда: патчахланы Патчахы эм бийлени Бийи деген ат жазылыпды.

Билим Ачханы 21:7

Хорлагъан барындан да юлюшлю боллукъду. Мен аны Аллахы боллукъма, ол да Манга улан боллукъду.

Билим Ачханы 5:10

Эмда Аллахыбыз ючюн бизни патчахла эм дин къуллукъчула этгенсе; биз жер башында патчахлыкъ этерикбиз», – дейдиле.