Маттай 25:21 - Сыйлы Инжил бла Забур

²¹ Аны бийи анга: „Игиди, ышаннгылы, ахшы къулум! Аз мюлкде тюз болгъанса, сени кёп мюлкге баш этип салырма; бийинги къууанчына къошул“ дегенди.

Маттай 25:21 Iomraidhean Croise

Маттай 24:45

Аны бийи, кесини жумушчуларына тамата этип алагъа заманында аш берирге салгъан ышаннгылы эм акъыллы къул ким эсе?

Маттай 24:47

Кертисин айтама сизге, бийи аны битеу мюлкюне тамата этерикди.

Маттай 25:23

Аны бийи анга: „Игиди, ышаннгылы, ахшы къулум! Аз мюлкде тюз болгъанса, сени кёп мюлкге баш этип салырма; бийинги къууанчына къошул“ дегенди.

Маттай 25:46

Сора была ёмюрлюк азапха, тюзлюклюле уа ёмюрлюк жашаугъа кетерле», – деди.

Лука 12:44

Кертисин айтама сизге, (бийи) аны битеу мюлкюне тамата этерикди.

Лука 16:10

«Аз затда ышаннгылы болгъан кёп затда да ышангылыды, аз затда ышангылы болмагъан а кёп затда да ышангылы тюйюлдю.

Ахия 12:26

Манга жумуш этген адам Мени ызымдан келсин, Мен болгъан жерде Мени жумушчум да боллукъду; Манга жумуш этген адамгъа Мени Атам хурмет этерикди.

Ахия 14:3

Эмда, барып, сизге жер хазырласам, Мен болгъан жерде сиз да болур ючюн, дагъыда келип сизни Кесиме аллыкъма.

Ахия 17:24

Ата! Сен Манга берген адамла, Мен болгъан жерде Мени биргеме болуп, Сен Манга берген аламатлыгъымы кёрюрлерин сюеме; нек десенг дуния къуралырдан алгъа Мени сюйгенсе.

Римлилеге 2:29

Алай а ол ичинден иудейли болгъан иудейлиди эм сюннетлилик да жазылгъан жорукъла бла тюйюл, жюрекде, нюр бла этилген сюннетлиликди. Анга уа махтау адамладан тюйюлдю, Аллахданды.

I Коринфлилеге 4:5

Ол себепден, Раббий келгинчи, замандан алгъа бир тюрлю сюд да этмегиз. Ол а къарангыда жашырылгъанланы жарыкъгъа чыгъарыр эм адамланы жюреклериндеги ниетлерин ачыкъ этер. Ол заманда уа хар кимге да махтау Аллахдан болур.

II Коринфлилеге 10:18

Нек десегиз махтау тийишли, кеси-кесин махтагъан адам тюйюлдю, алай а Раббий кимни махтай эсе олду.

II Коринфлилеге 5:9

Ол себепден чархыбызда жашап да, андан чыгъа туруп да, Раббийни ыразы этерге эришип кюрешебиз.

I Тимотейге 3:13

Нек десегиз ахшы къуллукъ этген болушлукъчула, Масих Иссагъа ийнаныуларында толу даражагъа эмда уллу таукелликге жетедиле.

II Тимотейге 2:12

Тёзе эсек, Аны бла патчахлыкъ этерикбиз; Аны инкяр этсег’а, Ол да бизни инкяр этерикди.

Чюйютлелеге 12:2

Ийманыбызны башчысы эм тамамлаучусу болгъан Иссагъа къарайыкъ. Ол, Анга боллукъ къууанч ючюн Кесини ыйлыкъдырылыууна къайгъырмай къоюп, къачны юсюнде ёлюмге тёзгенди, энди уа Аллахны тахтасыны онг жанында олтурады.

Билим Ачханы 2:10

Сен сынарыкъ къыйынлыкъладан къоркъма. Ма, ибилис, сизни сынар ючюн, сизни арагъыздан бир къауумланы тюрмеге саллыкъды эм он кюн къыйынлыкъда боллукъсуз. Ёлюрге керек болсанг да тюз бол, сора санга жашауну тажын берликме.

Билим Ачханы 21:7

Хорлагъан барындан да юлюшлю боллукъду. Мен аны Аллахы боллукъма, ол да Манга улан боллукъду.

Билим Ачханы 3:21

Мен хорлап, Атамы биргесине Аны тахтасында олтургъаным кибик, хорлагъаннга да Мени биргеме Мени тахтамда олтурургъа эркинлик берликме.

Билим Ачханы 7:17

Нек десенг тахтаны арасындагъы Къозу аланы кютерикди эм жашау суу шауданлагъа жюрютюрюкдю эмда Аллах аланы кёзлеринден хар тюрлю жилямукъну сюртюрюкдю», – деди.