Маттай 25:31 - Сыйлы Инжил бла Забур

³¹ «Адам Улу Кесини аламатлыгъында, битеу сыйлы мёлеклери бла келген заманында, Ол Кесини аламат тахтасына олтурлукъду.

Маттай 25:31 Iomraidhean Croise

Забур 9:7

Душманда чыртда сауут къалмагъанды, Сен шахарларын да бузгъанса; аланы эслери да ала бла жоюлгъанды.

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Маттай 19:28

Исса уа алагъа: «Кертисин айтама сизге: сиз, Мени ызымдан тебирегенле, дунияны жангыргъанында, Адам Улу Кесини махтаулу тахтасына олтургъан заманында, сиз да онеки тахтада, Израильни онеки тукъумуна сюд этерге олтурлукъсуз;

Маттай 25:6

Кече арасында уа: „Ма, киеу келеди, чыгъыгъыз аны аллына!“ деп къычыргъан ауаз эшитилди.

Маттай 26:64

Исса анга: «Сен айтдынг; мындан ары сиз Адам Улуну Къудуретлини онг жанында олтуруп, кёкдеги булутланы юсюнде келгенин кёрюрсюз, деп окъуна айтама сизге», – деди.

Марк 14:62

Исса: «Менме; эмда сиз Адам Улуну Къудуретлини онг жанында олтуруп эм кёкдеги булутла бла келгенин кёрюрсюз», – деди.

Марк 8:38

Нек десегиз бу зийначы эм гюняхлы тукъумну арасында Менден эм Мени сёзлеримден ким ыйлыкъсынса, Адам Улу да Кесини Атасыны аламатлыгъы бла, сыйлы мёлекле бла келгенинде, ол адамдан ыйлыкъсынырыкъды», – деди.

Лука 22:69

Эндиден башлап, Адам Улу къудуретли Аллахны онг жанында олтурлукъду», – деди.

Лука 9:26

Нек десенг Менден эм Мени сёзлеримден ким ыйлыкъсынса да, Адам Улу да, Кесини, Атасыны эмда сыйлы мёлеклени аламатлыгъы бла келгенинде, ол адамдан ыйлыкъсынырыкъды.

Ахия 1:51

Дагъыда анга: «Кертисин, кертисин айтама сизге: мындан арысында, кёк ачылып, Аллахны мёлеклери, Адам Улуна ёрге чыгъып, энишге тюшгенлерин кёрлюксюз», – деди.

Ишлери 1:11

Алагъа: «Галилеялы кишиле! Сиз, тохтап, кёкге нек къарайсыз? Сизден кёкге кётюрюлген бу Исса, сиз Аны кёкге кётюрюлгенин кёргенигиз кибик, ол халда келликди», – дедиле.

I Фесалоникачылагъа 3:13

Раббийибиз Масих Исса, сизни жюреклеригизни кючлендирип, битеу сыйлылары бла келишинде Атабыз Аллахны аллында сыйлылыкъда айыпсыз этсин. Амин.

I Фесалоникачылагъа 4:16

Нек десегиз Аллахны буйругъу бла, баш мёлекни ауазы эм Аллахны сур быргъысыны тауушу эшитилген заманда Раббий Кеси кёкден тюшерикди эмда Масиххе ийнанып ёлгенле алгъа тиргизилликдиле.

Чюйютлелеге 1:8

Уланыны юсюнден а: «Эй Аллах, Сени тахтанг ёмюрден ёмюргеди; Патчахлыгъынгы таягъы тюзлюк таягъыды.

Чюйютлелеге 9:28

Масих да алай, кёплени гюняхларын Кесини боюнуна алыр ючюн, Кесин бир кере къурманнга келтиргенди. Экинчи кере уа гюняхдан тазалар ючюн тюйюл, алай а Аны сакълагъанланы къутхарыр ючюн келликди.

Яхуда 1:14

Аланы юсюнден Адам файгъамбардан жети атагъа айланнган Ханох да, файгъамбарлыкъ этип: «Ма, Раббий Кесини кёп минг сыйлы мёлеги бла келеди.

Билим Ачханы 1:7

Ма, булутла бла келеди! Аны хар кёз да, Аны чанчханла да кёрлюкдюле; Аны ючюн дунияны битеу миллетлери сарнап жилярыкъдыла. Алайды. Амин.

Билим Ачханы 20:11

Сора мен уллу акъ тахтаны эм анда Олтургъанны кёрдюм; Аны бетинден кёк да, жер да къачдыла эм алагъа жер табылмады.

Билим Ачханы 3:21

Мен хорлап, Атамы биргесине Аны тахтасында олтургъаным кибик, хорлагъаннга да Мени биргеме Мени тахтамда олтурургъа эркинлик берликме.